Jeremia 48:27 - MUMA MALER 2015

²⁷ Un jo-Moab, parieuru kaka ne unyiero jo-Israel! Ne ucharogi mana ka gima gin joma osemaki kaachiel gi jomecho.

Motingʼo Loko Manyien

²⁷ Donge Israel ema ne ijaro? Bende nomake e dier jokwoge, ma itengʼone wiyi gi achaya sa moro amora miwuoyo kuome?

Jeremia 48:27 ပူးပေါင်းရင်းမြစ်များ

Ayub 16:4

Ka da bed ni an e un, to an bende dawacho gik moko duto muwachogo. Da agonu wiya ka ng’ama riek, kendo da arogonu gi weche mogundho.

Zaburi 44:13

Jopinje mamoko ma okiewo kodwa neno gima itimonwa.

Zaburi 64:8

Weche ma giwacho giwegi ema nomi ologi. Ji duto ma onenogi biro goyonigi siboi,

Zaburi 79:4

Ogendini mokiewo kodwa goyonwa siboi, ka nyierowa kendo jarowa.

Jeremia 18:16

Giseketho pinygi, modoko gima bwogo ji, kendo ma ji charo nyaka chieng’. Ji duto ma kadho machiegni biro bwok kuom gima gineno, kendo gibiro kino wigi ka giwuoro.

Jeremia 2:26

To kaka wi jakuo kuot ka omake, e kaka un jo-Israel wiu nokuodi, kaachiel gi ruodhiu gi jodongu gi jodolo mau kod jonabi mau.

Ywagruok 1:12

Un duto mukadho ok dudewie wach malich machal kama? Mad urang uneye ka bende nitie chandruok machalo gi mara, ma Ruoth Nyasaye osesandago malit kokechoni.

Ywagruok 1:7

Jerusalem paro ndalo mane onenoe chandruok kod chuny lit, kane wasigu omako joge, to onge ng’ama nobiro mondo okonye. Wasike ne ogoyone siboyi, koneno ni osepodho.

Ezekiel 25:8

Ruoth Nyasaye nowacho niya, “Kaka jo-Moab osewacho ni jo-Juda chalo gi ogendini mamoko duto,

Ezekiel 35:15

mana kaka ne ugoyo siboi kane masira omako jo-Israel, ma gin mwanduna awuon. Kuom mano gode mag Seir nowe kokethore. Adier, piny Edom duto nodong’ mana gunda. Bang’e ji duto nong’e ni an e Ruoth Nyasaye.”

Ezekiel 36:2

Wasik Israel ne ogoyonigi siboi, kawacho ni gode machon tinde gin maggi.

Ezekiel 36:4

Kuom mano, un gode mag Israel, winjuru gima an Ruoth Nyasaye awacho ni gode madongo gi matindo kendo ni aore kod holni, kaachiel gi kuonde mane owe kokethore kod mier mane odong’ gundni, mane ogendini mokiewo gi jo-Israel oyako kendo onyiero.

Zefania 2:10

Mano ema nobed pok ma giniyud kuom sunga ma gin go, nikech ne giyanyo jo-Ruoth Nyasaye Manyalo Gik Moko Duto, ka gikawore malich.

Zefania 2:8

“Asewinjo ayany ma jo-Moab yanyogo joga gi ajara ma jo-Amon jarogigo, bende aseneno kaka gidonjo e lop joga manie tong’gi.

Mathayo 26:55

Sa nogo Yesu nowacho ni oganda mane obirono niya, “Ere gima omiyo ubirona gi ligengni kod arunge, ka joma dwaro jamecho? Pile yande abet ka apuonjo e Hekalu, to ne ok umaka.

Mathayo 27:38

Jomecho moko ariyo bende nogur kode, achiel e bathe korachwich, to machielo e bathe koracham.

Mathayo 7:2

nikech yo ma ung’adoe ni ji bura, e yo ma un bende nong’adnue bura, kendo rapim ma upimoe ema un bende nopimnue.