Jeremia 49:30 - MUMA MALER 2015

³⁰ “Un jo-Hazor to asiemou an Ruoth Nyasaye ni, ringuru udhi mabor, upondi, nimar Nebukadnezar ruodh Babulon osechano tiekou, kendo owacho niya,

Motingʼo Loko Manyien

³⁰ Jehova Nyasaye wacho niya, “Ringuru piyo uayi! Daguru e rogo matut, un joma odak Hazor. Nebukadneza ruodh Babulon nigi paro marach kuomu; osechano timonu marach.

Jeremia 49:30 ပူးပေါင်းရင်းမြစ်များ

Isaya 10:7

To ruodh Asuriani ok ong’eyo ni an ema ne aore. Oparo mana in en omonjo amonja ji, kodwaro ni mondo olo piny duto.

Jeremia 25:9

‘Abiro kelo ogendini duto moa yo nyandwat, kendo abiro kelo jatichna Nebukadnezar ruodh Babulon. Ogendinigo biro kedo gi pinyni kod joma odakie kendo gibiro kedo gi ogendini duto modak machiegni. Abiro tiekogi chuth, mi piny biro dong’ nono malich, mabwogo ji, kendo ma ji chayo. An Ruoth Nyasaye ema awacho kamano.

Jeremia 27:6

Kamano an ema aseketo ogendinigi e teko jatichna Nebukadnezar ruodh Babulon, bende asemiyo koda ka le tiyone.