Jeremia 46:5 - MUMA MALER 2015

⁵ To Ruoth Nyasaye penjo niya, “Koro ang’o ma aneno ka timoreni? Gigore nyang’eng’o. Thuondi oselo, omiyo luoro ohewogi, kendo giringo matek ma ok gigo machiemo.

Motingʼo Loko Manyien

⁵ En angʼo ma aneno? Kihondko ogoyogi, kendo giringo ka gia kar lweny nikech thuondi mag-gi mag lweny oselo. Giringo ka luoro omakogi ma ok gingʼi ngʼegi, kendo gin-gi luoro malich koni gi koni,” Jehova Nyasaye wacho.

Jeremia 46:5 ပူးပေါင်းရင်းမြစ်များ

Chakruok 19:17

Kane gisegologi kamano, ne giwachonigi niya, “Ringuru utony. Kik ugo machiemo kata kik uchung’ kamoro amora e pap nyaka uchop e gode, nikech dipo ka utho.”

Isaya 13:8

Rem bende noneggi mana ka dhako ma muoch kayo. Ng’ato ka ng’ato nong’i wadgi ka kihondko omako, kendo ka neno awedho.

Isaya 19:16

E ndalogo jo-Misri nobed manyap ka mon. Ginibed maluor, kendo ginikirni ka Ruoth Nyasaye Manyalo Gik Moko Duto orieyo lwete kuomgi mondo okumgi.

Isaya 42:17

To joma ogeno mana kuom gik mopa, ma luongo gik maket ka nyisechegi, noyud wichkuot, kendo nodwok chien.

Isaya 5:25

Kuom mano Ruoth Nyasaye okecho gi joge, kendo oserieyo bade kuomgi mogoyogi, mi gode otetni, kendo ringre jogo obimbore e wang’yore ka yugi. To kata kamano mirimbe pok okue, kendo pod okumogi akuma.

Jeremia 20:10

Awinjo ka ji kuodha gi nying’ ma gichaka ni ‘Masira ni kuonde duto,’ kendo giwacho niya, ‘Kwedeuru! Ee, wakwede!’ Kata mana osiepena ma ageno bende gombona mana chwanyruok. Giwacho niya, ‘Dipo ka oyondhe, mi omoko, kendo wachulone kuor.’

Jeremia 46:15

Ere gimomiyo Nyasachu maratego miluongo ni Apis opodho? Ruoth Nyasaye ema osegoye mopodho!

Jeremia 46:21

Jolweny ma jo Misri ondiko, bende omemore mana ka nyiroye mitueyo dala. Ne ok ginyono piny mondo gikedi, to giduto ne giwichore mi giringo, nikech ndalo ming’adonigie bura nosechopo, momiyo masira omakogi.

Jeremia 49:29

Yakuru hembegi kod jambgi kaachiel gi rageng’ni mag hembegi kod gimoro amora muyudo e hembego. Bende peuru ngamia maggi kendo unyisgi ni masira olworogi kuonde duto.

Jeremia 49:5

Abiro kelonu masiche moa koni gi koni kendo uduto ubiro ringo. Ng’ato ka ng’ato noring mondo ores ngimane, kendo onge ng’ama nochak ochok jolweny mau kanyakla

Jeremia 6:25

Ok wahedhre wuok oko, kata bayo e wang’yore, nikech wasikwa oikore ni lweny kuondego, kendo masiche ng’eny koni gi koni.”

Ezekiel 32:10

Gima biro timoreni nobwog ogendini mang’eny, kendo ka amilo ligangla e nyim ruodhigi, to remb ringregi noo. Chieng’ ma ipodhoe, to giduto ginibed ka gitetni, ka giparo ni gin bende gibiro tho.”

Ezekiel 39:18

Adier, ubiro chamo ringre jolweny, kendo ubiro madho remb ruodhi mag piny. Giduto ginibednu ka imbe gi nyirombe gi diek gi ruedhi machwe mag Bashan mitimogo misango.

Nahum 2:8

Nineve koro chalo gi yawo ma pige dwono, nikech jolwenje duto ringo weye. Okoknigi kowacho ni, “Chung’uru!” To onge ng’ama duogo.

Nahum 2:9

Mwandu mag fedha gi dhahabu oyaki, kendo nenore ni ging’eny ma ok rum. Gin mwandu mabeyoe moloyo ma chuny ng’ato nyalo gombo.

Zefania 1:14

Odiechieng’ mang’ongo mar Ruoth Nyasaye chiegni. En odiechieng’ marach, kendo obiro koringo piyopiyo, moloyo jalweny ma jang’wech.