Jeremia 49:1 - MUMA MALER 2015

¹ Ruoth Nyasaye nowuoyo kuom jo-Amon niya, “Jo-Israel ni kanye? Donge nitie ng’ato manyalo reso lopgi? Ang’o momiyo giseweyo jo-Amon malamo Milkomgi okawo piny jo-Gad mi odakie?

Motingʼo Loko Manyien

¹ Wach kuom jo-Amon: Ma e gima Jehova Nyasaye wacho: “Onge yawuowi e Israel? Oonge gi jarit girkeni mage? To kare angʼo momiyo Molek osekawo mwandu Gad? Angʼo momiyo joge odak e dalane?”

Jeremia 49:1 ပူးပေါင်းရင်းမြစ်များ

Chakruok 19:38

Nyako matin bende nonywolo wuowi, mochako nyinge ni Ben-ami. En e kwar jo-Amon.

2 Ruodhi 10:33

chakre aora Jordan kochomo yo wuokchieng’. Nokawo piny Gilead gi Bashan duto, chakre Aroer but aora Arnon, koloyo jo-Gad gi jo-Reuben kod jo-Manase.

2 Ruodhi 24:2

Eka Ruoth Nyasaye nooro mony mag jo-Babulon gi mag jo-Aram, gi mag jo-Moab kod mag jo-Amon, mondo oked gi jo-Juda, kendo ne giketho pinygi chuth, kaka Ruoth Nyasaye nosemiyo jatichne ma janabi owacho.

2 Weche mag Ndalo 20:1

Bang’ mano jo-Moab gi jo-Amon kod jo-Meun moko nobiro kedo gi Jehoshafat.

2 Weche mag Ndalo 20:23

Noyudo ka jo-Amon kod jo-Moab onywako ni jo-got Seir, motieko chuth, kendo kane gisetiekogi kamano, ne gichako negore kendgi giwegi.

Nehemia 2:19

To kane Sanbalat ja-Horon gi Tobia ja-Amon ma misumba, kod Geshem ja-Arabu owinjo wachno, ne ginyierowa kendo gicharowa, ka gipenjowa ni, “Ang’o mutimoni? Udwaro ng’anyo ni ruoth koso?”

Nehemia 4:7

To kane Sanbalat kod Tobia, kaachiel gi jo-Arabu gi jo-Amor kod jo-Ashdod owinjo ni tij gero ohinga mar Jerusalem odhi nyime maber, kendo ni kuonde momukore bende osedin, mirima nomakogi ahinya,

Zaburi 83:7

kaachiel gi jo-Gebal gi jo-Amon gi jo-Amalek gi jo-Filistia kod jo-Turo.

Zaburi 9:6

Wasikwa orumo chuth, bende iseketho miechgi, kendo wich owil kodgi mochwere.

Jeremia 12:14

Ruoth Nyasaye wacho niya, “An gi gima adwaro wacho kuom ogendini maricho mokiewo gi jo-Israel. Abiro pudhogi oko e pinygi ka yien mipudho, mi nares jo-Juda kuomgi.

Jeremia 25:21

gi jo-Edom gi jo-Moab kod jo-Amon duto,

Jeremia 25:9

‘Abiro kelo ogendini duto moa yo nyandwat, kendo abiro kelo jatichna Nebukadnezar ruodh Babulon. Ogendinigo biro kedo gi pinyni kod joma odakie kendo gibiro kedo gi ogendini duto modak machiegni. Abiro tiekogi chuth, mi piny biro dong’ nono malich, mabwogo ji, kendo ma ji chayo. An Ruoth Nyasaye ema awacho kamano.

Jeremia 27:3

Bang’e inyis joote moa kuom ruodhi mag Edom gi mag Moab gi mag Amon gi mag Turo kod mag Sidon mosebiro Jerusalem neno Ruoth Zedekia,

Jeremia 48:1

Ruoth Nyasaye Manyalo Gik Moko Duto kendo ma Nyasach Israel nowuoyo kuom jo-Moab kama: “Ywaguru jo-Nebo, nimar dalagi okethi! Kiriathaim osekaw, mi omuk kama ochiel motegno manie dalano. Joma odak kuno wigi okuot,

Jeremia 49:23

Ruoth Nyasaye nowuoyo kuom jo-Damaski niya, “Joma odak Hamath gi Arpad luoro omako, kendo chunygi chandore nikech gisewinjo wach marach. Chunygi ling’ore mana ka apaka mar Nam Makwar, kendo ok ginyal yudo yueyo.

Jeremia 49:28

Ruoth Nyasaye nowuoyo kuom jo-Kedor kod ruodhi mag Hazor mane Nebukadnezar ruodh Babulon oloyo niya, “Dhiyouru umonj jo-Kedar ma jo-Arabu modak yo wuok chieng’, mi utieki.

Jeremia 49:7

Ruoth Nyasaye Manyalo Gik Moko Duto nowuoyo kuom jo-Edom kama: “Rieko tinde orumo e piny Edom koso? Donge jorieko maggi ng’adonigi rieko? Koso tinde riekogi olal?

Ezekiel 21:25

“In ruodh Israel, ma timbene mono, kendo ma ok ler, in bende ndaloni ochopo ma ibiro kumie mogik.

Ezekiel 25:1

Ruoth Nyasaye nowuoyo koda,

Zefania 1:5

Bende abiro tieko ji maidho ewi udi, kendo kulore piny kalamo gik manie kor polo, Kod joma lama an Ruoth Nyasaye, to kendo kuong’ore gi nying Milkom, nyasaye manono,

Kwan 1:24

Jo-Gad e utgi kaluwore gi kweregi, kindiko nying joma chwo duto ma hikgi oseromo piero ariyo kata mokadho kanyo ma oromo dhi e lweny,

Rapar mar Chik 2:19

kendo kuchopo e piny jo-Moab, to kik ukwinygi kata kik umonjgi, nikech ok namiu pinygi mondo obed mwanduu, nimar asechiwe ni nyikwa Lut.’

Rapar mar Chik 23:3

“Jo-Amon gi jo-Moab kata mana nyaka nyikwagi mar apar kik donj e chokruok mar jo-Ruoth Nyasaye. Ok ginidonj e chokruokno,

Rapar mar Chik 23:4

nikech ne ok giromonu gi chiemo kata gi pi kane uwuok Misri, to bende nikech ne giluongo Balaam wuod Beor modak Pethor manie piny Mesopotamia mondo okuong’u.