Jeremia 49:10 - MUMA MALER 2015

¹⁰ Un to aseyweyou oko gi yuech, kendo asefwenyo kuonde ma upondoe, mi koro onge kama unyalo resorue. Jo-Edom gi wedegi kod joma odak machiegni kodgi osetieki, kendo onge kata ng’at achiel modong’.

Motingʼo Loko Manyien

¹⁰ To analony Esau duk; anael kuondege malingʼ-lingʼ, mondo omi kik opondi. Nyithinde, wedene gi jomodak bute nolal nono, kendo ok nochak obed chutho.

Jeremia 49:10 ပူးပေါင်းရင်းမြစ်များ

Zaburi 37:28

nikech Ruoth Nyasaye ohero gima kare, kendo ok ojwang’ joma oluore, to oritogi pile. Nyikwa joricho to notiek chuth.

Isaya 17:14

Kihondko nomak jo-Israel godhiambo, gokinyi to wasikgi norum pep! Mano e pok mowinjore gi joma yakowa.

Isaya 45:3

Anamiyi mwandu mopandi e mudho, kendo mokan kuonde mopondo, mondo eka ing’e ni an e Ruoth Nyasaye ma Nyasach Israel, ma luongi gi nyingi.

Jeremia 13:26

Ruoth Nyasaye owuon ema noyiech lepu kuomu, mi dugu nonen.

Jeremia 23:24

Onge ng’ama nyalo pondo kamoro ma ok anyal nene. Donge ung’eyo ni an, an kuonde duto, e polo kendo e piny.

Ywagruok 4:22

Kum mane okumgo jo-Sayun kuom timbegi mamono koro orumo. Ok nochak oriembgi kendo, mondo gibed wasumbni e piny wasikgi. To un jo-Edom ema Ruoth Nyasaye nokumu, kendo enoel kethou e lela.

Amos 9:3

Ka gipondo ewi got Karmel, to nadwargi nyaka amakgi. Ka gipondona e bwo pi matut, to anachik thuol mondo okagi kuro.

Obadia 1:6

Yaye, joka Esau! Giseyudo mwanduu, kata mana mago mupando, mi giyako.

Obadia 1:9

Jolweny mag Teman biro bwok, mi noneggi, maonge kata achiel modong’ e piny gode mag Esau.

Jo-Rumi 9:13

Mano bende e kaka Muma wacho ni, “Ne ahero Jakobo, Esau to ne asin-go.”