Jeremia 44:2 - MUMA MALER 2015

² “Un uwegi useneno masira mane akelo kuom Jerusalem gi mier mamoko mag Juda. Bende kata sani pod gikethore, ma onge ng’ama odakie.

Motingʼo Loko Manyien

² “Ma e gima Jehova Nyasaye Maratego, ma Nyasach Israel, wacho: Ne ineno masira malich mane akelo kuom Jerusalem kod kuom dala duto mag Juda. Kawuono gidongʼ gunda kendo okethgi,

Jeremia 44:2 ပူးပေါင်းရင်းမြစ်များ

2 Ruodhi 21:13

Abiro pimo Jerusalem gi tol mane apimogo Samaria, kendo gi rapim mane apimogo dhood Ahab. Abiro nang’o Jerusalem mapoth, mana kaka kungu nang’o puodho.

Wuok 19:4

‘Nuneno gima natimo ni jo-Misri, kendo kaka nakelou ira, ka ating’ou kaka ongo ting’o nyithinde e bwombe.

Isaya 24:12

Dalano nodong’ mana gunda, kendo dhorangach notur matindotindo.

Isaya 6:11

Bang’e ne apenjo niya, “Yaye Ruoth Nyasaye, gima kamano biro timore nyaka karang’o?” Eka nodwoka niya, “Mano biro timore nyaka mier lokre gundni, mi udi dong’ nono, ma onge ng’ama odakie, kendo piny kethre chuth,

Jeremia 25:11

Pinyni duto biro dong’ nono, kendo nobed gima lich mabwogo ji. Ogendini duto nobed ka tiyo ni ruodh Babulon kuom higni piero abiriyo.

Jeremia 34:22

Adier, abiro golo chik, mi jo-Babulon-go biro duogo monjo dalani mi gikaw, kendo giwang’ pep. Abiro ketho miech Juda, mi lokre thim maonge ng’ama dakie. An Ruoth Nyasaye ema awacho kamano.”

Jeremia 4:7

Jaketh ogendini osewuok oko ka sibuor mowuok e gonde. Osewuok kama odakie mondo obi oketh pinyu. Miech Juda nodong’ gundni ma onge ng’ama odakie.

Jeremia 44:22

Kata mana sani, pinyu okethore maonge ng’ama odakie. Oselokore gima bwogo ji, kendo giluongo nyinge ka gima okuong’, nikech Ruoth Nyasaye ne ok nyal weyo mak okumou kuom timbeu maricho.

Jeremia 44:23

Masirano nobiro kuomu kaka uneno kawuononi nimar ne utimo misengni ni nyiseche mamoko, mi utimo timbe maricho e nyim Ruoth Nyasaye. Ne ok uwinje, kata puonjne bende ne ok uluwo.”

Jeremia 7:34

Anatiek mor gi ilo duto e miech Juda, kendo e wang’ yore man Jerusalem, ma kata mana dwond miaha gi chwore ok nowinji, nikech noyud ka piny oselokore thim.

Jeremia 8:3

Ji duto motony e oganda marachni, mi odak kuonde duto ma asekeyogie, nogomb mana tho kar bedo mangima. An Ruoth Nyasaye Manyalo Gik moko Duto ema awacho kamano.”

Jeremia 9:11

Ruoth Nyasaye owacho niya, “Abiro loko miech Jerusalem gundni kama ondiegi ema odakie, kendo miech Juda abiro loko thim.”

Ywagruok 1:1

Mano kaka dala Sayun mane ji ng’enyie tinde odong’ nono! Chon ogendini ne kwane ka dala maduong’, to koro osedong’ mana ka chi liel. Adier, chon ne en ruodh mier duto, to tinde ochalo mana ng’ama tiyo tich misumba.

Ywagruok 1:16

Mano emomiyo aywak ka pi wang’a ridore e lemba, nimar ng’at ma dikue chunya mi konya, ni kuma bor. Yawuota odhier nono, nikech wasika oselocho.”

Ywagruok 5:18

nikech got Sayun osejwang’, mi ondiegi ema bayoe.

Daniel 9:12

Ne ichopo mana gik moko mane iwacho ni nitimnwa kaachiel gi jotendwa, nimar ne ikumo Jerusalem malich moloyo dala moro amora e piny.

Tim jo-Lawi 26:31

Analok miechu gundni, mi anaketh kuondeu mag lemo, kendo ok anayie ng’weyo tik misengni mau madum mamit.

Tim jo-Lawi 26:43

Piny nodong’ gunda ka joma odakie oseaye, kendo nonind ma ok opure mondo ochul sabato duto mane ok oyueyoe. Giniyud kum kuom richogi nimar ne gichayo chikena, kendo gidagi luwogi.

Mika 3:12

Gik mutimo ma kamagogo biro miyo ipuro Sayun ka puodho, mi Jerusalem lokre gunda, kendo god Hekalu lokre bungu.

Zekaria 1:6

To donge wechena gi chikena mane amiyo jotichna ma jonabi mondo osiemgo kwereu ne otimore, mi masira omakogi? Koso donge ne gilokore mi giweyo timbegi maricho, ka giwacho niya, ‘Ruoth Nyasaye Manyalo Gik Moko Duto osetimonwa kaka nochano. Adier, osetimonwa mana maromre gi timbewa.’ ”

Rapar mar Chik 29:2

Musa noluongo jo-Israel duto, mowachonigi niya, “Ne uneno gi wang’u gik moko duto mane Ruoth Nyasaye otimo e piny Misri ni Farao gi jodonge kod pinye duto.

Joshua 23:3

to useneno gik moko duto ma Ruoth Nyasaye ma Nyasachu osetimo ni ogendini duto, nikech oherou. En ema osebedo kokedonu.