Jeremia 5:26 - MUMA MALER 2015

²⁶ Joga moko gin joma richo. Gichalo jodwar ma chiko obadho mondo omakgo winy, to ji ema gimako.

Motingʼo Loko Manyien

²⁶ “E dier joga nitiere joma timbegi mono ma buto ka jogo machiko winy, kendo kaka jogo maketo obadho mar mako ji.

Jeremia 5:26 ပူးပေါင်းရင်းမြစ်များ

Zaburi 64:5

Gijiwore kendgi giwegi kuom timbegi maricho, kendo gipenjore mana kama onego gichikie obathgi, ka giparo ni onge ng’ama nenogi.

Ngeche 1:11

Ginyalo wacho niya, “Bi mondo wabut ni ng’ato, wanegi, kendo wamonj joma onge ketho kayiem nono,

Isaya 32:7

Ng’at ma achach yorene richo. Ochano gik maricho e chunye, mondo ohiny joma odhier gi weche mag miriambo, kendo otamo jochan e adiera monego giyudi.

Isaya 58:1

Gouru koko matek mak uweyo, kuywak mana ka tung’. Huluru ni joga kethogi. Adier, nyisuru joka Jakobo richogi.

Jeremia 18:20

Richo bende ichulo kuom ber? Gin to gisekunyona bur mondo anyumrae. Par kaka ne abiro iri, mi awuoyo kodi, kakwayi mondo kik mirima maki kodgi.

Jeremia 18:22

Kel mony apoya, mondo oyak miechgi, mi giywag ka kihondko omakogi. Gisekunyona bur mondo anyumrae, kendo gisechikona obadho mondo omaka.

Jeremia 4:22

Ruoth Nyasaye wacho niya, “Joga ofuwo, kendo ok ging’eya. Gichalo gi nyithindo momemore, kendo maonge rieko. Richo ema ging’eyo timo, to timo gima ber otamogi.”

Jeremia 9:8

Lewni chalo gi asere man gi kwiri mager, kendo dhogi wacho weche mag miriambo. Ng’ato ka ng’ato wuoyo mang’won gi wadgi, to kara e chunye kucha to ochikone mana obadho!

Mika 6:10

Mwandu muyudo e yor miganga ema opong’o ut joma richo. Gipimo gik moko gi rapim ma ok ni kare, ma ok adwar.

Mika 7:2

Ji moluoro Nyasaye oserumo e piny Israel, kendo onge kata ng’at achiel makare modong’. Ji duto kichore ni chuero remo, kendo ng’ato ka ng’ato chiko mana ni wadgi obadho.

Luka 5:10

Jakobo gi Johana ma yawuot Zebedi mane jotiyo gi Simon bende nowuoro. To Yesu nowacho ni Simon niya, “Kik ibed maluor, nikech chakre kawuono, kar ywayo rech, to ji ema ibiro bedo kiywayo!”