Jeremia 50:2 - MUMA MALER 2015

² Huluru wach ni ogendini! Kik umung’gi, to gonigiuru milome! Chunguru bandera mondo ji ong’e ni Babulon osepodho. Marduk nyasache osemaki. Nyiseche mamoko mag Babulon oyudo wichkuot. Nyiseche makuerogo okethi.

Motingʼo Loko Manyien

² “Nyisuru kendo landuru e dier ogendini, tingʼuru bandera kendo landuru; kik upand gimoro, to wachni, ‘Babulon nomaki; Bel wiye nokuodi, Marduk luoro nogo ngoga. Gige mopa nokuod wigi kendo nyisechegi manono nopongʼ gi luoro.’

Jeremia 50:2 ပူးပေါင်းရင်းမြစ်များ

Zaburi 64:9

kendo nobed maluor. Ginihul gima Nyasaye osetimo, kendo ginipar matut kuom timbene madongo.

Zaburi 96:3

Huluru ni ji duong’ne maler, mondo ji duto owinj timbene madongo.

Zaburi 97:7

Wichkuot omako ji duto malamo kido mag nyiseche manono. Ee, jogo duto masungore gi gik manono, wigi okuot. Kata mana nyiseche duto kulore e nyim Ruoth Nyasaye.

Isaya 12:4

Chieng’no un duto unuwach niya, “Gouru erokamano ni Ruoth Nyasaye, kendo lameuru. Landuru ni ji duto gik mosetimo. Ka uhulo ni nyinge nigi duong’ moloyo.

Isaya 13:2

Chunguru bandera ewi got mojuer kaka ranyisi muluongogo wasik Babulon. Gwelgiuru mondo gidonj e dhoranga Babulon.

Isaya 21:9

to koro echa aneno joidh farese ka biro, kaachiel gi geche lweny ma farese ariyo ariyo ywayo.” Eka nawinjo dwoko niya, “Babulon osepodho! Osepodho, kendo nyisechene manono osemuki moriere piny.”

Isaya 37:19

mi gibolo nyisechegi e mach, kendo gisekethogi chuth, nimar ne ok gin nyiseche kata matin, to mana tich dhano molos gi yath kata gi kidi.

Isaya 39:1

E ndalo Merodak-baladan wuod Baladan, ma ruodh Babulon, nooro joote ir Hezekia gi barupe kod mich, nikech ne owinjo ni yande otuo, to koro osedoko mangima.

Isaya 46:1

Nyiseche Babulon ma Bel gi Nebo okulore piny ka luoro omako. Yande ji ting’ogi ating’a ka miyogi duong’, to koro kenje gi jamni ema oting’ogi, ka gilokore ting’ maturo jamni mool!

Isaya 48:20

Wuoguru ua Babulon! Ee, ringuru ua kuom jo-Kaldai! Wachuru ni, Ruoth Nyasaye ema osewaro joka Jakobo jotichne. Nyisuru wachno, kuwer gi mor mar loch, kendo kulande e tung’ piny gi tung’ piny.

Isaya 48:6

Usewinjo gima ne awacho, omiyo pareuru maber, eka ubiro yie ni en adier. To koro anyisou gik manyien ma pok ung’eyo, mosebet kopondo.

Jeremia 10:11

Nyaka inyis jogo ni nyiseche mane ok ochueyo polo gi piny ibiro kethi. Ok ginichak gibed kamoro amora e piny.

Jeremia 10:15

Gin gik manono moromo chayo, kendo gibiro rumo, chieng’ ma Ruoth Nyasaye biro mondo otiekgi.

Jeremia 31:10

“Un ogendini, winjuru, an Ruoth Nyasaye, mondo uland wachna e pinje man loka nam. An ema ne akeyo jo-Israel, to koro abiro chako chokogi, mi aritgi kaka jakwath rito jambe.

Jeremia 4:16

Nyisuru ogendini kendo landuru wach ni, Jerusalem ibiro kethi. Wasigu biro moa e piny mabor, kendo gibiro goyo koko ni joma odak e miech Juda.

