Jeremia 46:12 - MUMA MALER 2015

¹² Ogendini osewinjo ni wiu okuot, kendo ywaku opong’o piny. Jolweny gangore kuom jowetegi, kendo giruombore piny giduto.”

Motingʼo Loko Manyien

¹² Ogendini nowinj wichkuot momaki; ywakni nopongʼ piny. Jolweny nochwanyre kuom moro ka moro; giduto ginipodhi kanyakla.”

Jeremia 46:12 ပူးပေါင်းရင်းမြစ်များ

Isaya 10:4

mondo kik gikirni e nyim jotuech, kata kik gipodhi e lwet janek? To kata kamano mirimb Ruoth Nyasaye ok norum, kendo pod nosik kokumou akuma.

Isaya 19:2

Owacho niya, “Abiro thuwo jo-Misri e kindgi giwegi, mi ng’ato ka ng’ato gore gi wadgi. Dala ka dala noked gi dala machielo, kendo gweng’ ka gweng’ bende noked gi wadgi.

Isaya 24:11

Ji noywagre e wang’yore nikech divai nobed maonge. Tuke duto bende norum, kendo mor nobed maonge e piny.

Jeremia 14:2

“Jo-Juda ywak kendo miechgi kethore. Jogi oriere piny kokuyo, kendo jo-Jerusalem ywak mondo okonygi.

Jeremia 2:36

Ere gima omiyo uloko parou ka ok udewo? Jo-Misri mugeno kuomgi ok nokonyu, mana kaka jo-Asuria bende ne ok okonyou.

Jeremia 46:6

Jong’uech ok nyal tony. Gichwanyore kendo gipodho yo nyandwat but aora Yufrate.”

Jeremia 47:2

“Neye kaka pi gingore koa yo nyandwat! Obiro bubni ka aora ma mwomo genge, kendo obiro imo piny duto kod gimoro amora mantie, kaka mier kod joma odakie. Ji biro goyo nduru mondo okonygi, kendo ng’ato ka ng’ato manie piny noywag malit.

Jeremia 48:34

“Jo-Heshbon gi jo-Eleale ywak, kendo ywakgi winjore nyaka Jahaz, jo-Zoar bende winje, kendo owinjore nyaka Horonaim gi Elgath-shelishya, nikech pige mag Nimrim oseduono.

Jeremia 49:21

Ka olo Edom, to koko nogore matek mi piny noyiengni, kendo kokono nowinjre nyaka Nam Makwar.

Jeremia 50:46

Ka olo Babulon, to koko nogore matek, mi piny noyiengni, kendo ogendini mamoko nowinj kokone.”

Jeremia 51:54

“Winjuru ywak man Babulon manyiso ni pinyno okethore!

Nahum 2:5

Ruodh Nineve kok ka golo chik ni jotende. Gichwanyore ka gireto, kendo girikni mondo gidhi gichan jolwenjgi e ohinga.

Zefania 1:10

“Chieng’no, ywak nowinjre e dharangach miluongo ni Dhoranga Rech, kendo e bath dala koma nyien, bende koko maduong’ nogore e gode,

1 Samuel 5:12

Jogo mane ok otho, to buche nokwodo, kendo ywak mar dalano nochopo nyaka e polo.