Jeremia 49:16 - MUMA MALER 2015

¹⁶ Sunga ma un go osewuondou, to chutho onge ng’ama oluorou kaka uparono. Udak malo e lwendni morokore manie wi gode maboyo. To kata obedo ni udak malo mabor kaka ongo kamano, to Ruoth Nyasaye biro lorou piny. Ruoth Nyasaye ema owacho kamano.”

Motingʼo Loko Manyien

¹⁶ Luoro musemiyo ji kod sunga manie chunyu osewuondou, un jogo modak e kind lwendni, modak kuonde motingʼore gi malo mar got. Kata obedo ni ugero uteu mabor ka od otenga, koa kuno abiro dwokou piny,” Jehova Nyasaye owacho.

Jeremia 49:16 ပူးပေါင်းရင်းမြစ်များ

2 Ruodhi 14:7

Amazia nonego jo-Edom alufu apar e holo Kado, mi okawo Sela gi lweny, mochako ni Joksheel. Pod iluonge kamano nyaka chil kawuono.

Ayub 39:27

Koso in ema ongo rito chikni, eka oger ode malo ewi got?

Ngeche 16:18

Sunga kelo masira, kendo ng’ayi miyo ng’ato chwanyore.

Ngeche 18:21

Weche ma ng’ato wacho nyalo kelo ngima, to bende ginyalo kelo tho. Kuom mano, rit dhogi maber mondo wecheni okonyi.

Ngeche 29:23

Sunga ema miyo ji podho. Joma muol to yudo luor.

Wer Mamit 2:14

Ilalna mana ka winyo ma ode ni kama orokore e kor got mabor. We aneye wang’i, kendo awinjie dwondi, nikech ijaber, kendo dwondi mit.’

Isaya 10:14

Lweta oseyudo kuonde ma mwandugi nitie, kendo asekawo pinje duto mana kaka ng’ato kawo tong’ e od winyo ma oringo, ma onge gima kwadho buombe, kata ma ng’amo dhoge, kata ma chwicho!”

Isaya 2:21

mi ginidonj e buche manie lwendni kendo manie kor gode maboyo, ka giluoro duong’ malich mar Ruoth Nyasaye kod tekone.

Isaya 49:25

An Ruoth Nyasaye to adwoko niya, “Joma otue nogol kata mana kuom ng’at maratego, kendo joma omaki bende nores kuom ng’at makwiny. Anaked gi jogo duto ma kedo kodi, mi ares nyithindi e lwetgi.

Jeremia 48:14

“Un jo-Moab, ere gimomiyo uketoru ni un thuondi mosekedo e lwenje mager?

Jeremia 49:15

Un jo-Edom, Ruoth Nyasaye biro miyo ogandau dok manyap, kendo onge ng’ama biro miyou luor.

Jeremia 50:29

“Nyisuru jo-asere mondo omonj Babulon. Ee, ng’ato ka ng’ato mong’eyo bayo asere olwor dala, kendo kik uwe ng’ato tony. Chuluru ni Babulon kuor kuom gik moko duto mosetimo, kendo utimne mana kaka osetimo ni ji mamoko, nikech osesungore e nyima, an Ng’ama Ler mar Israel.

Jeremia 51:53

Kata da bed ni Babulon nyalo idho, mi tundi e polo, kendo ger udi motegno kuno, to pod daor ji mondo okethe. An Ruoth Nyasaye ema awacho kamano.

Amos 9:2

Kata ka gikunyo bur, mi gichopo nyaka kar joma otho, to abiro gologi mana kuno. Kata ka giidho nyaka e polo, to abiro lorogi piny.

Habakuk 2:9

Unune malit, un muyudo mwandu e yo marach, mondo ugergo dalau kama oting’ore ma wasigu ok nyal monjoue.

Malaki 1:3

Esau gi nyikwaye to asin-go. Aseketho piny gode mag Esau, mi aloko obedo thim ma ondiegi dakie.”