Jeremia 48:28 - MUMA MALER 2015

²⁸ Koro un jo-Moab, ayeuru e miechu udhi udag e gode maboyo, mondo uchal gi akuru mogero ode e bath lwanda marabora morokore.

Motingʼo Loko Manyien

²⁸ Jwangʼuru miechu kendo udagi e kind lwendni, un joma odak Moab. Chaluru ka akuch odugla maloso ode e dho rogo.

Jeremia 48:28 ပူးပေါင်းရင်းမြစ်များ

Chakruok 8:12

Norito kendo kuom ndalo abiriyo moko, eka nochako ooro akuruno, to koro akuru ne ok ochako oduogo e yie kendo.

Wer Mamit 2:14

Ilalna mana ka winyo ma ode ni kama orokore e kor got mabor. We aneye wang’i, kendo awinjie dwondi, nikech ijaber, kendo dwondi mit.’

Isaya 2:19

Ka Ruoth Nyasaye oa malo mondo oyieng piny, to ji nodonj e buche manie lwendni, kata manie lowo, ka giluoro duong’ malich mar Ruoth Nyasaye kod tekone.

Jeremia 48:9

Chunguru kidi mar liel, upargo piny Moab, nimar ibiro kethe piyopiyo, kendo mier mage biro dong’ gundni ma onge ng’ama odakie.”

Jeremia 49:16

Sunga ma un go osewuondou, to chutho onge ng’ama oluorou kaka uparono. Udak malo e lwendni morokore manie wi gode maboyo. To kata obedo ni udak malo mabor kaka ongo kamano, to Ruoth Nyasaye biro lorou piny. Ruoth Nyasaye ema owacho kamano.”

Jeremia 49:8

Jo-Dedan, wichreuru uringi, mondo utony kuonde maboyo, nimar abiro tieko nyikwa Esau, nikech kinde ma akumogie osechopo.

Jong’ad Bura 6:2

Jo-Midian nothung’ogi ahinya, omiyo nochunogi ni nyaka gipondi kuonde madiny e kor gode, kod kuonde motimo rogo, gi kuonde moko ma ginyalo geng’oree.

1 Samuel 13:6

To kane jo-Israel oneno ka wach otamo wang’gi, nikech nothung’gi ahinya, ne gipondo kamoro amora mane ginyalo tonyie, kaka buche gi bunge gi bugni kod sokni, kendo e kind lwendni.