Jeremia 5:31 - MUMA MALER 2015

³¹ Jonabi koro weche mag miriambo, jodolo bende chwakogi, to kendo mano e gima joga ohero! To gibiro timo ang’o, chieng’ ma gigo orumo?

Motingʼo Loko Manyien

³¹ Jonabi koro miriambo, jodolo tiyo gi tekogi giwegi, kendo joga ohero mana gik ma kamago. To en angʼo ma ibiro timo e ndalo mogik?

Jeremia 5:31 ပူးပေါင်းရင်းမြစ်များ

1 Ruodhi 22:6

Omiyo ruodh Israel nochoko jonabi ma dirom mia ang’wen, mopenjogi niya, “Adhi aked gi jo-Ramoth-gilead, koso awe?” Ne gidwoke niya, “Dhiyo, nikech Ruoth Nyasaye biro miyi dalano.”

Ngeche 17:4

Joma timbegi mono ohero winjo weche maricho. Jomriambo bende kuoth ema mitnigi.

Isaya 10:3

To unutim ang’o chieng’ mikumou, ka masira moa kuma bor omakou? Ere ng’ama nuring ire mondo okonyu? Koso ere kama un uweye nyithindu

Isaya 20:6

Chieng’no joma odak a dhonam nowach niya, ‘Neuru gima osetimore ni joma ne wageno kuomgi, mi waringo irgi mondo oreswa kuom ruodh Asuria! To koro wan to dwatony nadi?’ ”

Isaya 33:14

Joricho modak Sayun biro tetni ka luoro omako. Adier, joma ok dew Nyasaye kihondko nomaki, mi ginipenjre niya, “Bende nitie ng’ato kuomwa manyalo dak gi mach mawang’o gik moko duto? Koso en ng’a ma didag gi mach maliel nyaka chieng’?”

Isaya 43:27

Kwaru mokwongo ne otimo richo, kendo jonabiu ne opiem koda.

Isaya 47:7

Ne iwacho niya, “Abiro bedo ruoth nyaka chieng’.” To ne ok iparo gik mane isetimogo, kata gik ma gibiro kelo achien!

Jeremia 12:4

Nyaka karang’o ma pinywa biro bedo motwo, kendo lum manie lege biro wang’ie? Le gi winy tho, nikech timbe maricho mag joma odak e pinyni, mawacho ni ok ine gik maricho ma gitimo.”

Jeremia 14:14

To Ruoth Nyasaye nowachona niya, “Jonabigo koro weche mag miriambo e nyinga. An ne ok aorogi, kendo ne ok amiyogi chik, bende ne ok awuoyo kodgi. Gik ma giwachonugo gin fweny ma ok owuok kuoma, to gikoro mana weche manono ma giparo apara.

Jeremia 26:7

Jodolo gi jonabi kod ji duto nowinjo ka Jeremia hulo wechego e Hekalu,

Ywagruok 1:9

Chilo ma en go omienore e lepe, to ne ok odewo gima biro timore achien. Mano emomiyo podho mosepodhogo lich miwuoro, kendo onge ng’ama nyalo hoyo chunye. Oywagore niya, “A Ruoth Nyasaye, neye chandruok ma an-go, nimar wasika oselocho!”

Ywagruok 2:14

Fweny mane jonabini oneno, mi onyisi, ne ok adier, to ne gin mana miriambo lilo. Ok ne ginyisi timbeni mamono, mondo ichak idhi maber kendo, to fweny ma gisenyisi gin mana weche manono ma wito ji.

Ywagruok 4:13

Mago notimore nikech richo mag jonabi mage, kendo nikech timbe mamono mag jodolone, mane ochuero remb joma kare.

Ywagruok 4:18

Wasikwa manyo kuonde ma waluwo, omiyo ok wanyal wuotho e wang’ yore. Ndalowa orumo. Adier, chieng’ thowa osechopo.

Ezekiel 13:10

“Jonabi wuondo joga, kanyisogi ni gik moko duto dhi maber, to kara gik moko ok dhi maber ngang’! Joga osegero ohinga mayomyom, to jonabi osebiro, momwone.

Ezekiel 13:6

Fweny ma gineno ok gin madier, kendo gikoro weche mag miriambo. Giwacho ni wechego gin weche Ruoth Nyasaye, to an ne ok aorogi. To eka pod giparo ni gik ma gikoro biro timore!

Ezekiel 22:14

Bende uparo ni pod unubed gi chir kata gi teko moro ma unyalo ting’ogo kata mana lwetu ka akumou kamano? An Ruoth Nyasaye ema asewacho kamano kendo abiro timo kaka awacho!

Hosea 4:9

Jodolo kod ji nokum mana machalre! Abiro kumogi, ka achulogi kuom richo ma gitimo.

Hosea 6:10

Aseneno ka gitimo gima mono e Israel. Joga osedwanyore kendgi kuom lamo nyiseche manono.

Hosea 9:5

To ginitim ang’o ka ndalo moket ni sewni mag Ruoth Nyasaye ochopo?

Mika 2:11

Aneno ni janabi ma ji ohero en mana ng’at ma lworore e kor gweng’, gi weche mag miriambo, kokoro ni ji ni gibiro yudo divai gi kong’o mang’eny.

Mika 2:6

Ji lwera, kawachona niya “Kik ilwerwa! We lwerowa gi weche ma kamago. Masira ma kamano ok bi makowa!

Mika 3:11

Jodong dala ng’ado bura maber mana ni joma miyogi asoya; jodolo bende lero tiend chik ni joma miyogi gimoro, kendo jonabi hulo gik ma gikoro mana ka omigi pesa. To eka pod gineno ni Ruoth Nyasaye biro konyogi! Giwacho niya, “Donge Ruoth Nyasaye ni kodwa? Omiyo onge masira moro mabiro makowa.”

Zefania 3:4

Jonabi mage ne joyiem, kendo ne ok gin jonabi madiera, bende jodolo mage ne ok dew gik mowal ni Nyasaye, kendo ne giketho chik.

Rapar mar Chik 32:20

Nowacho niya, ‘Ok named kwanogi ka joga, to abiro neno gikogi, nimar gin tieng’ ma wigi tek, nyithindo ma ok nyal gen.

Rapar mar Chik 32:29

Ka dine giriek, to dine ging’eyo tiend gik matimore, dine ging’eyo gima biro timorenigi e giko.