Jeremia 5:11 - MUMA MALER 2015

¹¹ Jo-Israel gi jo-Juda oseweya adier. An Ruoth Nyasaye ema awacho kamano.”

Motingʼo Loko Manyien

¹¹ Jehova Nyasaye wacho niya, “Od Israel kod od Juda ok osebedona jo-ratiro chutho.”

Jeremia 5:11 ပူးပေါင်းရင်းမြစ်များ

Isaya 24:16

Wasewinjo ka giwer e tung’ piny ka tung’ piny niya, “Mano kaka Ng’ama Kare ber!” An to chunya pod lit ahinya, nimar ji pod osiko ka timo atima richo, kendo ndhogruok opong’o piny.

Isaya 48:8

Chutho ne ok ung’eyogi, bende ne ok uwinjogi, nikech ne ok uyawo itu chon, nimar ne ang’eyo ni un joma andhoga ma ok nyal gen, kendo ma jopiem nyaka ne a e ich.

Jeremia 12:1

“A Ruoth Nyasaye, ang’eyo ni kata ka akeloni ywakna, to biro yudore ni in ema in kare. Kata kamano pod daher penjie wach kuom adiera mari. Ere gimomiyo joma richo yudo mwandu? Koso ere gimomiyo joma jowuond dhi maber?.

Jeremia 3:20

To un jo-Israel useweya mana ka dhako moweyo chwore. An Ruoth Nyasaye ema awacho kamano.

Jeremia 5:10

Abiro chiko wasikgi mondo ochadh yiend mzabibu maggi, to ok ginikethgi chuth nimar abiro nyisogi mondo gilwer mana bedegi oko nikech ok gin maga.

Jeremia 9:2

Mad abed ki kiru mar bworo e thim, kuma anyalo betie mabor gi joga, nimar giduto gin joma terore, kendo oganda ma andhoga.

Hosea 5:7

Gisendhogo Ruoth Nyasaye, mi giweyo, kendo nyithindgi ok gin joge. Omiyo puothegi koro ibiro kethi.

Hosea 6:7

“To piyopiyo nono mane jogago odonjogo e piny mane asingoranigi, ne giketho singruok mane atimo kodgi, mi giweya.