Jeremia 48:14 - MUMA MALER 2015

¹⁴ “Un jo-Moab, ere gimomiyo uketoru ni un thuondi mosekedo e lwenje mager?

Motingʼo Loko Manyien

¹⁴ “Ere kaka inyalo wacho ni, ‘Wan jokedo, ji mathuondi maroteke e lweny’?”

Jeremia 48:14 ပူးပေါင်းရင်းမြစ်များ

Zaburi 11:1

Ageno kuom Ruoth Nyasaye moseresa. En fuwo manade ka uwachona ni mondo ahu gi bwombena ka winyo, adhi e gode,

Zaburi 33:16

Oganda lweny maduong’ ok ema mi ruoth lo lweny. Jalweny bende ok nyal tony e kedo mana nikech tekre owuon.

Eklesiastes 9:11

Gimoro machielo mane achako afwenyo en ni, e pinyni, jong’uech matek ok yomb e ng’uech pile, kendo joma thuondi ok lo lweny pile. Bende pile joma riek ok yud gima gikonyorego, kendo joma nigi paro pile ok bed jomwandu. Joma ong’eyo tich bende pile ok yud duong’ e tich. Kamano hawi marach mako ng’ato ang’ata.

Isaya 10:13

nimar ruodh Asuria osewacho niya, “Aseloyo lwenjegi duto mana gi tekona kod riekona awuon, nikech an gi ng’eyo. Ne aketho tong’ mag pinje, mi ayako mwandugi mathoth, kendo anyono ji e buru.

Isaya 10:16

Kuom mano, Ruoth Nyasaye Manyalo Gik Moko Duto biro kelo tuo kuom jolwej Asuria marateke, chakre e wigi nyaka lith tiendgi, kendo tuo noliel ka mach ei ringregi.

Isaya 16:6

Wasewinjo humb jo-Moab, kaka gin josunga. Adier, wasewinjo kaka ging’are malich, kendo kaka wechegi opong’ gi miriambo lilo.

Jeremia 49:16

Sunga ma un go osewuondou, to chutho onge ng’ama oluorou kaka uparono. Udak malo e lwendni morokore manie wi gode maboyo. To kata obedo ni udak malo mabor kaka ongo kamano, to Ruoth Nyasaye biro lorou piny. Ruoth Nyasaye ema owacho kamano.”

Jeremia 8:8

“Ere kaka ginyalo wacho ni giriek kendo ging’eyo chikena, to jopuonj chik mag miriambo osegajo chikena?

Jeremia 9:23

“Ji mariek kik sungre nikech riekogi, joma rateke bende kik sungre nikech tekogi, kata joma omew kik sungre nikech mwandugi.

Ezekiel 30:6

Ruoth Nyasaye wacho niya, “Jolweny ma konyo Misri noneg e lweny, chakre Migdol yo nyandwat nyak Saiyene yo milambo. Oganda lweny ma jo-Misri sungorego otieki. An Ruoth Nyasaye ema awacho kamano.

Zefania 2:10

Mano ema nobed pok ma giniyud kuom sunga ma gin go, nikech ne giyanyo jo-Ruoth Nyasaye Manyalo Gik Moko Duto, ka gikawore malich.