Jeremia 50:42 - MUMA MALER 2015

⁴² Gin gi asere gi tonge. Giger kendo ok gikech ng’ato. Tiende faresegi mor ka apaka mar nam mawuo. Giikore kedo gi Babulon.

Motingʼo Loko Manyien

⁴² Gimanore gi atungʼ kod tongʼ; giger kendo gionge ngʼwono. Gimor ka nam mogingore ka giriembo faresegi; gibiro ka ji mochanore komanore gi gige lweny mondo gimonju, yaye Nyar Babulon.

Jeremia 50:42 ပူးပေါင်းရင်းမြစ်များ

Zaburi 46:6

Ogendini luor, kendo pinje yiengni, to piny bende leny ka Nyasaye rogo matek.

Zaburi 74:20

to par singruok mane itimo kodwa. Kuonde duto motimo mudho e piny opong’ gi timbe mahundu.

Isaya 14:6

In ruodh Babulon, ne isando ogendini pile gi gero, kigoyogi, kendo kinyonogi piny gi mirima maonge yueyo.

Isaya 47:1

In Babulon, dala ma pok olo, bed piny e lowo. Ee, in dala maduong’ mar jo-Kaldai, we komlochni, ibed piny e buru. Ji ok nochak odendi ka gima in nyako ma dende yom, kendo mosedak e ngima maber!

Isaya 47:6

Kane mirima omaka gi joga, ne ajwang’ogi ka gima ok gin joga awuon, mi aketogi e tekoni. Ne ok ikechogi, to ne iketo kum mapek koda ka kuom joma oti.

Isaya 5:28

Aserni maggi opiag mabith, kendo atungegi duto oywa motegno. Ombong’ faresegi tek ka kite, kendo tiend gechegi mag lweny winyore ka kalausi.

Isaya 5:30

Ginikog kuom jo-Israel chieng’no, mana ka nam matwaro, kendo ka ng’ato orango piny to mudho gi chandruok ema none, bende wang’chieng’ noimre e boche polo.

Jeremia 30:14

Osiepeu duto oseweyou, kendo tinde ok gidewu. Asemonjou mana ka jasigu, kendo useyudo kum mager nikech richou mang’eny, bende nikech timbeu maricho lich.

Jeremia 47:3

Giniwinj tiend farese ka diko, gi geche maringo, kod tiend geche ka mutni. Wuone nyithindo ok nodog chien mondo oom nyithindgi, to ginibed maluor maonge gi teko,

Jeremia 50:14

“Un jo-asere, rieduru ni lweny mondo uked gi Babulon ka ugoyone ageng’a. Chieluru Babulon gi asere, nikech osetimo timbe maricho e nyima, an Ruoth Nyasaye.

Jeremia 50:9

Adhi jiwo ogendini moko marateke modak yo nyandwat mondo obi omonj Babulon. Gibiro riedo ni lweny mondo giked gi dalano mi gikaw. Giniba asere ka jodwar ma josaba ma gima gibayo ok leng’.

Jeremia 51:27

“Chunguru bandech lweny! Gouru tung’ mondo ogendini owinji, kendo giikre monjo Babulon! Luonguru jopinje mag Ararat gi mag Mini kod mag Ashkenaz mondo obi ochak lweny, kendo yieruru ng’ato obed jatendgi. Keluru farese mang’eny ka bonyo.

Jeremia 8:16

Ne wawinjo ka farese mag wasigu futo ka Dan, kendo ywakgi ne miyo piny duto yiengni. Wasigugo osebiro mondo oketh pinywa, kod gik moko duto mantie, kaachiel gi dalawani kod joma odakie.”

Ezekiel 26:3

“To koro an Ruoth Nyasaye awacho kama: Amon kodi, in dala mar Turo! Omiyo abiro kelo ogendini mang’eny mondo omonji, kendo gibiro chalo mana apaka mag nam.

Joel 2:5

Kiwinjogi ka gichikore ewi gode, to gichalo ka geche maringo, kata ka lum motwo ma mach wang’o. Ochan-gi mana ka oganda lweny maduong’ moriedo ni lweny.

Jakobo 2:13

Jang’ad bura ok nokech ng’at ma ok kech ji. Ng’at ma kecho ji to onge gima oluoro kuom jang’ad bura.

Fweny 16:6

nikech joma nochuero remb jo-Nyasaye kod jonabi isemiyo remo mondo omadhi!”