Jeremia 5:17 - MUMA MALER 2015

¹⁷ Gibiro tieko chambu kaachiel gi chiembu pep, kendo gibiro tieko yawuotu gi nyiu. Gibiro tieko jambu kod olembeu mag mzabibu gi ng’opeu. Giniketh miechu mochiel motegno, mugeno kuomgi.

Motingʼo Loko Manyien

¹⁷ Giniyak chambu kod chiembu, ginitiek yawuotu gi nyiu; kendo ginineg jambu kod dhou, bende giniketh yiende mzabibu mau kod yiende mag ngʼopeu. Miechu madongo mochiel gohinga motegno mugeno kuomgi nokethi gi ligangla.”

Jeremia 5:17 ပူးပေါင်းရင်းမြစ်များ

Isaya 62:8

Ruoth Nyasaye osekuong’ore koting’o bade ma korachwich man gi teko, kowacho niya, “Ok nachak ayie wasiki kaw chambi ocham. Jopinje mamoko bende ok nochak omadh divai ma isetiyone matek.

Isaya 62:9

To jogo mosekeyo ema nocham cham ma gisekayo, kendo ginipak Ruoth Nyasaye. Bende jogo mosepono olemb mzabibu nomadh divai e laru mar Hekalu mara.”

Isaya 65:22

Ok giniger udi ni mondo jomoko nono ema odagie, bende ok ginichwo cham ni mondo jomoko nono ema ocham. Joga moyier nodag aming’a mana kaka yath dak, mi kuom ndalo mang’eny ginicham mwandu ma luchgi okelo.

Jeremia 1:15

Aluongo ogendini duto man yo nyandwat mondo obi. Ruodhi maggi bende nobi, kendo norenj kombegi mag loch e dhorangeye Jerusalem, kendo e alwora mar ohinga Jerusalem, kendo e alwora mag mier moko duto mag Juda.

Jeremia 25:37

kendo miechgi mane nigi kue osedoko gundni nikech mirimbe mager.

Jeremia 4:26

Piny momew noselokore thim, kendo mier man kuno noselokore gundni, nikech mirima mager mar Ruoth Nyasaye.

Jeremia 4:7

Jaketh ogendini osewuok oko ka sibuor mowuok e gonde. Osewuok kama odakie mondo obi oketh pinyu. Miech Juda nodong’ gundni ma onge ng’ama odakie.

Jeremia 5:18

To kata e ndalogo, an Ruoth Nyasaye awacho ni ok natieku chuth.

Jeremia 50:17

“Jo-Israel chalo gi rombe ma sibuoche lawo kendo keyo. Mokwongo ruodh Asuria ema nomonjogi, mochamogi ka sibuor machamo le. Eka bang’e ruoth Nebukadnezar nobiro momuodo chokegi.

Jeremia 50:7

Ji duto moyudogi monjogi. Wasikgi to wacho niya, ‘Ne gitimo timbe maricho e nyim Ruoth Nyasaye, omiyo gima watimonigi ok rach. Kweregi nogeno kuom Ruoth Nyasaye, kendo gin bende nonego gisik ka gigeno kuome.’

Jeremia 8:13

“Abiro tieko joga chutho, nikech gichalo yiend mzabibu kata ng’owo maonge olemo, ma kata potgi bende osener.”

Jeremia 8:16

Ne wawinjo ka farese mag wasigu futo ka Dan, kendo ywakgi ne miyo piny duto yiengni. Wasigugo osebiro mondo oketh pinywa, kod gik moko duto mantie, kaachiel gi dalawani kod joma odakie.”

Ywagruok 2:12

Ee, nong’no terogi, kendo gipodho e yore mag dala, kaka joma ohinyore. Giywak ka gikwayo minegi chiemo kod divai, to kata kamano chunygi chot mana e kor minegi.

Ywagruok 2:2

Ruoth Nyasaye oseketho mier duto mag joka Jakobo, ka ok okechogi. Nomuko kuonde mochiel motegno e piny Juda ka en gi mirima mager. Ne omukogi nyaka e lowo, mokuodo wi jotelo, kodwoko loch pinyno chien.

Ezekiel 36:4

Kuom mano, un gode mag Israel, winjuru gima an Ruoth Nyasaye awacho ni gode madongo gi matindo kendo ni aore kod holni, kaachiel gi kuonde mane owe kokethore kod mier mane odong’ gundni, mane ogendini mokiewo gi jo-Israel oyako kendo onyiero.

Hosea 2:12

Anaketh yiende mag mzabibu gi ng’opene, ma owacho ni gin chudo mane chodene omiye. Anami yiende mag mzabibu kod yiende mamoko lokre bungu, kendo le ma e thim nokethgi.

Hosea 8:14

Jo-Israel osegero ut ruodhi, to wigi owil gi jachuechgi. Jo-Juda osegero mier mochiel motegno, to abiro oro mach mondo owang’ miego kaachiel gi ut ruodhigo.”

Joel 2:3

Gichamo oboke mana ka gima mach owang’o! Piny ma pok gichopoe ber ka puoth Eden, to ka giseaye, to odong’ motwo tarara. Onge gima giweyo mak gichamo.

Tim jo-Lawi 26:16

to ng’euru malong’o ni anatimnu kama: Anapou gi masira kendo gi tho marach kod tuo mayuyo wang’, kendo mamiyo del dhi. Chambu muchwoyo ok nokonyu, nimar wasiku ema nochamgi.

Zefania 3:6

Ruoth Nyasaye wacho kama: “Aseyweyo ogendini ka yuech, kendo ohingni ma gigeng’orego okethore chuth. Asemiyo wang’yoregi olokore thim ma onge ng’ama luwo. Miechgi bende okethore, kendo odong’ nono ma onge joma odakie.

Malaki 1:4

Ka nyikwa Esau ma jo-Edom owacho ni kata obedo ni miechgi osekethi kamano, to gibiro gerogi kendo, to Ruoth Nyasaye Manyalo Gik Moko Duto dwoko niya, “We mondo gigergi, to abiro kethogi kendo, mi ji noluong jogo ni oganda mar kethruok ma Ruoth Nyasaye okechogo nyaka chieng’.

Rapar mar Chik 28:33

“Oganda moro ma ok ung’eyo nocham gik monyak e puotheu, kendo unubed joma othir malich e ngimau duto.