Jeremia 49:13 - MUMA MALER 2015

¹³ An awuon asekuong’ora ni dala mar Bozra nobed gima bwogo ji, kendo nolokre thim ma ji nyiero, kendo noluong nyinge ka gima okuong’. Mier matindo mokiewo kode nobed kokethore nyaka chieng’! An Ruoth Nyasaye ema awacho kamano.”

Motingʼo Loko Manyien

¹³ Jehova Nyasaye wacho niya, “Akwongʼora gi nyinga awuon, ni Bozra nokethi kendo nobed gir bwogo ji, gir jaro kendo nobed gir kwongʼ, kendo mieche duto nokethi chuth.”

Jeremia 49:13 ပူးပေါင်းရင်းမြစ်များ

Chakruok 22:16

“Ruoth Nyasaye owacho kama:

Chakruok 36:33

Kane Bela otho, Jobab wuod Zera ma ja-Bozra nodoko ruoth kare.

1 Weche mag Ndalo 1:44

Kane Bela otho, Jobab wuod Zera ma ja-Bozra nodoko ruoth kare.

Isaya 34:6

Ligangla mar Ruoth Nyasaye notim remo lilo, kendo boche nogawre kuome, mana ka gima gin boche mag nyiroke imbe, kod remb rombe gi diek mitimogo misango, nimar Ruoth Nyasaye biro timo misango Bozra, dala Edom. Ee, obiro neko malich e piny Edom.

Isaya 45:23

An Nyasaye mangima asekuong’ora! Adier, gima owuok e dhoga en adier, kendo ok nyal lokore. Asesingora ka awacho niya, “Ji duto nogona chonggi piny, kendo ng’ato ka ng’ato nokuong’re ni biro luwa.”

Isaya 63:1

Mano ng’a, mabiro koa Bozra e piny Edom, ka lepe otimo remono? Orwakore gi lep duong’, kendo owuotho gi tekone duto. “An Ruoth Nyasaye ema abiro, ka ahulo ni Jerusalem oseresi, kendo an ema an gi teko mar waro ji.”

Jeremia 18:16

Giseketho pinygi, modoko gima bwogo ji, kendo ma ji charo nyaka chieng’. Ji duto ma kadho machiegni biro bwok kuom gima gineno, kendo gibiro kino wigi ka giwuoro.

Jeremia 19:8

Anaketh dalani gi keth malich, mi ng’ato ang’ata makadho machiegni nobwogi, kawuoro gima osetimore ni dalani.

Jeremia 44:26

To koro winjuru singruok ma an Ruoth Nyasaye asetimo e nyinga maduong’ ni jo-Juda duto modak Misri: Ok nachak ayie mondo ng’ato ang’ata kuomu oluong nyinga ka wacho niya, “Akuong’ora e nying Ruoth Nyasaye mangima.”

Jeremia 48:24

gi Kerioth kod Bozra. Ee, bura oseloyo miech Moab duto, man mabor koda man machiegni.

Jeremia 49:22

Wasigu nomonj Bozra mana ka achuth mopodho piny kuom gima otho, koa malo e kor polo ka buombene oyarore. Chieng’no jolweny mag Edom kihondko nomaki mana ka dhako ma muoch kayo.”

Jeremia 51:14

Ruoth Nyasaye Manyalo Gik Moko Duto osekuong’ore gi nyinge owuon ni obiro kelo ji mang’eny ka bonyo mondo omonj Babulon, kendo ka giseloye to ginikog gi mor.

Joel 3:19

Piny Misri biro lokore thim, kendo piny Edom nolokre thim modong’ nono, nikech jopinjego nomonjo piny Juda, mochuero remb joma onge gi ketho.

Amos 1:12

Kuom mano abiro oro mach Teman mondo owang’ kuonde mochiel motegno mag Bozra.”

Amos 6:8

Ruoth Nyasaye Manyalo Gik Moko Duto osesingore owuon niya, “Asin gi sunga mar joka Jakobo, kendo asin gi utgi madongo dongo. Abiro chiwo Samaria ma dalagi, kod gik moko duto man e iye e lwet wasigu.

Obadia 1:18

Joka Jakobo gi joka Josef nochal mach, mi ginitiek joka Esau manaa kaka mach wang’o tiang’ mi tieki. Onge nyakwar Esau moro ma nodong’ kangima. An Ruoth Nyasaye ema asewacho kamano.”