Jeremia 49:11 - MUMA MALER 2015

¹¹ Kuom mano onego uwena nyithindu makiye mondo ariti. Mondu mag liete nyalo konyore kuoma.”

Motingʼo Loko Manyien

¹¹ Weuru kiye mau; anares ngimagi. Mondu duto ma chwogi otho, bende nyalo keto geno mag-gi kuoma.”

Jeremia 49:11 ပူးပေါင်းရင်းမြစ်များ

Zaburi 146:9

Orito jopinje mamoko modak e piny joge, bende okonyo mond liete gi nyithi kiye, to orocho gik ma joricho ochano timo!

Zaburi 68:5

Nyasaye modak e Hekalu mare maler rango nyithi kiye, kendo rito mond liete.

Zaburi 82:3

Ng’aduru bura kare ni joma odhier kod nyithi kiye, kendo konyuru jochan gi joma ok nyal konyore kendgi.

Hosea 14:3

Jo-Asuria ok nyal resowa, bende ok wanadwar geche mag lweny mondo waidhi. Ok wanachak wawach ni gik mwaseloso gi lwetwa niya, ‘Un e nyisechewa.’ A Ruoth Nyasaye, in ema itimo ng’wono ni joma onge ng’ama konyogi.”

Jona 4:11

an to donge dakech Nineve, dala maduong’ man gi nyithindo moloyo alufu mia achiel gi piero ariyo, (120,000) kaachiel gi jamni mang’eny?”

Zekaria 7:10

Kik usand nyithi kiye gi mond liete, gi jopinje mamoko modak kuomu, kod joma odhier, bende kik ng’ato chan timo ni wadgi tim moroo mamono.’

Malaki 3:5

Ruoth Nyasaye Manyalo Gik Moko Duto owacho niya, “Abiro ng’adonu bura, kendo bedo janeno kuomu piyo piyo, ka ayalo ajuoke gi joma terore gi joma kuong’ore kayiem gi joma wuondo jotichgi e yor misara, kod joma ok oluora, ma timo marach ni mond liete gi nyithi kiye kod jopinje mamoko modak kuomu.”

Rapar mar Chik 10:18

To ong’ado bura kare ni mond liete, kendo ni nyithi kiye. Ohero jodak, kendo omiyogi chiemo gi lewni.

1 Timotheo 5:5

Chi liel hiehie en chi liel modong’ kende, maonge watne moro, en ogeno mana Nyasaye, kendo osiko kolemo, kendo osayo Nyasaye odiechieng’ gotieno.

Jakobo 1:27

Lemo mar adier kendo maler e nyim Nyasaye Wuoro, en limo nyithi kiye gi mond liete e chandruokgi, kendo bende gi ritruok kuom richo mag piny.