Jeremia 48:44 - MUMA MALER 2015

⁴⁴ Ng’ato ang’ata ma temo tony e masira biro nyumore e bugo, to ng’ama owuok e bugo, obadho biro mako, Mago duto biro timore ni jo-Moab chieng’ ma akumogie.

Motingʼo Loko Manyien

⁴⁴ “Ngʼatno manotem tony nikech masira nolwar e bur matut, ngʼatno manotem kawuok ei bur matut, nomak gi obadho; nimar anakel magi kuom Moab e higa mar kum,” Jehova Nyasaye ema owacho.

Jeremia 48:44 ပူးပေါင်းရင်းမြစ်များ

1 Ruodhi 19:17

Ng’at ma Hazael ok onego, Jehu noneg; to ng’at ma Jehu ok onego, Elisha noneg.

1 Ruodhi 20:30

Joma nodong’ noringo modonjo e dala Afek, to ohinga mar dala nopodho, monego ji alufu piero ariyo gabiriyo kuomgi. Ben-hadad bende noringo, modonjo e dalano, kendo nopondo ei ot moro maiye.

Isaya 10:3

To unutim ang’o chieng’ mikumou, ka masira moa kuma bor omakou? Ere ng’ama nuring ire mondo okonyu? Koso ere kama un uweye nyithindu

Isaya 24:17

A yaye, un joma odak e piny, masira gi bur kod obadho ema ochomou!

Isaya 24:18

Ka uringo masira, to ununyumru e bur, kendo ka utony mak unyumoru e bur, to obadho nomaku, nikech masira biro lwar kuomu koa e polo, kendo piny duto noyiengni marach.

Jeremia 10:15

Gin gik manono moromo chayo, kendo gibiro rumo, chieng’ ma Ruoth Nyasaye biro mondo otiekgi.

Jeremia 11:23

Onge kata ng’at achiel kuomgi ma nodong’, chieng’ ma achano ni akelo masira kuom jo-Anathoth.”

Jeremia 16:16

“Abiro oro ji mang’eny mondo omak jogi, mana kaka jolupo maluwo rech. Bang’e naor jodwar mang’eny mondo odwargi e gode duto koda ka e kind lwendni.

Jeremia 23:12

Yore ma giluwo biro bedo mapothpoth kendo motimo mudho. Abiro miyo gichwanyre kendo gipodhi, nikech abiro kelo masira kuomgi chieng’ makumogie. An Ruoth Nyasaye ema awacho kamano.

Jeremia 46:21

Jolweny ma jo Misri ondiko, bende omemore mana ka nyiroye mitueyo dala. Ne ok ginyono piny mondo gikedi, to giduto ne giwichore mi giringo, nikech ndalo ming’adonigie bura nosechopo, momiyo masira omakogi.

Jeremia 49:8

Jo-Dedan, wichreuru uringi, mondo utony kuonde maboyo, nimar abiro tieko nyikwa Esau, nikech kinde ma akumogie osechopo.

Jeremia 50:24

In Babulon, obadho mane achikoni kikia osemaki! Ne oyudi mi omaki nikech ne ipiem koda.

Jeremia 50:27

Neguru jolwenje duto ka rwedhi miyang’o. Ywaguru jo-Babulon, nikech sa osechopo monego kumgie.”

Jeremia 51:18

Gin gik manono moromo chayo, kendo gibiro rumo chieng’ ma Ruoth Nyasaye biro mondo otiekgi.

Jeremia 8:12

Bende uparo ni wigi okuot nikech timbe makuero mane gitimogo koso? Ooyo, wigi ok okuot kata matin, bende gionge gi wichkuot. Kuom mano, gibiro podho kaka ji mamoko osepodho, kendo ka akumogi to ginirum. An Ruoth Nyasaye ema awacho kamano.

Ywagruok 3:47

Luoro kod obadho oritowa, kendo kethruok gi masira ochomowa.

Hosea 9:7

Kinde mar kum osechopo ma ng’ato ka ng’ato yudoe gima oromo gi timbene, kendo jo-Israel biro winjo! Uwacho niya, “Jonabi ofuwo! En janeko!” Un uchaya ahinya nikech richou lich.

Amos 5:19

Unuchal mana gi ng’at ma sibuor riembo, to romo gi ondiek, kata machal gi ng’at modonjo e ot, kendo oyiengo lwete e kor ot, mi thuol okayo!

Mika 7:4

Kuom mano, kata mana timbegi mabeyo kendo modimbore obam, kendo chalo mana gi bunge motimo kuthe. To koro chieng’ ma Nyasaye kumogie osechopo, mana kaka jonabi mage ne osiemogi ni enotim. Omiyo koro kihondko omakogi.