Jeremia 48:10 - MUMA MALER 2015

¹⁰ (Okuong’ ng’at ma ok otiyo tich Ruoth Nyasaye gi chunye duto! Bende okuong’ ng’at ma ok oneko gi liganglane.)

Motingʼo Loko Manyien

¹⁰ “Okwongʼ ngʼat mayom yom e tich Jehova Nyasaye! Okwongʼ ngʼat ma okano liganglane ma ok ochwerogo remo!

Jeremia 48:10 ပူးပေါင်းရင်းမြစ်များ

1 Ruodhi 20:39

Kane ruoth kadho, jalo nokok kawachone ni, “Ruoth, ka nadonjo e chuny lweny, naromo gi jalweny moro mokelona ng’at motue, kowachona niya, ‘Rit ng’atni, to kapo ni olalni, to initho, kata in ichul kilo piero adek mag fedha.’

1 Ruodhi 20:40

To kane oyudo adich koni gi koni, napo ka ng’atno olalna.” Ruodh Israel nodwoke ni, “Iseng’ado buchi iwuon! Kamano e kaka nobedi.”

1 Ruodhi 20:42

Nowacho ni ruoth niya, “Ruoth Nyasaye owacho kama: ‘Ng’at ma nyocha adwaro ni mondo otho, iseweyo odhi, omiyo ibiro tho kare, kendo jogi biro tho kar joge.’ ”

2 Ruodhi 13:19

To Elisha, ng’at Nyasaye, nokecho kode, mowachone niya, “Da bed ni ichielo piny nyadibich kata nyadiuchiel, to eka da itieko jo-Aram chuth, to koro inilogi mana nyadidek kende.”

Jeremia 11:3

ni Ruoth Nyasaye ma Nyasach Israel okuong’o ng’ato ang’ata motamore rito wach singruokni.

Jeremia 47:6

Giywak niya, ‘Yaye! Ligangla mar Ruoth Nyasaye biro chadho ji nyaka karang’o? Onego odog e olalo mondo oyue kanyo!’

Jeremia 47:7

To doyue nadi, to asemiye tich mondo oti? Asechike mondo omonj Ashkelon kaachiel gi joma odak e dhonam.”

Jeremia 50:25

An Ruoth Nyasaye Manyalo Gik Moko Duto, aseyawo kama okanie giga mag lweny, kendo asegologi gi mirima, nikech an gi gima onego atim e piny Babulon!

Jeremia 50:27

Neguru jolwenje duto ka rwedhi miyang’o. Ywaguru jo-Babulon, nikech sa osechopo monego kumgie.”

Joshua 10:19

To kik udek kuno, to meduru mana lawo wasiku, kendo kik uwe gichop e miechgi mak unegogi, nimar Ruoth Nyasaye ma Nyasachu osechiwogi e lwetu.”

Jong’ad Bura 5:23

Malaika mar Ruoth Nyasaye owacho ni, ‘Kuong’uru Meroz kod joma odakie gi kuong’ malit, nikech ne ok gibiro mondo gikony Ruoth Nyasaye. Ne ok gikonyo Ruoth Nyasaye kata joge mag lweny.’

1 Samuel 15:3

Koro dhiyo iked gi jo-Amalek, kendo iketh mwandugi duto chuth. Kik iwegi, to ineggi duto, chwo gi mon, rawere gi nyithindo madhoth, gi dhok gi rombe, kod ngamia gi kenje.’ ”

1 Samuel 15:9

Saulo gi joge noweyo Agag kangima, to bende ne ok giketho rombe gi dhok machwe gi nyirombe kod gik moko mabeyo. To gik moko maricho, ma onge ohala, ema ne giketho chuth.