Jeremia 50:36 - MUMA MALER 2015

³⁶ Tho ochopo kuom jonabi mage ma jomriambo. Gin joma ofuwo manade! Tho ochopo kuom jolwenje, mi luoro omakogi.

Motingʼo Loko Manyien

³⁶ Ligangla notiek jonabi mage mag miriambo! Ginibed joma ofuwo. Ligangla notiek jolweny mage! Luoro maduongʼ nomakgi.

Jeremia 50:36 ပူးပေါင်းရင်းမြစ်များ

2 Samuel 15:31

Nonyis Daudi ni Ahithofel en achiel kuom joma odok ni Absalom, mi nowacho niya, “A Ruoth Nyasaye, asayi, lok rieko mar Ahithofel mondo obed mana fuwo!”

2 Samuel 17:14

Mi Absalom gi jo-Israel duto nowacho niya, “Rieko mar Hushai ja-Arki ber moloyo rieko mar Ahithofel.” To mano notimore nikech Ruoth Nyasaye nosechano mondo okel masira ni Absalom, komiyo rieko mar Ahithofel bedo kayiem nono.

2 Weche mag Ndalo 25:16

Kane pod janabino wuoyo, ruoth nopenje niya, “Waseketi jabuch ruoth koso? Ling’! Koso idwaro tho?” Mi janabi noling’ matin, to bang’e nowacho niya, “Koro ang’eyo ni Nyasaye osechano mondo otieki, nikech isedagi winjo puonjna.”

Isaya 43:14

Ruoth Nyasaye ma jaresu kendo ma Ng’ama Ler mar Israel wacho kama: “Aseoro oganda lweny mondo omonj Babulon nikech un, kendo abiro miyo jo-Babulon podh piny auma ka giringo, mi koko mar mor ma gigoyo lokre ywak.

Isaya 44:25

Ang’eyo jonabi mag miriambo kaachiel gi ranyisigi, bende akuodo wi ajuoke. Adwoko weche joma riek chien, kamiyo riekogi lokore gima nono.

Jeremia 48:30

An Ruoth Nyasaye ang’eyo kaka gisungore, to sungagino onge tiende, kendo gik moko duto ma gitimo biro rumo.

Jeremia 49:22

Wasigu nomonj Bozra mana ka achuth mopodho piny kuom gima otho, koa malo e kor polo ka buombene oyarore. Chieng’no jolweny mag Edom kihondko nomaki mana ka dhako ma muoch kayo.”

Jeremia 50:30

Kuom mano yawuote nonegi e yore mag dala, mi jolwenje notiek pep chieng’no. An Ruoth Nyasaye ema awacho kamano.

Jeremia 51:23

kuom chadho ruodhi gi jodonggi.”

Jeremia 51:30

Jolweny mag Babulon oringo lweny, mopondo mana kuonde mochiel motegno. Luoro omakogi, mi koro gichalo mana mon. Dhorangeye dala osemuki, mowang’ udi gi mach.

Jeremia 51:32

Gisekawo dhowedhe, kendo giwang’o odundu gi mach, mi kibaji ogoyo jolweny mag Babulon.

Nahum 2:8

Nineve koro chalo gi yawo ma pige dwono, nikech jolwenje duto ringo weye. Okoknigi kowacho ni, “Chung’uru!” To onge ng’ama duogo.

Nahum 3:13

Jolwenji nodok manyap ka mon. Dhorangeye mag pinyi noyawre malach ni wasigu, kendo mach nowang’gi pep.

Nahum 3:7

Ji duto moneni nobwogi, ka wacho niya, ‘Mano kaka Nineve okethore malich!’ To kata kamano, onge ng’ama noho chunyi. Chutho ere kama diyudie ng’ama diywagi?”

1 Timotheo 4:2

Jopuonj mag miriambo ma parogi odinore ka gima owang’ gi nyinyo maliet nowuond ji,

1 Timotheo 6:4

to mano nyiso ni en ng’at ma jasunga, kendo ok ong’eyo gimoro. Oowore mana gi mino wach, kod goyo mbaka makelo nyiego, gi dhaw, gi hango wach, gi chich maricho mamiyo ji parruok,

Fweny 19:20

To ne olo Ondiek, mi omaki kaachiel gi Janabi mar Miriambo, mane osebedo katimo honni e nyime. Honnigo ema ne osewuondogo joma ne oketnigi alama mar Ondiek, kendo mane lamo gima ket gi Ondiegno. Ondiek gi Janabi ne owit kangima e ataro mar ligek mach.

Fweny 21:8

To ngoche, gi joma ok oyie, kod jomriambo duto, kargi nobed mana ataro maliel gi ligek mach, ma en tho mar ariyo!”

Fweny 22:15

To guogi gi jojuogi, gi joma terore, gi jonek, gi joma lamo nyiseche manono, kod ji duto ma ohero miriambo kendo matimo gik ma ok adiera, nobed oko.