Jeremia 44:17 - MUMA MALER 2015

¹⁷ Wabiro timo gik moko duto ma wasesingore ni watimo. Wabiro timo misengni ni nyasaye madhako miluongo ni Ruodh Polo, kendo wabiro chiwone misengni miolo piny, mana kaka wan gi kwerewa gi ruodhwa kod jotendwa ne watimo e miech Juda kendo e yore mag Jerusalem. E ndalono ne wan gi chiemo mogundho, kendo ne wadhi nyime maber maonge chandruok moro.

Motingʼo Loko Manyien

¹⁷ Adier wanatim gik moko duto mane wawacho ni wanatim: Wanawangʼ ubani ne Ruoth ma Dhako mar Polo kendo wanamiye misango miolo piny mana kaka wan kod wuonewa, ruodhiwa kod jotendwa notimo e dala mag Juda kod yore mag Jerusalem. E kindeno ne wan gi chiemo mathoth kendo ne wamewo kendo ne onge hinyruok moro amora kuomwa.

Jeremia 44:17 ပူးပေါင်းရင်းမြစ်များ

2 Ruodhi 17:16

Ne giweyo chike duto mag Ruoth Nyasaye ma Nyasachgi, ka gilenyo mula mi gilosgo nyiroye ariyo mondo gilam, kendo ka gichungo siro milamo. Bende ne gilamo sulue duto, kendo ne gitiyo ni Baal.

2 Ruodhi 22:17

Ne gikwinya gi timbegi ka giweya, kendo ka giwang’o ubani ni nyiseche manono. Emomiyo mirimba nobed mager kuom pinyni, kendo ok norum.’

2 Weche mag Ndalo 28:23

nikech notimo liswa ni nyiseche mag jo-Damaski mane oyudo oseloye. Nowacho niya, “Abiro golo liswa ni nyiseche mag ruodhi Aram, mondo okonya kaka ne gikonyo ruodh Aram.” To ne gimiyo othirno kaachiel gi jo-Juda duto.

Nehemia 9:34

Ruodhiwa gi jodongwa gi jodolowa kod kwerewa ne ok orito chikni, kata dewo weche mane isiemogigo.

Zaburi 106:6

Wasetimo richo kaka kwerewa notimo. Adier, wasebedo joricho ma timbegi mono.

Zaburi 12:4

Giwacho niya, “Wabiro loso kaka wan ema wahero, kendo onge ng’ama nyalo nyisowa gima onego wawachi?”

Wuok 16:3

ka giwacho niya, “Mad ne Ruoth Nyasaye negwa e piny Misri, kuma ne wanyalo betie piny gi tap ring’o e nyimwa, mwachiem mana kaka wadwaro. To koro usekelowa e thimni mondo kech onegwa waduto!”

Isaya 48:5

Mano emomiyo ne ahulonu gigo chon, ka anyisou kapok moro otimore, nikech dipo ka ng’ato kuomu owacho niya, “Nyasacha mane aloso gi chuma ema ne omiyo gitimore.”

Jeremia 1:16

Mano e kaka abiro kumo joma oseketho, moweya kendo owang’o misengni ni nyiseche mamoko, ka gilamo gik ma giloso giwegi.

Jeremia 11:12

Bang’e jo-Juda gi joma odak Jerusalem biro dhi ir nyisechegi ma gisebedo ka gitimonigi misengni, mondo okonygi. To nyisechego ok noresgi ka masira obiro.

Jeremia 18:15

To joga wigi osewil koda, kendo giwang’o ubani ni kido manono. Gisechwanyore mi giweyo wang’yo ma onego giluw, mi koro ok giluw yore machon, to giwuotho e yore mogondore ma ok opa.

Jeremia 19:13

Naketh udi mag Jerusalem gi ut ruodhi Juda, to moloyo udi duto ma osewang’ ubani ewi tetgi ni sulue, kendo ma osepukie lisweche miolo piny ni nyiseche mamoko, mi ginibed mogak mana ka Tofeth.”

