Jeremia 49:2 - MUMA MALER 2015

² Onge wach! To kata kamano, ndalo biro ma anami joma odak e dala mar Raba winj mahu mar lweny. Dala maduong’ mar jo-Amonno nodong’ gunda, kendo mier matindo tindo mokiewo kode nowang’ chuth. Bang’e jo-Israel nochak okaw pinygi kuom joma nomayogigo. An Ruoth Nyasaye ema awacho kamano.

Motingʼo Loko Manyien

² Jehova Nyasaye wacho niya, “To ndalo biro, ma anagoye koko mar lweny mondo oked gi Raba mar jo-Amon; enobed pith mar kethruok, kendo gwenge molworogi nowangʼ. Eka Israel noriemb jogo mane oriembogi,” Jehova Nyasaye ema owacho.

Jeremia 49:2 ပူးပေါင်းရင်းမြစ်များ

2 Samuel 11:1

E ndalo chakruok oro, mane ruodhi thoro wuokie kadhi kedo, Daudi nooro Joab kod askechene owuon, kaachiel gi jolwenj Israel duto, mogoyo jo-Amon asasa kendo ne giluoro dala Raba. To Daudi nodong’ Jerusalem.

Zaburi 48:11

omiyo jo-Sayun bedo mamor. Ing’ado bura kare, omiyo ilo opong’o mier mag Juda.

Zaburi 97:8

Jo-Sayun mor, kendo joma odak e miech Juda nigi ilo, nikech buche ming’ado, yaye Ruoth Nyasaye.

Isaya 11:14

Ginimonj jo-Filistia yo podho chieng’, kendo giniriwre kaachiel, mi giyak jo yo wuok chieng, kamano ginikaw piny Edom gi piny Moab, kendo jo-Amon bende nobed e bwogi.

Isaya 17:1

Ma e wach mane Nyasaye onyiso e fweny kuom Damaski: Damaski biro kethore chuth, mi ute mukre kendo dhurre pidhe pidhe.

Jeremia 4:19

Iya nyawni! Awinjo rem malit! Yaye chunya! Chunya diko malit! Ok anyal ling’ nikech awinjo tung’ gi mahu mag lweny.

Jeremia 49:1

Ruoth Nyasaye nowuoyo kuom jo-Amon niya, “Jo-Israel ni kanye? Donge nitie ng’ato manyalo reso lopgi? Ang’o momiyo giseweyo jo-Amon malamo Milkomgi okawo piny jo-Gad mi odakie?

Ezekiel 21:20

mondo ranyisi achiel onyis ruoth yo madhi Raba, dala jo-Amon, to machielo onyise yo madhi Jerusalem e chuny Juda,

Ezekiel 21:25

“In ruodh Israel, ma timbene mono, kendo ma ok ler, in bende ndaloni ochopo ma ibiro kumie mogik.

Amos 1:14

Kuom mano abiro moko mach e ohinga mar Raba mondo owang’ kuonde mochiel motegno mag dalano. Ji nogo mahu chieng’ kedo, kendo lweny nobed maliet ka mach.

Obadia 1:19

Jo-Israel modak yo milambo nokaw piny gode mag Esau, kendo joma odak e tiend gode mag Juda biro kawo piny jo-Filistia. Jo-Israel nokaw piny Efraim gi Samaria, to jo-Benjamin nokaw piny Gilead.

Kwan 10:9

“Ka ukedo gi wasigu momonjou e pinyu, kendo dwaro loyou, to unugo tunge moriwore gi sigiya, mi Ruoth Nyasaye ma Nyasachu noparu, kendo noresu kuomgi.

Kwan 21:25

Kuom mano jo-Israel nokawo miech jo-Amorgo duto, modakie. Miego ne gin Heshbon kod mier matindo mage.

Rapar mar Chik 13:16

Nyaka uchok mwandu duto mag dalano kanyakla, kendo uket e laru manie dier dalano. Eka uwang’ dala duto, kaachioel gi gik moko duto manie iye ka misango miwang’o pep ni Ruoth Nyasaye ma Nyasachu. Dalano ok noger kendo, to nodong’ gunda nyaka chieng’.

Rapar mar Chik 3:11

(Og ruodh Bashan kende ema nodong’ kuom jo-Refaim. Sandug liende, molos gi kite maratenge, pod ni Raba dala jo-Amor nyaka chil kawuono. Borne chiegni romo mita abich, to lachne mita ariyo.)

Joshua 17:11

Bethshean kaachiel gi mier mokiewo kode gi joma nodak Ibleam gi Dor manie dhonam, gi En-dor gi Taanak kod Megido, kaachiel gi mier matindo ma nokiewo kodgi ne nie bwo jo-Manase, kata obedo ni ne gin e pinje mag jo-Isakar gi jo-Asher kamano.

Joshua 17:16

To joka Josef nowachone niya, “Adier piny godeno ok oromowa, to bende jo-Kanaan modak Beth-sheam gi mier mokiewo kode kaachiel gi mago modak e paw Jezreel, nigi geche lweny mag nyinyo!”