Jeremia 50:10 - MUMA MALER 2015

¹⁰ Babulon ibiro yaki kendo joma yekogo biro kawo gimoro amora ma gidwaro. An Ruoth Nyasaye ema awacho kamano.

Motingʼo Loko Manyien

¹⁰ Jehova Nyasaye wacho niya, “Omiyo Babulon noyaki; jogo moyake nokaw gik moromogi.

Jeremia 50:10 ပူးပေါင်းရင်းမြစ်များ

Isaya 33:23

Bang’e ng’ama muofu kod ng’ama rang’ol bende noyud pok kuom gik moyaki.

Isaya 33:4

Mwandugi noyaki, mi tieki, mana kaka bonyo nang’o lum, mi tieki. Adier, ji nopot kuomgi mana ka det bonyo.

Isaya 45:3

Anamiyi mwandu mopandi e mudho, kendo mokan kuonde mopondo, mondo eka ing’e ni an e Ruoth Nyasaye ma Nyasach Israel, ma luongi gi nyingi.

Jeremia 25:12

To bang’ mano, anakum ruodh Babulon kaachiel gi joge kuom richogi. Anaketh pinygi, mi osik kokethore nyaka chieng’. An Ruoth Nyasaye ema awacho kamano.

Jeremia 27:7

Ogendini duto notine, kendo giniti ni wuode kod nyakware bende, nyaka chop kinde ma ogandane owuon nopodhie. Bang’e ogandane noti ni ogendini marateke kod ruodhi madongo.

Jeremia 50:26

Monjuru Babulon kuonde duto koni gi koni, mondo umuk derene. Dhururu gik muyako ka pidhe mag cham. Kethuru dalano ma kik gimoro dong’ie.

Jeremia 50:37

Oseketh faresegi gi gechegi mag lweny. Tho ochopo kuom jolweny mane ondiko, mi gilokore mayomyom ka mon. Oseketh mwandune kendo oyakgi.

Jeremia 51:24

Ruoth Nyasaye wacho niya, “Ubiro neno ka achulo kuor ni Babulon gi joge kuom richo duto mane gitimo Sayun.

Jeremia 51:35

Jo-Sayun wacho niya, ‘Muma mondo ocham jo-Babulon kuom masira ma gisekelonwa.’ Ee, jo-Jerusalem wacho niya, ‘Muma mondo ocham jo-Babulon kuom rembwa mosechwer.’

Ezekiel 11:24

Ne aneno e fweny ka Roho oting’a, mi odwoka Babulon ir joma nie tuech. Bang’e fwenyno nolalna nono.

Habakuk 2:8

Kaka ne uyako ogendini mang’eny, e kaka ogendini duto bende noyaku, nikech remo mane uchuero kod timbe mahundu mane utimo e piny kendo e mier, kusandogo joma odakie.

Fweny 17:16

To tunge apar mane ineno, kaachiel gi ondiegno, nobed mamon gi dhako ma jachodeno. Ginikeye nono mi giweye duk. Ginicham ringre, kendo giniwang’e pep gi mach,