Jeremia 44:19 - MUMA MALER 2015

¹⁹ Eka mon bende nowacho niya, “Kane waloso kek e kido machal gi ruoth madhako mar polo, kendo wachiwone misengni miolo piny, to chwowa ne oyie gi gima ne watimono.”

Motingʼo Loko Manyien

¹⁹ Mon-go nomedo wacho niya, “Kane wawangʼo ubani ne Ruoth ma Dhako mar Polo kendo chiwone misango miolo piny, donge chwowa nongʼeyo nine waloso kek machalo gi kite kendo wachiwone misango miolo piny?”

Jeremia 44:19 ပူးပေါင်းရင်းမြစ်များ

Chakruok 3:6

Dhako noneno ni olemb yadhno ber chamo, kendo lombo wang’, mi noparo kaka onyalo miyo ng’ato doko mariek. Kuom mano, nopono olembe moko mochamo. Chwore bende nomiyo moko, mochamo.

1 Ruodhi 21:25

Onge ng’at mane ochiwore mar timo gik ma Ruoth Nyasaye okwero kaka Ahab, mane Jezebel chiege chwalo.

2 Weche mag Ndalo 21:6

Noluwo timbe ruodhi Israel kaka jodhood Ahab notimo, nimar nokendo jodhood Ahab. Timbene ne richo e nyim Ruoth Nyasaye.

Ngeche 11:21

Bed king’eyo ni joricho noyud kum. Joma kare to notony.

Jeremia 44:15

Bang’ wechego, ji duto mane ong’eyo ni mondgi timo misengni ni nyiseche mamoko, kaachiel gi mon mane oyudo ochung’ kanyo, kod jo-Juda mane oyudo odak e gweng’ Misri ma milambo, duto oganda maduong’ koriwore, nowacho ni Jeremia niya,

Jeremia 44:20

Bang’e Jeremia nowacho ni ji duto ma chwo gi mamon mane osedwoke kamano niya,

Jeremia 7:18

Nyithindo modo yien, eka wuonegi moko mach, to mon dwalo mogo mondo olosgo kek obed misango ni nyasaye ma dhako ma iluongo ni Ruodh Polo. Bende gitimo ni nyiseche mamoko misengni miolo piny, mondo gichwanyago.

Kwan 30:12

To ka chwore odagi kuong’ruokgo ratiro kowinjogi, to onge gimoro amora mane chiege owacho ma nomake, bed ni en kuong’ruok kata singruok. Chwore osekethogi, omiyo Ruoth Nyasaye nowene.

Kwan 30:8

To ka chwore odagi kuong’ruokno chieng’ mowinjoe wach mi oketho kuong’ruok, to kuong’ruokno ok nyal mako dhakono, to Ruoth Nyasaye nowene.