Jeremia 49:5 - MUMA MALER 2015

⁵ Abiro kelonu masiche moa koni gi koni kendo uduto ubiro ringo. Ng’ato ka ng’ato noring mondo ores ngimane, kendo onge ng’ama nochak ochok jolweny mau kanyakla

Motingʼo Loko Manyien

⁵ Anakel luoro kuomu koa kuom jogo duto man butu,” Ruoth, Jehova Nyasaye Maratego ema owacho. “Un duto noriembu, kendo onge ngʼama nochok joma noringo moke.

Jeremia 49:5 ပူးပေါင်းရင်းမြစ်များ

2 Ruodhi 19:7

nikech abiro miye chuny man gi kibaji, mi, kowinjo wach moro marach, to noring odog e pinye, kuma nami onegee.’ ”

Ayub 15:21

Koko mag masiche biro mor e ite, kendo jomecho biro monje mi yake e kinde moparo ni enie gi kue.

Ngeche 28:1

Jaricho ringo kata ka onge ng’ama lawe. Ng’at makare to jachir ka sibuor.

Isaya 16:3

Giniwach niya, “Konywauru gi tekou duto, kendo tipou mondo ogeng’nwa chieng’ makech’ mondo ochalnwa ka gima en otieno. Panduru jowa ma oseriembi, kendo kik uyie mondo omak joma oringo lweny.

Jeremia 15:8

Ne anego chwo mang’eny, mi ubedo gi mond liete mathoth ka kuoyo mae dhonam ne anego yawuotu godiechieng’, mi akelo ne minegi kuyo.

Jeremia 16:16

“Abiro oro ji mang’eny mondo omak jogi, mana kaka jolupo maluwo rech. Bang’e naor jodwar mang’eny mondo odwargi e gode duto koda ka e kind lwendni.

Jeremia 20:4

Ruoth Nyasaye osewacho ni obiro miyo ilokri masira ni in iwuon, kendo ni osiepeni, kendo wasigu noneg osiepenigo duto e lweny mana kineno. Abiro keto jo-Juda duto e teko mar ruodh Babulon, kendo enoter moko e tuech Babulon, to moko nogol chik mondo onegi.

Jeremia 46:5

To Ruoth Nyasaye penjo niya, “Koro ang’o ma aneno ka timoreni? Gigore nyang’eng’o. Thuondi oselo, omiyo luoro ohewogi, kendo giringo matek ma ok gigo machiemo.

Jeremia 49:29

Yakuru hembegi kod jambgi kaachiel gi rageng’ni mag hembegi kod gimoro amora muyudo e hembego. Bende peuru ngamia maggi kendo unyisgi ni masira olworogi kuonde duto.

Jeremia 6:25

Ok wahedhre wuok oko, kata bayo e wang’yore, nikech wasikwa oikore ni lweny kuondego, kendo masiche ng’eny koni gi koni.”

Ywagruok 4:15

Ji ne goyonigi koko niya, “Dhiuru kucha! Dhiuru kucha, un joma ogak. Dhiuru kucha, kik ubi machiegni.” Kuom mano ne giringo piyopiyo mi gidhi, kendo gibayo e kind ogendini, ka ok ginyal nwang’o kuonde dak.

Amos 4:3

Ginigolu e dala ka giluwo kama ohinga omukoree, mi giniwitu oko.”

Joshua 2:9

mowachonigi niya, “Ang’eyo ni Ruoth Nyasaye osemiyou pinyni, kendo en adier ni waduto waluor nikech birou, kendo kibaji omako piny duto.