Jeremia 47:6 - MUMA MALER 2015

⁶ Giywak niya, ‘Yaye! Ligangla mar Ruoth Nyasaye biro chadho ji nyaka karang’o? Onego odog e olalo mondo oyue kanyo!’

Motingʼo Loko Manyien

⁶ “Uywak ni, ‘ Yaye ligangla mar Jehova Nyasaye, ibiro yweyo nyaka karangʼo? Dog ei olaloni; chungʼ kendo ilingʼ thi.’

Jeremia 47:6 ပူးပေါင်းရင်းမြစ်များ

2 Samuel 2:26

To Abner nokok ni Joab, kawacho niya, “Ji biro negore nyaka chieng’ koso? Donge ing’eyo ni giko wachni biro bedo marach moloyo? Nyaka karang’o ma ibiro siko kikwero jogi mondo owe lawo jowetegi?”

1 Weche mag Ndalo 21:27

Eka Ruoth Nyasaye nochiko malaika mondo odwok ligangla e olalo.

Zaburi 17:13

A Ruoth Nyasaye, bi mondo iked gi wasika kod ilogi. Resa gi liganglani e lwet joricho.

Isaya 10:15

To Ruoth Nyasaye nowacho niya, “Bende le disungre ni ng’at matong’o kode? Koso musemeno dibed maduong’ moloyo ng’ama ng’eto kode? Mano nyalo timore mana ka luth nyalo yiengo ng’ama oting’e, kata ka arungu bende nyalo ting’o dhano ma sirore kode!”

Isaya 10:5

Ruodh Asuria e luth ma agoyogo ji ka akecho. Ee, en e luth ma akumogo ji ka mirima omaka.

Jeremia 12:12

Ji oseng’ado gode mae thim ka gibiro mondo giyeki. To an ema aoro lweny mondo otiek pinyno, ma onge ng’at manyalo dakie gi kue.

Jeremia 12:4

Nyaka karang’o ma pinywa biro bedo motwo, kendo lum manie lege biro wang’ie? Le gi winy tho, nikech timbe maricho mag joma odak e pinyni, mawacho ni ok ine gik maricho ma gitimo.”

Jeremia 15:3

“An Ruoth Nyasaye asechano ni masiche ang’wen biro makogi. Ibiro neggi mi guogi biro kidho ringregi. Winy nochamgi kendo ondiegi nocham ringregi modong’.

Jeremia 25:27

Eka Ruoth Nyasaye nowachona niya, “Nyis ji ni an Ruoth Nyasaye Manyalo Gik Moko Duto kendo Nyasach Israel, achikogi mondo gimethi, mi gimer kendo ging’ogi nyaka gipodh piny ma ok ginyal kata chung’, nikech lweny ma abiro kelonigi.

Jeremia 4:21

Nyaka karang’o ma ananeye bandeche mag lweny ka kwadhore, kendo nawinjie tung’ lweny ka ywak.

Jeremia 48:10

(Okuong’ ng’at ma ok otiyo tich Ruoth Nyasaye gi chunye duto! Bende okuong’ ng’at ma ok oneko gi liganglane.)

Jeremia 50:35

Ruoth Nyasaye wacho niya, “Tho ochopo kuom Babulon! Ee, ochopo kuom joge gi kuom jotende kod kuom joge mariek.

Ezekiel 14:17

“Ka akelo lweny mager e piny, motieko ji kod jamni machalre,

Ezekiel 21:30

“In, ruodh Babulon, dwok liganglani e olalo. Abiro ng’adoni bura e piny mane onywolie,

Zekaria 13:7

Ruoth Nyasaye Manyalo Gik Moko Duto owacho niya, “In ligangla, a malo mondo ichadh jakwadha! Ee, chadh ng’at matiyona. Chutho, neg jakwath mondo rombe oke, nimar abiro kumo joga moyomno.”

Johana 18:11

To Yesu nokwero Petro niya, “Dwok liganglani e olalo! Iparo ni ok onego amadh kikombe mar masira ma Wuora osemiya koso?”

Jong’ad Bura 7:20

Eka migepe adekgo duto nogoyo tung’ kendo onego agulni. Ne giting’o meny e lwetgi ma koracham, to tunge ne giting’o e lwetgi ma korachwich, ka gikok niya, “Ligangla mar Ruoth Nyasaye, gi mar Gideon!”