Jeremia 5:10 - MUMA MALER 2015

¹⁰ Abiro chiko wasikgi mondo ochadh yiend mzabibu maggi, to ok ginikethgi chuth nimar abiro nyisogi mondo gilwer mana bedegi oko nikech ok gin maga.

Motingʼo Loko Manyien

¹⁰ Dhi e puothege mag mzabibu kendo ichadhgi, to kik ikethgi chuth. Lwer bedene, nimar jogi ok gin mek Jehova Nyasaye.

Jeremia 5:10 ပူးပေါင်းရင်းမြစ်များ

2 Weche mag Ndalo 12:4

Nokawo miech Juda mochiel gi ohinga nyaka nochopo Jerusalem.

2 Weche mag Ndalo 36:17

Emomiyo nokelonigi ruodh jo-Babulon, monego yawuotgi e Hekalu, kendo ne ok okecho wuowi kata nyako, ng’at motegno kata jaduong’ moti. Ruoth Nyasaye nochiwogi duto e lwete,

Jeremia 2:21

Ne apidhou ka ng’ama pidho mzabibu moyier, mana ka kodhi maberie moloyo, to neyeuru kaka koro uchalo! Uchalo gi mzabibu marach ma ok nyag olemo mabeyo.

Jeremia 25:9

‘Abiro kelo ogendini duto moa yo nyandwat, kendo abiro kelo jatichna Nebukadnezar ruodh Babulon. Ogendinigo biro kedo gi pinyni kod joma odakie kendo gibiro kedo gi ogendini duto modak machiegni. Abiro tiekogi chuth, mi piny biro dong’ nono malich, mabwogo ji, kendo ma ji chayo. An Ruoth Nyasaye ema awacho kamano.

Jeremia 30:11

“Abiro bet kodu mondo aritu, mi atiek ogendini duto kuonde ma asekonyoue, to un ok natieku. Kata kamano ok nawe mak akumou, to ok nakumu gi gero.”

Jeremia 39:8

E kindeno, jo-Babulon nowang’o od ruoth gi ute ji, mi gimuko ohinga mar Jerusalem.

Jeremia 4:27

Ruoth Nyasaye osewacho ni piny ngima biro dong’ nono, to ok nokethe chuth.

Jeremia 46:28

Kik uluor, nikech an kodu. Abiro tieko ogendini duto kuonde duto ma asekeyoue, to un ok natieku. To kata kamano, abiro kumou moromo gi timbeu. An Ruoth Nyasaye ema awacho kamano.”

Jeremia 5:11

Jo-Israel gi jo-Juda oseweya adier. An Ruoth Nyasaye ema awacho kamano.”

Jeremia 5:18

To kata e ndalogo, an Ruoth Nyasaye awacho ni ok natieku chuth.

Jeremia 5:9

Donge onego akumgi kuom gik ma kamago? Donge onego achul kuor ni oganda ma kama?.

Ezekiel 12:16

Anawe moko manok kuomgi tony e lweny, kendo e kech gi tuoche, mondo kuonde ma gintie e kind ogendini, ging’e ni timbegi osebedo modwanyore kendo ging’e ni an e Ruoth Nyasaye.”

Ezekiel 14:17

“Ka akelo lweny mager e piny, motieko ji kod jamni machalre,

Hosea 1:9

Eka Ruoth Nyasaye nowacho niya, “Chake ni Lo-ami, tiende ni joma ok joga, bende ok ayie bedo Nyasachu,”

Amos 9:8

Arango piny jo-Israel motimo richoni, kendo abiro tieke e wang’ piny. Kata kamano ok anatiek joka Jakobo duto te.

Mathayo 22:7

Mirima nohewo ruodhno, omiyo nooro askechene, mi odhi otieko jonekgo, kendo owang’o dalagi.