Jeremia 49:29 - MUMA MALER 2015

²⁹ Yakuru hembegi kod jambgi kaachiel gi rageng’ni mag hembegi kod gimoro amora muyudo e hembego. Bende peuru ngamia maggi kendo unyisgi ni masira olworogi kuonde duto.

Motingʼo Loko Manyien

²⁹ Hembegi gi jambgi nokaw; kar dak margi nowal oko, kaachiel gi mwandugi duto kod ngamia. Ji nogonegi koko ni, ‘Masira maduongʼ koni gi koni!’ ”

Jeremia 49:29 ပူးပေါင်းရင်းမြစ်များ

Chakruok 37:25

Eka ne gibet piny mondo gichiem, to kane gichiemo, ne gipo ka gineno oganda mar jo-Ishmael koa Gilead dhi Misri, Ne gin gi ngamia moting’o gik mang’ue ng’ar gi manemane kod yien moko.

Ayub 1:3

kendo ne en gi rombe alufu abiriyo gi ngamia alufu adek gi dhok alufu achiel kod kenje mia abich. To bende ne en gi jotich mogundho. Kamano ne en ng’at momewie moloyo ji duto ma nodak e pinje man yo wuok chieng’.

Zaburi 120:5

Dak e kindu rach mana ka dak e piny Meshek, kata ka dak e kind jo-Kedar!

Zaburi 31:13

Awinjo ka wasika kuotho, ka bwoga kuonde duto. Gihondho wach kaachiel mondo ginega.

Isaya 13:20

Ng’ato ok nochak odag kuno kuom tienge duto mabiro. Onge ja-Arabu ma nogur hembe kanyo, bende onge jakwath ma nokwa jambgi kuno.

Isaya 60:7

Jamni duto mag Kedar nochokni. Rombe mag Nebayoth bende nobed jamni mitimogo misengni ma ayiego e kendona mar misango, mi duong’ maler mar Hekalu mara nomedre.

Jeremia 10:20

Hembewa osekethore chuth, kendo tonde mane otuegigo osechot. Yawuotwa duto osea modhi mabor, koro onge ng’ama odong’ ma dichak gurnwa hembewa, bende onge ng’ama nyalo lieronwa rageng’ni maggi.”

Jeremia 4:20

Masira achiel luwo machielo, kendo piny duto okethi, piyopiyo nono hembena omuki, kendo rageng’ni maggi oyiech matindo tindo.

Jeremia 46:5

To Ruoth Nyasaye penjo niya, “Koro ang’o ma aneno ka timoreni? Gigore nyang’eng’o. Thuondi oselo, omiyo luoro ohewogi, kendo giringo matek ma ok gigo machiemo.

Jeremia 49:24

Jo-Damaski osedoko manyap, kendo gisewichore mondo giring ka kihondko omakogi. Piny ochamogi kendo giwinjo rem mana ka dhako ma muoch kayo.

Jeremia 49:5

Abiro kelonu masiche moa koni gi koni kendo uduto ubiro ringo. Ng’ato ka ng’ato noring mondo ores ngimane, kendo onge ng’ama nochak ochok jolweny mau kanyakla

Jeremia 6:25

Ok wahedhre wuok oko, kata bayo e wang’yore, nikech wasikwa oikore ni lweny kuondego, kendo masiche ng’eny koni gi koni.”

Habakuk 3:7

Aneno ka kihondko malich omako jo-Kushan gi jo-Midian, madak e hembe.

2 Jo-Korintho 4:8

Pile idiyowa koni gi koni, to kata kamano ok dinnwa. Wadhier nono, to chunywa ok a.

2 Jo-Korintho 7:5

En adier ni kata ka ne wachopo Makedonia to ne ok wayudo yueyo. Ne wayudo mana chandruok kuonde duto: dhaw ne oluorowa oko, kendo chunywa ne opong’ gi luoro.

Jong’ad Bura 6:5

Ne gibiro gi jambgi kod hembegi, kendo ne ging’eny mana ka bonyo. Kane oriwgi gi ngamia mane gin-go, to ne ging’eny mokalo akwana. Ne gibiro e pinyno mondo giketh cham.

Jong’ad Bura 7:12

Jo-Midian gi jo-Amalek kod jo yo wuokchieng’ duto mane nindo e holo ne ng’eny ka bonyo, kendo ngamia mane gin go nokadho akwana mana ka kuoyo manie dho nam.

Jong’ad Bura 8:21

Zeba gi Zalmuna nowacho ni Gideon niya, “Bi inegwa mana in iwuon, nimar in e ng’at maduong’ ma bade otegno.” Omiyo Gideon noa malo, monegogi giduto. Eka nokawo odeyo mane nie ng’ut ngamia maggi.

Jong’ad Bura 8:26

Pek mar stadi mane gimiyo Gideon ne romo kilo piero adek. To bende ne nitie odeyo gi bonje kod nengni maralik mane ruodhi mag jo-Midian rwako, kaachiel gi thiwni mane otue e ng’ut ngamia maggi.