Jeremia 5:24 - MUMA MALER 2015

²⁴ Ne ok uwacho e chunyu niya, ‘Ber waluor Ruoth Nyasachwa, ma miyowa kodh chwiri gi kodh opon e kinde mowinjore, kendo ma miyowa kinde mwakeyoe higa ka higa.’

Motingʼo Loko Manyien

²⁴ Ok giwach e kindgi giwegi, ‘Mad waluor Jehova Nyasaye ma Nyasachwa, mamiyowa kodh chwiri kod kodh opon e kinde mowinjore, ma singonwa gadiera jumbe mag keyo.’

Jeremia 5:24 ပူးပေါင်းရင်းမြစ်များ

Chakruok 8:22

“Chuoyo gi keyo, koyo gi liet, oro gi chwiri, kod odiechieng’ gi otieno, ok nobed maonge nyaka chop giko piny.”

1 Ruodhi 17:1

Elija ja-Tishbe modak e piny Gilead nowacho ni Ahab niya, “Gi nying Ruoth Nyasaye ma Nyasach Israel, kata tho ok nomok e lum, kata koth ok nochue e piny kuom hignigi, mak mana ka awacho.”

Ayub 29:23

Ne giritogi mana ka joma rito koth e ndalo oro.

Ayub 38:37

Ng’ano mariek manyalo kwano boche polo, kendo manyalo leng’ogi mondo koth ochue,

Ayub 5:10

Okelo koth e piny, kendo omiyo puothe bedo mang’ich.

Zaburi 147:8

Oyaro boche polo e kor polo, kendo okelo koth e piny, lum bende omiyo loth e gode.

Zaburi 65:9

Pile iguedho piny kikelo koth ma miyo obedo momew. Aoreni ok duon, kendo gimiyo puothe nyak maber Mano e kaka iguedho piny!

Isaya 64:7

Onge ng’ama lami, kata matemo mondo opadre kuomi, nikech ipandonwa wang’i kendo ijwang’owa e richowa.

Jeremia 10:13

Omiyo pi man e tok polo wuo, kendo otugo boche polo e tung’ piny duto. Bende omiyo polo mil ka koth chue, kendo ogolo yamo kar kenone mondo okudhi.

Jeremia 14:22

Bende nyiseche manono mag ogendini nyalo kelo koth adier? Koso polo giwegi nigi teko mar miyo koth chue? Ooyo, in ema waketo chunywa kuomi, A Ruoth Nyasaye ma Nyasachwa, nikech in kende ema inyalo timo gik ma kamago.”

Jeremia 2:19

Timbeu uwegi maricho ema biro kelonu kum. Ee, timbe mane uweyago ema biro kelonu bura. Kamano ubiro ng’eyo ni weyo Ruoth Nyasaye ma Nyasachu, kendo chaye en gima lit kendo marach moloyo. An Ruoth Nyasaye ema awacho kamano.

Jeremia 3:3

Mano emomiyo koth ne ok ochue, kata mana kodh opon ne ok oton. To bende uchalo dhako ma jachode, nikech uonge gi wichkuot.

Jeremia 5:22

An Ruoth Nyasaye apenjo kama: Ere gimomiyo ok unyal luora? Koso ang’o momiyo ok unyal kirni e nyima? Nene aketo kuoyo manie dhonam mondo ogeng’ nam, kendo obed tong’ mosiko ma pi ok nyal kadho. Apaka mag nam nyalo gingore, kendo wuo matek, to ok nyal kadho, kata mwomo.

Jeremia 50:5

Ginipenj yo madhi Sayun, kendo ginichik kuno. Bang’ mano ginitimna singruok mochwere ma wigi ok nowilgo ka gisingore ni ginibed joga.

Hosea 3:5

To achien jo-Israel noduog ir ruoth Nyasachgi, kendo ir Daudi ruodhgi, kendo ka ndalogo ochopo, to giniluor Ruoth Nyasachgi, mi giyud michne mabeyo.

Hosea 6:1

Jo-Israel wacho niya, “Wadoguru ir Ruoth Nyasaye. Osekidhowa, to kata kamano obiro changowa. Osehinyowa, to donge obiro keto yath e adhondewa?

Joel 2:23

Beduru mamor un jo-Sayun, beduru mail kuom gima Ruoth Nyasaye ma Nyasachu osetimonu. Omiyou koth maber moromo cham, adier, omiyou kodh chwiri gi kodh opon, kaka chon.

Amos 4:7

Ne atamo koth chuenu e ndalo monego ochuee. Ne amiyo koth ochue e mier moko, to puothe mane ok ochuee nowang’.

Zekaria 10:1

Kwauru Ruoth Nyasaye koth e kinde mowinjore, nimar en ema okelo boche polo morweyo, eka koth chue mi dhano gi le yud chiemo.

Mathayo 5:45

mondo ubed nyithind Wuonu mae polo, mamiyo chieng’e wuok ni joma richo kod joma beyo. Kodhe bende omiyo chue ni joma timbegi kare, kendo ni joma timbegi richo.

Tich Joote 14:17

To kata kamano timbe mabeyo mane osebedo kotimo ema nyisou kite kaka chal, nikech okelonu koth moa e polo kendo omiyo chambu chiek e kinde mowinjore. Kamano omiyou chiemo, kendo opong’o chunyu gi mor.”

Rapar mar Chik 28:12

Ruoth Nyasaye biro golo koth e polo kar kenone, mondo ochwenu e ndalo mowinjore, kendo obiro guedho gik moko duto mutimo. Ogendini mang’eny biro holo gik moko kuomu, to un ok nuhol kuomgi.

Jakobo 5:7

Emomiyo owetewa, horeuru mos nyaka Ruoth bi. Neyeuru kaka japur hore mos ka rito puothe mondo onyagne cham mabeyo. Ohore mos nyaka oyud kodh chuoyo kod koth machiego cham.

Fweny 11:6

Gin gi teko mar loro polo mondo koth kik chue e ndalo ma gihuloe wach. Bende gin gi teko mar loko pige doko remo, kendo gin gi teko mar kelo tuoche mopogore opogore e piny e kinde akinda ma gidwaro.