Jeremia 44:8 - MUMA MALER 2015

⁸ To mano ema biro timore, kumedo miya mirima gi kido mag nyisecheu manono, kendo kuom timo misengni ni nyiseche mamoko e piny Misri, kama usebiro mondo udagieni. Koso utimo kamano mana ni mondo urum, kendo mondo ogendini duto mae piny ojaru, kendo oluong nyingu ka gima okuong’?

Motingʼo Loko Manyien

⁸ Angʼo momiyo uwangʼo iya gi gik ma lwetu oloso, uwangʼo ubani ne nyiseche manono ei Misri, kama osebiroe mondo udagie? Unutiekru kendu uwegi ka uloso ne un uwegi gigo mag kwongʼ gi ajara e dier ogendini duto manie piny.

Jeremia 44:8 ပူးပေါင်းရင်းမြစ်များ

2 Weche mag Ndalo 7:20

napudh jo-Israel ka buya, mi nagolgi e piny ma namiyogi, kendo Hekalu ma asegwedho mondo nyinga oyudgo duong’ni, naketh mondo olal e wang’a, mi naloke ka ngero, kendo gima ji duto jaro.

Isaya 19:1

Wach mane Nyasaye onyiso fweny kuom Misri e ma: Neuru kaka Ruoth Nyasaye biro piyopiyo e boche polo. Obiro e piny Misri, emomiyo nyiseche manono mag Misri kirni.

Isaya 3:8

Jerusalem nokethre kendo Juda nopodhi nikech gisewuoyo marach kuom Ruoth Nyasaye, bende gisetimone timbe maricho, ka gipiem gi duong’ne mang’ongo.

Isaya 65:15

Ka joga moyier, dwaro kuong’o ng’ato, to giniluong nyingu ka giwacho ni, ‘Ruoth Nyasaye mondo oneg ng’atno, kaka ne onegou.’ Joga to analuong gi nying’ moro nono maber.”

Jeremia 11:12

Bang’e jo-Juda gi joma odak Jerusalem biro dhi ir nyisechegi ma gisebedo ka gitimonigi misengni, mondo okonygi. To nyisechego ok noresgi ka masira obiro.

Jeremia 11:17

“An Ruoth Nyasaye Manyalo gik Moko Duto ema napidho jo-Israel gi jo-Juda kaka ng’ato pidho yath, to koro abiro bwogogi gi masira nikech richo ma gisetimo. Gisekelo gima kama kuomgi giwegi, nikech gimiya mirima kuom timo misengni ni Baal.”

Jeremia 18:16

Giseketho pinygi, modoko gima bwogo ji, kendo ma ji charo nyaka chieng’. Ji duto ma kadho machiegni biro bwok kuom gima gineno, kendo gibiro kino wigi ka giwuoro.

Jeremia 24:9

Abiro kelo kuomgi masira malich ma nomi ogendini duto bed maluor. Ji nobed ka ngerogi, kendo tugo kodgi. Bende ji nochargi, kendo noluong nyinggi ka gima okuong’ kuonde duto ma akeyogie.

Jeremia 26:6

Ka ok uwinjogi, kendo ka pod utamoru timo gik ma awacho, to abiro ketho Hekaluni mana kaka naketho Shilo, kendo ogendini duto noluong nying dalani ka gima okuong’.”

Jeremia 29:18

Abiro chandogi gi lweny gi kech gi tuoche, mi ogendini duto mag piny biro bedo maluor koneno gima otimorenigi. Kamoro amora ma akeyogie, ji nobed kangerogi kendo tugo kodgi. Ginichargi, kendo giniluong nyinggi ka gima okuong’.

Jeremia 32:30

Jo-Israel gi jo-Juda osebet mana ka timo gik ma amon-go, chakre tindogi, kendo gisemiya mirima gi kido manono ma giseloso.

Jeremia 42:18

“Ruoth Nyasaye ma Nyasach Israel wacho niya, ‘Kapo ni udhi e piny Misri, to abiro olo mirimba kuomu, mana kaka ne aolo mirimba kuom jo-Jerusalem. Unulokru gima bwogo ji, kendo ji nobed kajarou, mi giluong nyingu ka gima okuong’. Bende ok nuchak une kaeri kendo.’ ”

Jeremia 44:12

Kata mana jo-Juda modong’ moramo nyaka dhi dag e piny Misri, abiro tieko chuth. Lweny kata kech biro negogi duto e piny Misri. Ginilokre gima bwogo ji, mi ji nojargi, kendo noluong nyinggi ka gima okuong’.

Jeremia 44:3

Ne atimo kamano nikech joma ne odak kuondego ne otimo timbe maricho ka gimiyago mirima. Ne gilamo nyiseche mamoko, ma gin kata un kata mana kwereu ne pok olamo, mi gitimonigi misengni.

Jeremia 44:7

“Kuom mano an Ruoth Nyasaye Manyalo Gik Moko Duto koro apenjou ni, ere gima omiyo uhinyoru uwegi kutimo gima rach kamano? Koso udwaro kelo masira kuom chwo gi mon gi rawere kod nyithindo mayom, ma dimi jou duto rum?

Jeremia 7:9

Ukwelo, unego ji, uteroru, ukuong’oru gi miriambo, utimo lisweche ni Baal, kendo ulamo nyiseche manono ma yande ok ung’eyo.

Ezekiel 33:11

To nyisgi ni an Ruoth Nyasaye akuong’ora ni ok berna ka ng’at ma timbene richo tho, to abedo mamor mana ka oweyo timbene maricho, mobedo mangima. Un jo-Israel, weuru timbeu maricho! Adier, wegiuru! Ere gima omiyo udwaro ni mondo utho!

Ezekiel 9:6

Neguru joma dongo gi joma tindo, chwo gi mon, mine gi nyithindo, to kik umul ng’ato ang’ata man gi kido e lela wang’e. To chakuru timo kamano mana gie Hekalu mara.” Omiyo ne gichako mana gi jodongo mane ochung’ e Hekalu.

Hosea 4:13

Gitimo misengni ewi gode, kendo giwang’o ubani kuonde moting’ore e bwo yien maboyo motimo otiep nikech nitie tipo mang’ich kuondego. Mano emomiyo nyiu tiyo tich chode, to mond yawuotu tiyo tich terruok.

Habakuk 1:16

Bang’e gikulore ni tondegigo kendo giwang’onigi ubani ka giwacho niya, “Magi e nyiseche ma kelonwa mwandu, momiyo wadak maber.”

Rapar mar Chik 32:25

Ligangla noneggi ka gin oko, kendo ka gin ei udi, mi nyithindgi nodong’ kiye, kendo mondgi nodok mond liete. Yawuowi gi nyiri bende notho, kaachiel gi nyithindo mayom, kod jodongo moti.

Jo-Hibrania 3:16

Ng’ano giri mane ong’anyo kane owinjo dwonde? Donge gin jogo duto mane Musa owuokgo Misri?