Jeremia 50:33 - MUMA MALER 2015

³³ Ruoth Nyasaye Manyalo Gik Moko Duto wacho niya, “Jo-Israel gi jo-Juda ithiro. Ji duto mane omakogi kwayogi malich, kendo ok nyal weyonigi thuolo mondo gia.

Motingʼo Loko Manyien

³³ Ma e gima Jehova Nyasaye Maratego wacho: “Jo-Israel ithiro, kaachiel gi jo-Juda bende kamano. Joma ne omakogi nomakogi matek, ma ok nyal weyogi gidhi.

Jeremia 50:33 ပူးပေါင်းရင်းမြစ်များ

Wuok 5:2

To Farao nodwokogi niya, “Ruoth Nyasaye to en ng’a, ma dawinj wachne, mi awe jo-Israel dhi? Akia Ruoth Nyasaye, bende ok nawe jo-Israel odhi!”

Wuok 8:2

To winji! Ka ok iyie timo kamano, to abiro kelo ogwende e pinyi duto mondo asandugo.

Isaya 14:17

kendo miyo ruodhi tetni, mi lok piny thim, kendo mane ok gony joma osetueyo dog thuchegi?’

Isaya 47:6

Kane mirima omaka gi joga, ne ajwang’ogi ka gima ok gin joga awuon, mi aketogi e tekoni. Ne ok ikechogi, to ne iketo kum mapek koda ka kuom joma oti.

Isaya 51:23

To abiro kete e lwet joma sandi kendo thiri, mane owachoni niya, ‘Nind piny mondo wawuoth kuomi.’ Kamano ne inindo piny, mondo dieng’eyi olokre yo ma jowuoth luwo!”

Isaya 58:6

Donge kit tueyo chiemo ma adwaro en ni mondo ugony tonde mag richo, kendo utur jok duto, mondo joma isando oyud yueyo?

Jeremia 30:20

Abiro dwokonigi tekogi machon, mi achak agur ogandagi motegno, to anakum ji duto mathirogi.

Jeremia 50:7

Ji duto moyudogi monjogi. Wasikgi to wacho niya, ‘Ne gitimo timbe maricho e nyim Ruoth Nyasaye, omiyo gima watimonigi ok rach. Kweregi nogeno kuom Ruoth Nyasaye, kendo gin bende nonego gisik ka gigeno kuome.’