Jeremia 5:19 - MUMA MALER 2015

¹⁹ To kupenja gimomiyo natimonu gigo duto, to anadwoku niya, ‘Kaka nene uweya, mutiyo ni nyiseche mag pinje mamoko e pinyu uwegi, e kaka unuti ni jopinje mamoko e piny ma ok maru!’

Motingʼo Loko Manyien

¹⁹ To ka ji openjo ni, ‘Angʼo momiyo Jehova Nyasaye ma Nyasachwa osetimonwa ma?’ Wachnegiuru ni, ‘Kaka usejwangʼa kendo usetiyone nyiseche mag pinje mamoko ei pinyu uwegi, omiyo koro ubiro tiyone ogendini mamoko ei piny ma ok maru.’

Jeremia 5:19 ပူးပေါင်းရင်းမြစ်များ

Jeremia 13:22

To eka upenjo gimomiyo gima kama osetimorenu, kendo gimomiyo oseyiech lepu kuomu, mi odwanyu, to ubiro yudo ni mano otimore nikech richou lich.

Jeremia 16:13

Kuom mano abiro riembou e pinyni, mi ateru e piny ma ok ung’eyo, kata ma kwereu bende ne ok ong’eyo. Kuno unulamie nyiseche mamoko odiechieng’ gotieno, to ok anakechu.’

Jeremia 17:4

Ubiro a e piny mane amiyou, kendo abiro miyo utiyo ni wasiku e piny ma ok ung’eyo, nimar mirimba chal gi mach, kendo biro liel nyaka chieng’.”

Jeremia 2:13

nikech joga osetimo richo tieng’ ariyo. Gisebaro, mi giweya, an soko mar pi maliw mamol, kendo gisekunyo yewni mabarore, ma ok nyal ting’o pi!

Jeremia 2:14

“Jo-Israel ok gin wasumbni, bende ne ok onywolgi wasumbni. Kuom mano, ere gima omiyo wasikgi yakogi?

Jeremia 2:35

‘Waonge ketho, kendo adier, Ruoth Nyasaye ok okecho kodwa.’ To ng’euru ni an Ruoth Nyasaye abiro kumou kuom wacho ni uonge gi richo kamano.

Jeremia 5:18

To kata e ndalogo, an Ruoth Nyasaye awacho ni ok natieku chuth.

Jeremia 5:20

In Jeremia, nyis joka Jakobo gi jo-Juda niya,

Jeremia 9:12

Jeremia nopenjo Ruoth Nyasaye niya, “Ere gimomiyo piny okethore kendo otwo, ka piny motimo ongoro ma onge ng’ama wuothoe? Ere ng’ama riek manyalo winjo tiend wachni? Koso en ng’a ma isenyiso tiende mondo onyis joma moko?”

Jeremia 9:13

To Ruoth Nyasaye nodwoka niya, “Gima kama osetimore nikech jo-Israel oseweyo chik mane amiyogi. Ok giseluora, to bende ok gisetimo gik mane awachonigi ni mondo gitim.

Ywagruok 5:8

Wasumbni ema tinde tiyowa, kendo onge ng’ama nyalo resowa e lwetgi.