Jeremia 5:12 - MUMA MALER 2015

¹² Jo-Ruoth Nyasaye osekwede, ka giwacho niya, “Ok obi timo gimoro. Onge masira moro, kaka lweny kata kech, ma nobi kuomwa.”

Motingʼo Loko Manyien

¹² Giseriambo kuom Jehova Nyasaye; kagiwacho, “Onge gima obiro timo! Ok wanahinyre; ok wanane ligangla kata kech.

Jeremia 5:12 ပူးပေါင်းရင်းမြစ်များ

2 Weche mag Ndalo 36:16

To ne gimedo charo joote Nyasaye, ka gichayo wachne, kendo ginyiero jonabi mage, nyaka Ruoth Nyasaye nokecho kodgi, ma koro ne ok ginyal konyo.

Zaburi 10:6

Owacho e chunye niya, “Onge gima biro tama timo, kendo ok nayud chandruok ngang’.”

Zaburi 14:1

Joma ofuwo wacho e chunygi niya, “Nyasaye ongee.” Giduto gin joma okethore, kendo gisetimo gik maricho miwuoro. Adier, onge kata ng’at achiel matimo gima ber!

Ngeche 30:9

nimar ka abedo gi chiemo mathoth, to dipo ka akwedi, to bende ka an jachan, to dipo ka akwelo, mi aketho nyingi, yaye Nyasaye.

Jeremia 14:22

Bende nyiseche manono mag ogendini nyalo kelo koth adier? Koso polo giwegi nigi teko mar miyo koth chue? Ooyo, in ema waketo chunywa kuomi, A Ruoth Nyasaye ma Nyasachwa, nikech in kende ema inyalo timo gik ma kamago.”

Jeremia 2:6

Ne ok gidewa, kata obedo ni ne aseresogi kagologi e piny Misri, mi atelonigi e thim, piny marach motwo ma masiche ng’enyie. Pinyno otimo gode gi bugni, ma onge ng’ama wuothoe, bende onge ng’ama odakie.

Jeremia 28:4

Bende abiro duogo Jekonia wuod Jehoyakim ma ruodh Juda kaachiel gi jo-Juda mane odar moter Babulon e tuech. Adier, abiro turo jok mar ruodh Babulon. An Ruoth Nyasaye ema awacho kamano.”

Jeremia 4:10

Kane awinjo kamano, nawacho niya, “A Ruoth Nyasaye, isewuondo jo-Jerusalem chuth! Niwacho ni kue biro betie, to koro ligangla ema nie ng’utwa!”

Jeremia 43:1

Kane Jeremia osetieko nyiso ji weche duto mane Ruoth Nyasaye oseoro mondo onyisgi,

Jeremia 5:31

Jonabi koro weche mag miriambo, jodolo bende chwakogi, to kendo mano e gima joga ohero! To gibiro timo ang’o, chieng’ ma gigo orumo?

Jeremia 6:14

Gichalo jothieth mathiedho jotuo marachrach, mana ka gima ok gituo, nimar giwacho ni gik moko beyo, to chutho, gik moko ok beyo.

Ezekiel 13:6

Fweny ma gineno ok gin madier, kendo gikoro weche mag miriambo. Giwacho ni wechego gin weche Ruoth Nyasaye, to an ne ok aorogi. To eka pod giparo ni gik ma gikoro biro timore!

Mika 2:11

Aneno ni janabi ma ji ohero en mana ng’at ma lworore e kor gweng’, gi weche mag miriambo, kokoro ni ji ni gibiro yudo divai gi kong’o mang’eny.

Mika 3:11

Jodong dala ng’ado bura maber mana ni joma miyogi asoya; jodolo bende lero tiend chik ni joma miyogi gimoro, kendo jonabi hulo gik ma gikoro mana ka omigi pesa. To eka pod gineno ni Ruoth Nyasaye biro konyogi! Giwacho niya, “Donge Ruoth Nyasaye ni kodwa? Omiyo onge masira moro mabiro makowa.”

Rapar mar Chik 29:19

Ka ng’atno owinjo weche mag singruokni, mi owuondore e chunye ni onge gima biro time, kata koluwo timbene mag wich teko, to mano nokel masira maduong’.

1 Johana 5:10

Ng’at moyie kuom Wuod Nyasaye to ong’eyo e chunye ni gima Nyasaye wacho en adier. To ng’at ma ok oyie Nyasaye miyo Nyasaye doko jamriambo, nikech ok oseyie gi gima Nyasaye osewacho kuom Wuode.

1 Samuel 6:9

kung’iye. Kapo ni ochiko yo madhi thurgi nyaka Beth-shemesh, to wanang’e ni kara Ruoth Nyasaye ema osekelonwa masirani. To ka ok oluwo yorno, eka wanang’e ni ok en ema osandowa, to en gimoro mobironwa abira.”