Jeremia 46:6 - MUMA MALER 2015

⁶ Jong’uech ok nyal tony. Gichwanyore kendo gipodho yo nyandwat but aora Yufrate.”

Motingʼo Loko Manyien

⁶ “Joma yot ok nyal ringo kata joma otegno ok nyal tony. E yo nyandwat but Aora Yufrate gichwanyore kendo gipodho.

Jeremia 46:6 ပူးပေါင်းရင်းမြစ်များ

2 Ruodhi 23:29

E ndalo Josia ema ne Farao-neko, ruodh Misri, odhi kedoe gi ruodh Asuria e dho aora Yufrate. Ruoth Josia nodhi Megido kedo kode, to kane girado, Farao nonege.

2 Ruodhi 24:7

Ruodh Misri ne ok owuok kendo e pinye, nimar ruodh Babulon nosemaye pinje duto mane nie bwo lochne, chakre aora manie tong’ Misri nyaka chop aora Yufrate.

Zaburi 27:2

Ka joma richo ma mon koda omonja mondo otieka, to gin ema gichwanyore kendo gipodho.

Eklesiastes 9:11

Gimoro machielo mane achako afwenyo en ni, e pinyni, jong’uech matek ok yomb e ng’uech pile, kendo joma thuondi ok lo lweny pile. Bende pile joma riek ok yud gima gikonyorego, kendo joma nigi paro pile ok bed jomwandu. Joma ong’eyo tich bende pile ok yud duong’ e tich. Kamano hawi marach mako ng’ato ang’ata.

Isaya 8:15

Ji mang’eny biro chwanyore e lwandano, mi gore piny kendo tur. Adier, obadhono biro mako ji mathoth.

Jeremia 1:14

Ruoth Nyasaye nowachona niya, “Masira biro yienyo koa yo nyandwat, mi chop kuom ji duto modak e pinyni.

Jeremia 20:11

To in Ruoth Nyasaye, in koda, itek, kendo iduong’, omiyo joma sanda biro chwanyore, kendo ok ginyal gimoro. Wigi biro kuot malich, nikech ok gibi loyo. Wichkuotgino nosik nyaka chieng’, kendo wich ok nowilgo.

Jeremia 25:9

‘Abiro kelo ogendini duto moa yo nyandwat, kendo abiro kelo jatichna Nebukadnezar ruodh Babulon. Ogendinigo biro kedo gi pinyni kod joma odakie kendo gibiro kedo gi ogendini duto modak machiegni. Abiro tiekogi chuth, mi piny biro dong’ nono malich, mabwogo ji, kendo ma ji chayo. An Ruoth Nyasaye ema awacho kamano.

Jeremia 4:6

Nyisuru ji yo madhi Sayun. Ringuru mondo utony, kik udeki, nikech Ruoth Nyasaye kelo masira kaa nyandwat mabiro ketho piny malich.

Jeremia 46:10

Kawuono en chieng’ Ruoth Nyasaye Manyalo Gik Moko Duto. En chieng’ mochuloe kuor ni wasike. Ligangla biro chamogi mi yieng’, kendo madh rembgi mi mer, nimar kawuono Ruoth Nyasaye Manyalo Gik Moko Duto, timo misango yo nyandwat but aora Yufrate.

Jeremia 46:12

Ogendini osewinjo ni wiu okuot, kendo ywaku opong’o piny. Jolweny gangore kuom jowetegi, kendo giruombore piny giduto.”

Jeremia 46:16

Jolwenju osechwanyore mopodho, kendo moro ka moro wacho ni wadgi niya, ‘Reti wadog dala ir jowa, mondo kik watho e lwet wasigu.’

Jeremia 50:32

Oganda ma jasungani biro chwanyore mi podhi, kendo onge ng’ama nochunge. Abiro wang’o mier mokiewo kode gi mach, mi gik moko duto man e alworane kethre.”

Jeremia 6:1

Un jo-Benjamin, ringuru mondo utony! Ringuru ua Jerusalem! Gouru tung’ e Tekoa, kendo mokuru mach ewi Beth-hakerem mondo onyis ji ni lweny biro, nimar chandruok kod masira maduong’ chiegni biro koa nyandwat.

Daniel 11:19

Enoring mi odog e mier mochiel motegno e pinye owuon, to noloye kuno, mi mano nobed rumbe chuth.

Daniel 11:22

Ogend lweny duto nopiem kode, to enoywegi oko motiekgi pep, koda ka jadolo maduong’ mar Nyasaye.