Jeremia 44:21

“Uparo ni Ruoth Nyasaye ne ok ong’eyo wach misengni ma un gi kwereu kod ruodhiu gi jotendu kaachiel gi jopinyu duto ne utimo e miech Juda kendo e yore mag Jerusalem? Koso uparo ni wiye osewil kodgi?

Jeremia 44:25

‘Un kaachiel gi mondu, usetimo singruok ni ruoth madhako mar polo. To mano ber! Chopuru achopa singruokugo, kendo timuru atima gik ma usekuong’oru ni ubiro timo!

Jeremia 44:9

To bende wiu diwil gi gik maricho duto ma kwereu kaachiel gi ruodhi mag Juda gi mondgi kod un gi mondu usetimo e miech Juda kendo e yore mag Jerusalem adier?

Jeremia 7:17

Donge ineno gik ma gitimo e miech Juda kendo e yore mag Jerusalem?

Jeremia 7:18

Nyithindo modo yien, eka wuonegi moko mach, to mon dwalo mogo mondo olosgo kek obed misango ni nyasaye ma dhako ma iluongo ni Ruodh Polo. Bende gitimo ni nyiseche mamoko misengni miolo piny, mondo gichwanyago.

Ezekiel 20:32

Uparo ni ubiro bedo machal gi ogendini modak e pinje mamoko, malamo yien gi lwendni, to akwerou ni mano ok timre.

Ezekiel 20:8

“To ne gipiem koda, mi gitamore winja. Ne ok giwito nyiseche modwanyore mag Misri, kata weyo lamogi ne ok giweyo. Kuom mano, ne achano mondo atiekgi gi mirimba mager e piny Misri kuno.

Ezekiel 23:41

Ne gibet e kitanda molos maber, kendo mesa mopedh malich ne nie nyimgi. Ne gikawo ubani kod mor zeituni ma an ema ne asemiyogi, mi giketo ewi mesano.

Ezekiel 8:16

Eka ne otera e laru maiye mar Hekalu, kuma ne nitie ji piero ariyo gabich but dhoranga Hekalu, e kind kendo-mar-misango gi kama ikadhoe. Ne giseloko dieng’egi ni Kama Ler, ka gikulore koma ochomo yo wuok chieng’, kendo gilamo chieng’ mawuok gokinyi.

Habakuk 1:16

Bang’e gikulore ni tondegigo kendo giwang’onigi ubani ka giwacho niya, “Magi e nyiseche ma kelonwa mwandu, momiyo wadak maber.”

Kwan 30:12

To ka chwore odagi kuong’ruokgo ratiro kowinjogi, to onge gimoro amora mane chiege owacho ma nomake, bed ni en kuong’ruok kata singruok. Chwore osekethogi, omiyo Ruoth Nyasaye nowene.

Kwan 30:2

“Ruoth Nyasaye ochiko kama: Ka ng’ato osingore ni Ruoth Nyasaye kata okuong’orene, to kik olokre. Gimoro amora mowacho gi dhoge, to nyaka otim.

Mariko 6:26

Kane ruoth owinjo wachno chunye nodoko malit ahinya, to ne ok onyal tame, nikech kuong’ruok mane osekuong’orego e nyim wende.

Rapar mar Chik 23:23

to kikuong’ori ni Ruoth Nyasaye ma Nyasachu kuom heroni iwuon, to nyaka irit kendo ichop gima iwachono.

Jo-Filipi 3:19

To notiekgi e giko, nimar igi e nyisechegi, kendo gisungore mana ni gik makelonigi wichkuot, bende giparo mana weche mag pinyni.

1 Petro 1:18

Ung’eyo ni kane owaru kuom timbeu manono mane uyudo kuom kwereu, to ne ok owaru gi gik matow kaka fedha kata dhahabu,

Jong’ad Bura 11:36

Nyare nowachone niya, “Ka isekuong’ori ni Ruoth Nyasaye kamano, to timna atima gima niwacho ni nitim, nikech Ruoth Nyasaye osemiyo ichulo kuor ni jo-Amon ma wasiki.”