Jeremia 48:46 - MUMA MALER 2015

⁴⁶ Ywaguru jo-Moab! Joma ne lamo Kemosh koro osetieki, kendo yawuotgi gi nyigi osemak moter e tuech.

Motingʼo Loko Manyien

⁴⁶ Mano kaka inine malit, yaye Moab! Jo-Kemosh otieki; yawuoti oter e twech, kendo nyigi oket wasumbini.

Jeremia 48:46 ပူးပေါင်းရင်းမြစ်များ

1 Ruodhi 11:7

Nogero ut lemo ni Kemosh, nyasach jo-Moab, kendo ni Molek, nyasach jo-Amon, ewi got yo wuok chieng’ mar Jerusalem.

2 Ruodhi 23:13

Ruoth noketho bende kuonde hembko mane ni yo milambo mar got Zeituni, man yo wuok chieng’ mar Jerusalem, mane Solomon ruodh Israel ogero ni Ashteroth, nyasaye ma kuero mar jo-Sidon, gi Kemosh, nyasach jo-Moab, kod Milkom, nyasach jo-Amon.

Isaya 16:2

Ka mond Moab ochopo e kuonde ming’adogo aora Arnon, to ginichal mana nyithi winy morwenyo, ma huyo koni gi koni.

Jeremia 48:13

Bang’e jo-Moab noyud ni Kemosh nyasachgi ok nyal konyogi, mana kaka jo-Israel noyudo ni Bethel ma nyasachgi mane gigeno kuome ne ok nyal konyogi.

Jeremia 48:7

Ne ugeno kuom tekou gi mwanduu, to koro ibiro mako koda ka un, kendo Kemosh nyasachu ibiro ter e tuech, kaachiel gi jodonge kod jodolo mage.

Kwan 21:29

A yaye Moab! Uromo, un jo-Kemosh. Kemosh oseriembo yawuote, moringo, kendo osemiyo Sihon ruodh Amor omako nyige.

Jong’ad Bura 11:24

“Donge un udak e piny mane Kemosh nyasachu omayo wegi, momiyou? Kamano e kaka wan bende nyaka wadag adaga e piny mane Ruoth Nyasaye ma Nyasachwa omiyowa.