Jeremia 48:15 - MUMA MALER 2015

¹⁵ To piny Moab gi mier mage osekethi, kendo thuondi mage osenegi! An Ruoth Nyasaye Manyalo Gik Moko Duto ema awacho kamano.

Motingʼo Loko Manyien

¹⁵ Ruoth, ma nyinge Jehova Nyasaye Maratego wacho niya, “Moab nokethi kendo mier mage nomonji; yawuote mabeyo noter e kar nek.

Jeremia 48:15 ပူးပေါင်းရင်းမြစ်များ

Zaburi 47:2

Mano kaka Ruoth Nyasaye Maduong’ Moloyo lich miwuoro! En Ruoth Maduong’ morito piny ngima,

Jeremia 46:18

“An Ruoth Nyasaye Manyalo Gik Moko Duto, an ruoth. Akuong’ora gi nyinga awuon ni, kaka got Tabor duong’ moloyo gode moko duto kendo kaka got Karmel man but nam bende duong, e kaka teko ng’at mabiro monjou nobed maduong’.

Jeremia 48:4

Piny Moab osekethi! Winjuru nyithindo ka ywak.

Jeremia 50:27

Neguru jolwenje duto ka rwedhi miyang’o. Ywaguru jo-Babulon, nikech sa osechopo monego kumgie.”

Jeremia 50:34

To gin gi jawar maratego ma nyinge Ruoth Manyalo Gik Moko Duto! En owuon ema nolos wachgi, mi okel kue e piny, to jo-Babulon enomi chandruok.”

Jeremia 51:40

Abiro terogi mondo oyang’gi mana kaka iyang’o jamni. An Ruoth Nyasaye ema awacho kamano.

Jeremia 51:57

Abiro miyo jodonge gi joge mariek gi jotelo kod joge mag lweny bed momer, mi nindo tergi, mi ok ginyal chiew kendo. An Ruoth Nyasaye Manyalo Gik Moko duto, ema awacho kamano.

Daniel 4:37

To koro, an Nebukadnezar apako Ruodh Polo kendo amiye duong’, nimar gimoro amora motimo ni kare. Pile ong’ado bura kare, kendo odwoko joma sungore piny.

Amos 4:10

“Ne akelonu yamo marach mar tho machal gi mano mane akelo ni jo-Misri. Bende namiyo yawuotu mang’eny otho e lweny, kendo amayou fareseu. Ne amiyo mifuond jomotho e kambeu othing’ou. To kata kamano ne ok uduogo ira.

Zekaria 14:9

Chakre chieng’no, Ruoth Nyasaye nobed ruodh piny ngima, kendo ji duto nolame ka Nyasachgi, mi ng’eye gi nyinge achiel ma Ruoth Nyasaye.

Malaki 1:14

Okuong’ ng’at ma jawuond ma timona misango gi chiayo modwanyore kamano mondo ochopgo kuong’ruokne, to oweyo chiache maber e kul. An e ruodh ruodhi, kendo ogendini duto oluora!”

Jakobo 5:4

To pok uchulo misach jotich mane okayonu cham. Winjieuru kaka giywak! Adier, ywak jokeyogo osechopo e it Ruoth Nyasaye Manyalo Gik Moko Duto.

Fweny 19:16

En gi nying moro mondiki e lawe kendo eme ni, “Ruodh ruodhi, kendo Jaduong’ jodongo.”