Jeremia 46:10 - MUMA MALER 2015

¹⁰ Kawuono en chieng’ Ruoth Nyasaye Manyalo Gik Moko Duto. En chieng’ mochuloe kuor ni wasike. Ligangla biro chamogi mi yieng’, kendo madh rembgi mi mer, nimar kawuono Ruoth Nyasaye Manyalo Gik Moko Duto, timo misango yo nyandwat but aora Yufrate.

Motingʼo Loko Manyien

¹⁰ To odiechiengno en mar Ruoth, Jehova Nyasaye Maratego ma en odiechiengʼ, ma ochuloe kuor ni wasike. Ligangla noneki nyaka owinj ni orome, kendo nyaka otiek riyo mare gi remo. Nimar Ruoth, Jehova Nyasaye Maratego, nochiw misango e piny mantie yo nyandwat but Aora Yufrate.

Jeremia 46:10 ပူးပေါင်းရင်းမြစ်များ

2 Ruodhi 24:7

Ruodh Misri ne ok owuok kendo e pinye, nimar ruodh Babulon nosemaye pinje duto mane nie bwo lochne, chakre aora manie tong’ Misri nyaka chop aora Yufrate.

Ayub 24:1

“Ere gima omiyo Nyasaye ok oketo chieng’ ma ing’adoe bura ni joma ong’eye?

Isaya 13:6

Gouru uwi, un jo-Babulon, nimar chieng’ ma Ruoth Nyasaye Manyalo Gik Moko Duto oseketonu koro ochopo machiegni! En odiechieng’ ma abiro keloe masira maduong’ e piny.

Isaya 2:12

Adier, Ruoth Nyasaye Manyalo Gik Moko Duto oseketo chieng, ma noyalie josunga ma kawore, mi oruch e buru.

Isaya 31:8

to noneg jo-Asuria gi ligangla, to ok gi ligangla ma dhano kedogo. Giniring lweny, mi yawuotgi ma jolweny nolok wasumbni.

Isaya 61:2

Bende oseora mondo ahul ni ma e higa ma Ruoth Nyasaye biro guedhoe joge, kod chieng’ ma Nyasachwa biro chuloe kuor.

Isaya 63:4

Ne asechano chieng’ ma achuloe kuor, kendo higa ma aresoe joga osechopo.

Jeremia 12:12

Ji oseng’ado gode mae thim ka gibiro mondo giyeki. To an ema aoro lweny mondo otiek pinyno, ma onge ng’at manyalo dakie gi kue.

Jeremia 46:14

“Landuru wach e miech Misri ma Migdol gi Memfis kod Tapanhes, mondo giikre gisir wasikgi, nimar lweny oseketho kuonde machiegni kodu.

Jeremia 46:2

Noloso kuom Misri, kowuoyo kuom jolweny mag Farao Neko ruodh Misri mane Nebukadnezar ruodh Babulon oloyo Karkemish but aora Yufrate e higa mar ang’wen mar loch Jehoyakim wuod Josia ruodh Juda. Weche gogo e mago:

Jeremia 46:6

Jong’uech ok nyal tony. Gichwanyore kendo gipodho yo nyandwat but aora Yufrate.”

Jeremia 50:15

Gouru sigich lweny e alwora mar dala koni gi koni, nimar jo-Babulon oseting’o badgi ni wasikgi! Ohingane osetuom momukore! An Ruoth Nyasaye koro achulo kuor ni jo-Babulon. Kuom mano, un bende chulnigiuru kuor, kendo utimnigi mana kaka ne gitimo ni ji mamoko.

Jeremia 50:18

Emomiyo an Ruoth Nyasaye Manyalo Gik Moko Duto, ma Nyasach Israel abiro kumo ruoth Nebukadnezar.

Jeremia 51:6

Koro achulom kuor kendo akumo jo-Babulon, to ok onego negu nikech richogi, omiyo ringuru ua kuno, ukwo ngimau.

Ezekiel 21:28

“Wuod dhano, kor wach, kinyiso gima Ruoth Nyasaye owacho kuom jo-Amon, ma yanyo jo-Israelgo. Nyisgi ni ligangla osewuodhi mondo oneki. Oseyweye maler mondo oneki komil ka polo.

Joel 1:15

Chieng’ Ruoth Nyasaye chiegni, chieng’ ma Ng’ama Nyalo Gik Moko Duto keloe masira malich. Chieng’no nobed marach manade!

Joel 2:1

Gouru tung’ kendo gouru uwi e Sayun got maler mar Nyasaye. Jo-Juda duto mondo okirni, nikech chieng’ Ruoth Nyasaye biro machiegni.

Zekaria 6:6

Gari man gi farese maratengeno dhiyo e piny ma yo nyandwat, to mano man gi farese marachere dhiyo e piny ma yo imbo man iye mogik, kendo mano man gi farese marang’eye dhiyo e piny Babulon man yo milambo. To kane farese marang’eye wuok,

Luka 21:22

nimar mago nobed ndalo ma Nyasaye kumoe joge, mondo weche duto mondiki e Muma otimre.

Rapar mar Chik 32:42

Anami asere maga chadhre gi remb joma onegi kod joma omaki. Liganglana nochadh jotend wasigu.