Jeremia 5:21 - MUMA MALER 2015

²¹ “Winjuru un joma ofuwo, man gi wenge, to ok nen, bende man gi it, to ok nyal winjo.

Motingʼo Loko Manyien

²¹ Winj ma, un jogo mofuwo kendo onge wigi, joma nigi wengegi to ok nen, joma nigi it to ok winj wach:

Jeremia 5:21 ပူးပေါင်းရင်းမြစ်များ

Zaburi 94:8

Un joga, ere kaka unyalo bedo joma ofuwo momemore kamano? Unupuonjru karang’o?

Ngeche 17:16

Ng’at mofuwo ketho pesa kuom puonjruok kayiem, nikech oonge gi obwongo mowinjogo gimoro.

Isaya 27:11

Bende mon mamoto nojak bede yien motwo, ochwakgo mach. Mano notimre nikech ogandano onge gi rieko. Omiyo, Jachuechgi ok nokechgi. Adier, Ng’ama nochueyogi ok nong’wonnigi.

Isaya 43:8

Keluru jogo. Gin joma nigi wenge, to ok nyal neno. Bende gin gi it, to ok ginyal winjo.

Isaya 44:18

Joma kamago ok ong’eyo gimoro, bende ok giwinj tiend gik moko. Wengegi odinore ma ok ginyal neno, kendo chunygi thanythany ma ok ginyal fwenyo tiend gimoro.

Jeremia 10:8

Giduto gifuwo kendo gionge rieko, nikech giyudo riekogi manono mana kuom yien mopa!

Jeremia 4:22

Ruoth Nyasaye wacho niya, “Joga ofuwo, kendo ok ging’eya. Gichalo gi nyithindo momemore, kendo maonge rieko. Richo ema ging’eyo timo, to timo gima ber otamogi.”

Jeremia 5:20

In Jeremia, nyis joka Jakobo gi jo-Juda niya,

Jeremia 5:4

Bang’e nowacho niya, “Chutho jogi gin joma ofuwo maonge rieko. Ok ging’eyo yor Ruoth Nyasaye kod gima Nyasachgi dwaro.

Jeremia 6:10

Ne adwoke niya, “Ere ng’ama diwinja, ka awuoyo kodgi, kata ka akwerogi kamano? Gisedino itgi, omiyo ok ginyal winjo. Gisetamore winjo wachni, kendo gitugo mana gi gima iwacho.

Jeremia 7:13

To koro usetimo richogo duto! Kata obedo ni ne akawo chandruok, mi aloso kodu, to ne ok udewa, bende kane aluongou, to ne ok uyiena.

Jeremia 8:7

To kata ogungo mae kor polo ong’eyo ndalogi mag dar, kendo kata akuru gi opija gi nyamnaha bende ong’eyo ndalo ma giduogoe, joga to kia chikena.

Ezekiel 12:2

“In wuod dhano, idak e kind joma jopiem. Gin gi wenge to ok ginyal neno gimoro, bende gin gi it, to ok ginyal winjo wach, nikech gin joma wigi tek.

Hosea 7:11

Jo-Israel chalo gi akuru mofuwo. Giluongo jo-Misri mondo okonygi, to kendo giringo gidhi e piny Asuria.

Zekaria 7:11

To ne gidagi, mi giloko ng’egi ka gidino itgi, mondo mi kik giwinj wachna.

Mariko 4:12

‘Kata da ging’ichi manadi, to ok ginyal ng’eyo, kendo kata da giwinji manadi, to wach ok nyal donjonigi, nimar dipo ka giloko chunygi, mi owenigi richogi’.”

Mariko 8:18

Un gi wenge, to marang’o ok unyal neno? Bende un gi it, to ere gimomiyo ok unyal winjo?

Johana 12:40

“Nyasaye oseimo wang’gi, kendo osemiyo wigi odoko mapek. Ka dine ok otimo kamano, to dikoro gineno gi wengegi, kendo dikoro giparo gi wigi, mi gilokre mondo ochanggi.”

Tich Joote 28:26

kowachone ni, ‘Dhiyo mondo inyis ogandani kama: “Winjo to unuwinji, to wach ok nodonjnu ngang’, kendo ng’icho to unung’ichi, to ok unung’e tiend wach,

Jo-Rumi 1:20

Chakre chwech piny, dhano osebedo kong’eyo ni Nyasaye nigi teko mochwere, kendo ni en Nyasaye adier. Kata obedo ni gik manyiso ni en Nyasaye ok nyal nenore, to ing’eyogi kuom gik ma osechueyo. Kamano dhano ok nyal wuondore ni kiagi

Jo-Rumi 11:8

mana kaka Muma wacho ni, “Nyasaye osemiyogi chuny ma nindo otero. Kamano wang’gi ok nen, kendo itgi ok winj wach, nyaka chil kawuono.”

Rapar mar Chik 29:3

Timbe madongo mane unenogo ne gin ranyisi gi honni

Rapar mar Chik 29:4

to kata kamano, nyaka chop sani Ruoth Nyasaye pok omiyou chuny mar ng’eyo, kata wang’ mar neno, kata it mar winjo.

Rapar mar Chik 32:6

Yaye, oganda mofuwo ma onge gi rieko, mano e kaka utimo ni Ruoth Nyasaye adier? Donge en e wuoru mane ochueyou? Donge en ema omiyou doko oganda maratego?