Jeremia 49:3 - MUMA MALER 2015

³ Un jo-Heshbon, ywaguru, nikech dalau osekethi! Un mond Raba denguru kendo urwak piende gugru, mi uring koni gi koni, nimar Milkom nyasachu ibiro kaw mi ter e tuech, kaachiel gi jodolo mage kod jodonge.

Motingʼo Loko Manyien

³ “Dengi, yaye Heshbon, nimar Ai okethi! Ywaguru, yaye joma odak Raba! Rwakuru lepu mag ywak kendo uywagi; ringuru koni gi koni, e alwora mar dala, nimar Molek noter e twech, kaachiel gi jodolo mage kod jotelo mage.

Jeremia 49:3 ပူးပေါင်းရင်းမြစ်များ

2 Samuel 11:1

E ndalo chakruok oro, mane ruodhi thoro wuokie kadhi kedo, Daudi nooro Joab kod askechene owuon, kaachiel gi jolwenj Israel duto, mogoyo jo-Amon asasa kendo ne giluoro dala Raba. To Daudi nodong’ Jerusalem.

1 Ruodhi 11:33

Abiro golo loch kuome nikech oseweya, molamo Ashtoreth, nyasaye madhako mar jo-Sidon, gi Kemosh nyasach jo-Moab, kod Milkom nyasach jo-Amon, ka ok oluw yorena mondo otim gik malong’ona, kata rito chikena gi buchena kaka Daudi wuon mare notimo.

1 Ruodhi 11:5

Solomon ne lamo Ashtoreth, nyasaye ma dhako mar jo-Sidon, kod Milkom, nyasach jo-Amon.

2 Ruodhi 23:13

Ruoth noketho bende kuonde hembko mane ni yo milambo mar got Zeituni, man yo wuok chieng’ mar Jerusalem, mane Solomon ruodh Israel ogero ni Ashteroth, nyasaye ma kuero mar jo-Sidon, gi Kemosh, nyasach jo-Moab, kod Milkom, nyasach jo-Amon.

Ezra 2:28

jo-Bethel kod jo-Ai, mia ariyo gi piero ariyo gadek;

Isaya 13:6

Gouru uwi, un jo-Babulon, nimar chieng’ ma Ruoth Nyasaye Manyalo Gik Moko Duto oseketonu koro ochopo machiegni! En odiechieng’ ma abiro keloe masira maduong’ e piny.

Isaya 14:31

Un miech Filistia, ywaguru! Un jo-Filistia duto, laluru nono, nimar oganda lweny maduong’ biro, koa yo nyandwat, kochanore maber, kendo ma onge kata ng’at achiel ma digni.

Isaya 15:2

Jo Dibon noring kaidho gode mondo olem e hembko man kuno. Jo-Moab to noywag nikech Nebo gi Medeba osekethi, kendo ng’ato ka ng’ato noliel wiye kod tike.

Isaya 16:7

Kuom mano, jo-Moab biro ywak. Adier, gibiro ywak malit. Giniywag olemb mzabibu motwo mag Kir-hareseth ma osekethore chuth,

Isaya 23:1

Wach mane Nyasaye onyiso e fweny kuom Turo ema: Un yiedhi madongo mag Turo madhi Tarshish, ywaguru, nikech dhowath mugowoe ibiro kethi chuth. Ubiro winjo wachni e yo kurawo e chula Saiprus.

Isaya 23:6

“Yaye, un joma odak e dhonam, ywaguru, kendo idhuru yiedhi udhi Tarshish.

Jeremia 4:8

Kuom mano, rwakreuru gi piende gugru, kendo uywagi ka ugoyo nduru, nikech mirima mager ma Ruoth Nyasaye nigo gi jo-Juda pok orumo.”

Jeremia 46:25

Ruoth Nyasaye Manyalo Gik Moko Duto kendo ma Nyasach Israel wacho niya, “Abiro kumo Amon nyasach Thebes, kaachiel gi jo-Misri kod nyisechegi mamoko kod ruodhigi. Bende abiro kumo Farao gi ji duto mogeno kuome,

Jeremia 48:2

kendo duong’ mar piny Moab oselal. Wasigu ikore Heshbon mondo otiek oganda jo-Moab. Dala mar Dibon biro ling’ thi ka oganda mar lweny omonje.

Jeremia 48:20

Ginidwoku niya, “Piny Moab oserumo! Ywageuru, nikech oseyudo wichkuot. Gouru milome e bath aora Arnon ni Moab osekethi.

Jeremia 48:37

Ng’ato ka ng’ato osepwodho wiye, kendo olielo tike. Giduto gisaro luetegi, kendo girwako piende gugru.

Jeremia 48:7

Ne ugeno kuom tekou gi mwanduu, to koro ibiro mako koda ka un, kendo Kemosh nyasachu ibiro ter e tuech, kaachiel gi jodonge kod jodolo mage.

Jeremia 49:1

Ruoth Nyasaye nowuoyo kuom jo-Amon niya, “Jo-Israel ni kanye? Donge nitie ng’ato manyalo reso lopgi? Ang’o momiyo giseweyo jo-Amon malamo Milkomgi okawo piny jo-Gad mi odakie?

Jeremia 51:8

To koro Babulon osepodho apoya, mi okethore! Ywageuru! Dwaruru yath ni adhondene, nimar dipo ka omiyo ochango.

Jeremia 6:26

To an Ruoth Nyasaye awachonu niya, “Un joga, rwakreuru gi piende gugru, kendo bukreuru gi buru. Ywaguru malit ka ng’ama ywago wuode ma miderma, nimar ng’at ma biro tiekou biro poyou.”

Amos 1:15

Ruodhgi ibiro daro, mi ter e tuech, kaachiel gi jodonge.”

Zefania 1:5

Bende abiro tieko ji maidho ewi udi, kendo kulore piny kalamo gik manie kor polo, Kod joma lama an Ruoth Nyasaye, to kendo kuong’ore gi nying Milkom, nyasaye manono,

Jakobo 5:1

Koro un jomwandu, winjuru wachna! Ywaguru kendo gouru nduru nikech masiche mabiro makou.

Joshua 7:2

Kane gin Jeriko, Joshua noseoro jomoko mondo odhi Ai, dala man machiegni gi Bethaven, yo wuokchieng’ mar Bethel, mondo girang kaka piny chalo. Mi jogo notimo kamano.

Joshua 8:1

Ruoth Nyasaye nowacho ni Joshua niya, “Kik iluor, kendo kik chunyi nyosre. Kaw jolweny duto, kendo dhi imonj Ai. Anachiw ruodh Ai gi dalane gi joge kod pinye e lweti,

Joshua 8:28

Kamano Joshua nowang’o Ai chuth, moweye kokethore, ma onge ji modakie nyaka chil kawuono.