Jeremia 4:6

Nyisuru ji yo madhi Sayun. Ringuru mondo utony, kik udeki, nikech Ruoth Nyasaye kelo masira kaa nyandwat mabiro ketho piny malich.

Jeremia 46:14

“Landuru wach e miech Misri ma Migdol gi Memfis kod Tapanhes, mondo giikre gisir wasikgi, nimar lweny oseketho kuonde machiegni kodu.

Jeremia 50:46

Ka olo Babulon, to koko nogore matek, mi piny noyiengni, kendo ogendini mamoko nowinj kokone.”

Jeremia 51:12

Chunguro bandera manyiso jolweny mondo omonj ohinga mar Babulon. Jiwuru jorit, kendo keturu jolweny kuondegi, bende keturu jomoko obuti, mondo obuk joma ringo.” Ruoth Nyasaye osetimo gima ne owacho ni notim ni jo-Babulon, mana kaka nochano.

Jeremia 51:27

“Chunguru bandech lweny! Gouru tung’ mondo ogendini owinji, kendo giikre monjo Babulon! Luonguru jopinje mag Ararat gi mag Mini kod mag Ashkenaz mondo obi ochak lweny, kendo yieruru ng’ato obed jatendgi. Keluru farese mang’eny ka bonyo.

Jeremia 51:31

Joote mang’eny ringo kaa koni gi koni mondo onyis ruodh Babulon ni wasigu osemwomo ohinga kuonde duto.

Jeremia 51:44

Abiro kumo Bel nyasach Babulon, mi ami ong’og oko gik mosekwalo, kendo ogendini ok nochak olame kendo. “Ohinga mar Babulon osepodho! Un jo-Israel, ringuru ua kuno.

Jeremia 51:47

Kinde biro ma anakumie nyiseche manono mag Babulon, mi piny Babulon noyud wichkuot, kendo joge duto noneg e lweny.

Jeremia 51:52

Kuom mano, an Ruoth Nyasaye, awacho ni kinde biro ma anakumie nyiseche manono mag Babulon duto.

Jeremia 51:8

To koro Babulon osepodho apoya, mi okethore! Ywageuru! Dwaruru yath ni adhondene, nimar dipo ka omiyo ochango.

Jeremia 52:31

Kane Jehoyachin ruodh Juda osetue higni piero adek gabiriyo, Evil-merodak ruodh Babulon nogonye. Mano notimore chieng’ due piero ariyo gabich due mar apar gariyo, e higa mane Evil-merodak ochakoe tich ruoth.

Jeremia 6:18

Omiyo Ruoth Nyasaye nowacho niya, “Winjuru un ogendini mondo ung’e gima biro timore ni joga.

Daniel 1:2

Ruoth Nyasaye nochiwo Jehoyakim e lwet Nebukadnezar, kaachiel gi gik lemo moko mane pod odong’ ei Hekalu, Jerusalem. Ruoth Nebukadnezar nokawogi, moterogi Babulon ei hekalu mar nyisechene, mi okano gik Hekalu mane oyakogo e od kenone.

Daniel 3:14

Kane okelgi ire, nopenjogi niya, “Shadrak gi Meshak kod Abednego, bende en adier ni utamoru lamo nyasacha, kendo utamoru kuloru piny ni kido mar dhahabu ma asechungo?

Zefania 2:11

To Ruoth Nyasaye biro thinyore mondo okumgi marach! Obiro nego nyiseche duto mag piny gi kech, mi ji duto modak e pinje mae dhonembe kod chulni nokulre ka lame, ng’ato ka ng’ato e dalane.

Fweny 18:2

Nokok matek niya, “Yaye! Babulon dala maduong’ osepodho! Osepodho! Osedoko kar dak mar jochiende, kendo odoko gunda ma chuny duto mochido odakie, kaachiel gi winy duto ma ok ler kendo makuero.