Jeremia 46:17 - MUMA MALER 2015

¹⁷ Chakuru Farao ruodh Misri nying manyien ni, ‘Ruodh Sunga,’ nikech en ng’at mane thuolo momiye obayo.

Motingʼo Loko Manyien

¹⁷ E kanyono giniwach ni, ‘Farao ruodh Misri en mana jakoko matek, nikech thuolo mane en-go nobaye.’ ”

Jeremia 46:17 ပူးပေါင်းရင်းမြစ်များ

1 Ruodhi 20:10

Ben-hadad noorone wach kendo niya, “Nyiseche mondo okweda ka ok aduwo Samaria ma kata mana buru modong’ie ok nyal romo joga duto jowo!”

1 Ruodhi 20:11

Ruodh Israel nodwoko ni, “Wachneuru niya, ‘Ng’ama rwako gilweny kik pakre ka ng’ama oselonyogi!’ ”

1 Ruodhi 20:18

Nodwoko ni, “Makgiuru ka gingima, bed ni gibiro gi kue, kata gibiro kedo kodwa.”

Wuok 15:10

To in, a Ruoth Nyasaye, nikudho muya achiel kende, mi nam oimogi, Ne ginimo ka nyinyo e apaka madongo.

Wuok 15:9

Jasikwa nowacho niya, ‘Analawgi, mi ajukgi! Anape mwandugi, kendo anayak gimoro amora ma adwaro. Anawuodh ligangla, kendo anatiekgi gi tekona.’

Eklesiastes 3:1

Gimoro amora ma timore e pinyni timore mana e kinde ma Nyasaye oseketone.

Isaya 31:3

Jo-Misri gin mana ji, to ok gin Nyasaye, bende faresegi gin mana ring’o to ok gin roho. Omiyo ka Ruoth Nyasaye orieyo bade mondo okumgi, to joma ikonyo kaachiel gi joma konyogi, nopodh piny, mi gilal nono giduto.

Ezekiel 29:3

Nyise ni an Ruoth Nyasaye awachone kama: Iwacho ni aora Nael en mari, kendo ni ne ichueri kendi.

Ezekiel 31:18

“Yadhno en ruodh Misri, kaachiel gi ogandane duto. Kuom yien duto mag Eden, onge moro marabora kendo ma mako wang’ moloye. To koro obiro dhi mwalo e Piny Joma Otho mana ka yiend Eden mamoko, mi obed gi joma kia Nyasaye, kod joma ne oneg e lweny. An Ruoth Nyasaye ema awacho kamano.”