Jeremia 44:4 - MUMA MALER 2015

⁴ Ne asiko ka aoronu jotichna ma jonabi mondo okweru kik utim gik makuero ma amon-gogo,

Motingʼo Loko Manyien

⁴ Ne asiko ka aoro jotichna ma jonabi, mane giwacho ni, ‘Kik utim gima mononi ma ok ahero!’

Jeremia 44:4 ပူးပေါင်းရင်းမြစ်များ

2 Weche mag Ndalo 36:15

Ruoth Nyasaye ma Nyasach kweregi notimo kinda kooronigi jootene pile nikech nokecho joge, kendo nohero kar dakne.

Nehemia 9:30

Kuom higni mang’eny ning’wononigi, ka Roho mari siemogi gi dho jonabi magi, to ne ok ginyal winjo. Omiyo nichiwogi e lwet jopinje mamoko.

Nehemia 9:34

Ruodhiwa gi jodongwa gi jodolowa kod kwerewa ne ok orito chikni, kata dewo weche mane isiemogigo.

Jeremia 16:18

Abiro miyo gichul nyadiriyo kuom richogi gi timbegi mamono. Gisedwanyo pinya gi nyisechegi maonge gi ngima mana ka ringre joma otho, kendo gisepong’o piny gi nyisechegi mamono gogo.”

Jeremia 26:5

Asetimo kinda ka aoro jotichna ma jonabi mondo owachnu wechena, to ok usedewo gik ma giwacho.

Jeremia 29:19

Mano biro timore nikech ne gitamore winjo wach mane asiko ka aoro jotichna ma jonabi mondo oternigi. An Ruoth Nyasaye ema awacho kamano.

Jeremia 32:33

Giselokona ng’egi, kendo kata obedo ni ne asesiko kapuonjogi, to gidagi winja, bende ok giyie mako puonjna.

Jeremia 32:34

Giseketo kido mag nyisechegi makuero e Hakalu mara, mi gidwanyo,

Jeremia 32:35

kendo gisegero kende-mag-liswa ni Baal e holo Ben-hinom mondo giwang’ie yawuotgi gi nyigi ka liswa ni nyasaye miluongo ni Molek. To ne ok anyisogi mondo gitim kamano, bende ne ok aparo kata matin ni ginyalo timo gima kamano, mi gimi jo-Juda bed joricho.”

Jeremia 35:15

Bende asebedo ka aoronu jotichna ma jonabi, kendo gisekwerou ni mondo uwe timbe maricho, utim gik makare. Ne gisiemou ni uwe lamo nyiseche mamoko mondo udag aming’a e piny mane amiyou gi kwereu. To ne ok unyal winja, kata chiko itu kuom gima awacho.

Jeremia 35:17

Omiyo an Ruoth Nyasaye Manyalo Gik Moko Duto kendo ma Nyasach Israel abiro kelo kuomu un jo-Juda gi jo-Jerusalem masiche duto mane asesiemougo, nikech ne ok unyal winja ka awuoyo kodu, bende ne ok unyal dwoka ka aluongou.”

Jeremia 7:13

To koro usetimo richogo duto! Kata obedo ni ne akawo chandruok, mi aloso kodu, to ne ok udewa, bende kane aluongou, to ne ok uyiena.

Jeremia 7:17

Donge ineno gik ma gitimo e miech Juda kendo e yore mag Jerusalem?

Jeremia 7:18

Nyithindo modo yien, eka wuonegi moko mach, to mon dwalo mogo mondo olosgo kek obed misango ni nyasaye ma dhako ma iluongo ni Ruodh Polo. Bende gitimo ni nyiseche mamoko misengni miolo piny, mondo gichwanyago.

Jeremia 7:25

Chakre chieng’ mane kwereu owuokie Misri nyaka chil kawuono, asekawo chandruok, mi aoronigi jotichna ma jonabi.

Ezekiel 16:36

Awacho kama: Ne ilonyori duk, mi ichiwo ringri ka jachode ni osiepeni, kendo ni nyiseche manono makuero. Bende ne inego nyithindi ka misango ni nyiseche manonogo.

Ezekiel 16:47

Niluwo yoregi, mitimo timbe makuero mane gitimo, to mano ne ok oromi ngang’. Omiyo bang’ kinde matin kende, ne ibedo kitimo gik maricho moloyogi e yore duto.

Ezekiel 18:31

Adier, weuru richo duto ma usebedo ka utimo mondo ubed gi chuny manyien kod paro malong’o. Ere gima omiyo udwaro tho, un jo-Israel?

Ezekiel 8:10

Kuom mano, nadonjo mi aneno ka kor udi ogorie gik mamol kod le mang’eny ma chik okwero, kaachiel gi nyiseche manono mamoko duto mane jo-Israel lamo.

Daniel 9:6

Wasetamore winjo jotichni ma jonabi mane owuoyo e nyingi ni ruodhiwa kendo ni jotendwa gi kwerewa kod oganda duto.

Zekaria 7:7

Donge mano e gima namiyo jonabi machon ohulo e kinde mane kue nitie kendo ji opong’o Jerusalem gi mier mane olwore koni gi koni, kaachiel gi piny ma yo milambo kod piny pap?”

1 Petro 4:3

E ndalo mosekadho, ne un gi kinde malach moromou timo gik ma joma ok oyie dwaro. Ne utimo timbe maricho, kaka owruok, gi gombo, gi mer, gi dwanyruok, gi metho mag anjawo, kod lamo nyiseche manono, ma en gima Chik okwero.