Jeremia 45:5 - MUMA MALER 2015

⁵ Idwaro mondo iyud gik ma dongo dongo, to onego iwe dwarogi, nimar abiro kelo masira ni ji duto e piny. In to, initony kamoro amora midhiye, to ngimani kende ema niresi.’ ”

Motingʼo Loko Manyien

⁵ Bende inyalo dwaro gik madongo ne in owuon? Kik idwargi. Nimar anakel masira ne ji duto, Jehova Nyasaye wacho, to kamoro amora midhiyoe anares ngimani.’ ”

Jeremia 45:5 ပူးပေါင်းရင်းမြစ်များ

Chakruok 6:12

Noneno ni piny duto osenjawni, nikech ji duto nodak e richo.

1 Ruodhi 3:11

omiyo nodwoke niya, “Nikech ikwayo wachni, to ok ikwayo ni mondo idag aming’a, kata mondo iyud mwandu, kata mondo iketh ngima wasiki, to ikwayo mana rieko mar ng’ado bura kare,

1 Ruodhi 3:9

Emomiyo yie imiya chuny mariek, manyalo yango gima ber gi gima rach, mondo ang’adgo ni jogi bura, nikech ere ng’ama dinyal ng’ado bura ni jogi mang’enygi?”

2 Ruodhi 5:26

Elisha nokone niya, “Donge chunya nodhi kodi, kane ng’at cha lor a e gache, duogo romoni? Iparo ni ma e kinde mar kawo fedha, gi lewni, gi puothe mzabibu, gi rombe, gi dhok, kod jotich machwo gi mamon koso?

Zaburi 131:1

A Ruoth Nyasaye, aseweyo ng’ayi, kendo abet mabor gi wang’ teko. Ok adwar chandora gi gik madongo, kata gi weche matek modhiera ng’eyo.

Isaya 66:16

Ruoth Nyasaye noyal buch ji duto gi mach kod ligangla! Kamano joma Ruoth Nyasaye onego nobed mang’eny.

Jeremia 21:9

Ng’ato ang’ata modong’ Jerusalem, lweny kata kech kata tuo noneg, to ng’ato ang’ata modhi ochiwore e lwet jo-Babulon ma koro monjo dalani, ok nonegi. To enores mana ngimane kende.

Jeremia 25:15

Ruoth Nyasaye ma Nyasach Israel nowacho niya, “Ma e kikombe mopong’ gi mirimba. Kawe mondo imi ogendini duto ma aori irgi omadhe.

Jeremia 25:16

Ka gisemadhe, to gibiro kwang’ kendo neko biro makogi nikech lweny ma abiro kelonigi.”

Jeremia 25:26

kaachiel gi ruodhi duto mag pinje man yo nyandwat, kuonde maboyo gi machiegnni duto. Jopinjego duto ne omi omadho kikombeno. Bang’e mogik, ruodh Babulon biro madhe.

Jeremia 25:31

Dwonde winjore e tung’ piny duto, nikech Ruoth Nyasaye yalo ogendini. Ee, oyalo ji duto, kendo ong’ado ni joricho buch tho.’ ”

Jeremia 38:2

ni Ruoth Nyasaye nosewacho niya, “Ng’ato ang’ata ma odong’ Jerusalem, lweny kata kech kata tuoche biro nego. To ng’ato ang’ata modhi ochiwore e lwet jo-Babulon ok nonegi. Enotony to ngimane kende ema noresi.”

Jeremia 39:18

Anariti maber, mi ok nonegi, initony nikech isegeno kuoma to kata kamano, inires mana ngimani kende. An Ruoth Nyasaye ema awacho kamano.”

Zefania 3:8

“Kuom mano an Ruoth Nyasaye, awachonu niya, ‘Ritauru! Adier, rituru chieng’ ma abiro chung’ie ka ayalou, nimar asechano choko ogendini kod dhoudi kanyakla, mondo aol kuomgi mirimba duto maliet ka mach, kendo mabiro wang’o piny duto ma tiek pep.

Jo-Rumi 12:16

Beduru joma winjore, kendo kik ubed joma sungore, to beduru e achiel gi ji duto. Kik ukawru ni uriek.

Jo-Hibrania 13:5

Kik ubed joma ohero pesa, to gik ma un-go ema mondo oromu, nikech Nyasaye owuon osewacho niya, “Ok anaweyi, kata jwang’i ok anajwang’i ngang’.”