Jeremia 46:27 - MUMA MALER 2015

²⁷ “To un nyikwa Jakobo jatichna, kik ubed maluor. Ee, un jo-Israel kik chunyu parre, nikech abiro resou mi agolu e piny mabor kuma otueueno. Ubiro duogo mi udag gi kue, maonge gima thagou, kendo ng’ato ok nobuogu.

Motingʼo Loko Manyien

²⁷ “Kik iluor; yaye jatichna Jakobo; bende kik ibwogi, yaye Israel. Adiera abiro resi e piny mabor, kaachiel gi nyikwayi e piny mane otergie twech. Jakobo nodhi nyime ka nigi kwe gi dak maonge luoro, kendo onge ngʼama nobwoge.

Jeremia 46:27 ပူးပေါင်းရင်းမြစ်များ

Isaya 14:3

Kamano ka Ruoth Nyasaye ogolo rem gi luoro kod tich misumba malit ma jo-Israel nigo, kendo omiyogi kue

Isaya 43:1

Un jo-Israel ma nyikwa Jakobo, Ruoth Nyasaye mane otimou oganda wacho kama: “Kik ubed maluor nikech asewarou. Aseluongou gi nyingu, omiyo un joga awuon.

Isaya 43:5

An kodu, omiyo kik ubed maluor. Abiro chokou, ka agolou yo wuokchieng’ gi yo podho chieng’, kaachiel gi nyithindu.

Isaya 44:1

“Koro winjauru un jotichna ma nyikwa Jakobo. Chikuru itu un jo-Israel, oganda ma aseyiero.

Isaya 44:2

An Ruoth Nyasaye ma jachuechu, kendo ma jakonyu, mane olosou chakre e ich, awacho kama: Un joka Jakobo jatichna, ma bende aluongo ni jo-Jeshurun, kik ubed maluor,

Jeremia 23:6

E ndalo lochne, jo-Juda nodag gi kue, kendo jo-Israel bende nodag maonge ng’ama chandogi. Ginichak ruodhno ni ‘Ruoth Nyasaye ma resowa.’ ”

Jeremia 29:14

Adier, awacho ni un uyuda, mi anadwoku e pinyu. Anagolu e pinje duto kuonde ma asekeyoue, mi anadwoku e piny mane agoloue, kane amiyo oteru e tuech. An Ruoth Nyasaye ema awacho kamano.

Jeremia 32:37

Kinde moro anachokgi, kagologi e pinje duto ma nobed ka asekeyogie, ka akecho kendo ka mirimba ger, mi aduoggi ka eri mondo gidagie gi kue.

Jeremia 33:16

E ndalogo nores jo-Juda, kendo jo-Jerusalem nodag gi kue. Omiyo ginichak dalagi ni, ‘Ruoth Nyasaye moresowa.’

Jeremia 50:19

Abiro dwoko jo-Israel e pinygi, mi ginichal rombe ma kwayo e lek maber, ka gichamo cham manyak e got Karmel kendo e piny Bashan, kendo ka gichamo gik manyak e piny Efraim gi piny Gilead, mi giyieng’.

Jeremia 51:46

Kuwinjo wach moro marach, kaka wach lweny, kata ni ruoth moro kedo gi wadgi, to kik chunyu parre, kata kik ubed maluor, nikech higa ok kadhi mak weche makamago olandore.

Ezekiel 16:53

Ruoth Nyasaye nochako owacho ni Jerusalem niya, “Abiro miyo Sodom gi Samaria kaachiel gi mier matindo mokiewo kodgi, chak dhi nyime maber. In bende abiro chako amiyo idhi maber.

Ezekiel 36:24

Anagolu e kind ogendini modak e pinje mopogore opogore, mi adwoku e pinyu uwegi.

Ezekiel 39:25

Ruoth Nyasaye nochako owacho niya, “Koro abiro kecho jo-Israel ma nyikwa Jakobo, mi ami gichak gidhi nyime maber, kendo ok nayie nyinga maler kethre.

Amos 9:14

Abiro chako amiyo joga Israel dag e ngima maber. Gibiro gero miechgi mane olokore gundni, mi gidagie, kendo gibiro pidho yiend mzabibu, mi gimadh divai. Gibiro puro puothegi, mi gicham gik manyakie.