Jeremia 47:5 - MUMA MALER 2015

⁵ Jo-Gaza oseliel wigi, ka nyiso ni gin gi kuyo maduong’, kendo jo-Ashkelon oling’ thi. Jo-Filistia modong’ noywag nyaka karang’o?

Motingʼo Loko Manyien

⁵ Jo-Gaza noliel wigi manyiso ni gin gi kuyo; kendo jo-Ashkelon noket malingʼ thii. Yaye un joma otony manie pewe, unungʼadru nyaka kara angʼo?

Jeremia 47:5 ပူးပေါင်းရင်းမြစ်များ

1 Ruodhi 18:28

Omiyo ne gimedo kok matek, ka ging’olore gi pelni kod ligengni, kaka kit timgi nobet, nyaka rembgi nochuer.

Isaya 15:2

Jo Dibon noring kaidho gode mondo olem e hembko man kuno. Jo-Moab to noywag nikech Nebo gi Medeba osekethi, kendo ng’ato ka ng’ato noliel wiye kod tike.

Jeremia 16:1

Ruoth Nyasaye nochako owuoyo koda, kowachona niya,

Jeremia 16:6

Joma omew kaachiel gi joma odhier biro tho e pinyni, to onge ng’ama noywaggi kata noyikgi. Onge ng’ama noter buchgi kata ma noliel wiye ma nyiso ni en e lit

Jeremia 25:20

Kaachiel gi jopinje mamoko modak kuomgi, gi ruodhi duto mag piny Uz, gi ruodhi duto mag miech Filistia, ma Ashkelon gi Gaza gi Ekron kod dir Ashdod modong’,

Jeremia 41:5

ji piero aboro nobiro koa Shekem gi Shilo kod Samaria. Ne oyudo giselielo tikgi, mi giyiecho lepgi, kendo gisaro dendgi, bende ne giting’o cham gi ubani mondo gichiw e Hekalu.

Jeremia 47:1

Kane pok Farao omonjo Gaza, Ruoth Nyasaye nowuoyo gi Jeremia kuom jo-Filistia niya,

Jeremia 47:4

nikech kinde osechopo mikethoe piny Filistia. Kamano konyruok ma jo-Turo gi jo-Sidon geno yudo kuom Filistia norum pep, nimar an Ruoth Nyasaye abiro ketho jo-Filistia duto mane oa e dho nembe mag Kaftor.

Jeremia 48:37

Ng’ato ka ng’ato osepwodho wiye, kendo olielo tike. Giduto gisaro luetegi, kendo girwako piende gugru.

Ezekiel 25:16

Kuom mano, awacho ni abiro monjo jo-Filistia, mi aywegi oko pep.

Ezekiel 7:18

Ginirwak piende gugru, kendo kibaji nogogi marach. Wigi noliel, mi giduto giyud wichkuot.

Tim jo-Lawi 19:28

Kik usar dendu kuywago ng’ama otho kata kik usar kido moro kuomu. An e Ruoth Nyasaye.

Tim jo-Lawi 21:5

Jodolo kik liel yie wigi atuota, ka ginyisogo ni giywak, kata kik gitit yie tikgi, kata kik gisar dendgi.

Mika 1:16

Un jo-Juda, pwodhuru wiu obed ranyisi ni uywago nyithindo muhero. Ee, lokreuru rabonde ka achudhe, nikech nyithindugo ibiro mau.

Mariko 5:5

Ndalo duto ne obayo abaya e kind liete, kendo e gode, odiechieng’ gotieno, koywak kendo ong’olore gi kite.

Rapar mar Chik 14:1

“Un e nyithind Ruoth Nyasaye ma Nyasachu, omiyo kik usar dendu kata kik uliel nyiem wengeu kuywago ng’at motho,

Jong’ad Bura 1:18

To jo-Juda ne ok okawo Gaza gi Ashkelon gi Ekron, kata gwengegi.