Jeremia 44:16 - MUMA MALER 2015

¹⁶ “Wadagi winjo gima isewachonwa e nyim Ruoth Nyasaye.

Motingʼo Loko Manyien

¹⁶ “Ok wanawinj wach miwachonwa e nying Jehova Nyasaye!

Jeremia 44:16 ပူးပေါင်းရင်းမြစ်များ

Zaburi 2:3

Giwacho niya, “Wachoduru nyororo motuewago, kendo wawit lochgi kucho.”

Wuok 5:2

To Farao nodwokogi niya, “Ruoth Nyasaye to en ng’a, ma dawinj wachne, mi awe jo-Israel dhi? Akia Ruoth Nyasaye, bende ok nawe jo-Israel odhi!”

Ngeche 1:24

Asebedo ka aluongou ni mondo ubi, to ok usewinja ngang’, bende ok usedewa!

Isaya 3:9

Wang’gi ema nyiso ni gin joricho, kendo gihulo richogi ahula ma ok gipando, mana ka jo-Sodom. Yaye, mano kaka ginine masira, nikech giniyud pok mowinjore gi timbegi maricho.

Jeremia 11:10

Gisedok e richo kweregi mane otamore timo gima ne awacho, nikech gisebedo ka gilamo nyiseche manono. Jo-Israel gi jo-Juda oseketho singruok mane atimo gi kweregi.

Jeremia 11:8

To ne gitamore winjo kata dewo. Kar timo kamano to ng’ato ka ng’ato nosiko ka timo timbene mag wich teko. Ne oyudo ka osechikogi mondo girit singruokno, to ne gidagi. Mano emomiyo nakelonigi kum duto mane singruokno oting’o.”

Jeremia 13:10

Oganda marachni osetamore winjo wachna, mi gisebedo joma wigi tek, kendo ma timbegi richo. Giselamo nyiseche mamoko, kendo gitiyonigi. Kuom mano gibiro chalo mana gi law ma koro onge tichni.

Jeremia 18:18

Bang’ mano ji nowacho niya “Wang’aduru rieko mondo wanyal Jeremia. Pod nobedie abeda jodolo manyalo telonwa, gi joma riek manyalo ng’adonwa rieko, kod jonabi manyalo nyisowa wach Nyasaye. Biuru wahangne wach, kendo wawe dewo gima owacho.”

Jeremia 38:4

Kane jodongogo owinjo wechego, ne ginyiso ruoth niya, “Ng’atni nyaka negi, nikech kowuoyo kama, to onyoso chuny jolweny kaachiel gi jomoko duto modong’ e dala ka. Emomiyo waneno ni ng’atni ok dwar konyo ji, to odwaro mana ni mondo giyud chandruok.”

Jeremia 42:13

Jeremia nomedo wachonigi niya, “Un joma odong’ e piny Juda, kik udagi winjo wach Ruoth Nyasaye ma Nyasachu, mi utamru dak e pinyni.

Jeremia 43:2

Azaria wuod Hoshaya kod Johanan wuod Karea, kaachiel gi ji mamoko duto ma wigi tek, ne jowacho ni Jeremia niya, “Iriambo! Ruoth Nyasachwa ok oseori mondo ikwerwa ni kik wadhi wadag Misri.

Jeremia 44:24

Jeremia nochako onyiso ji duto, kaachiel gi mon niya, “Ruoth Nyasaye Manyalo Gik Moko duto, kendo ma Nyasach Israel owacho ni jo-Juda modak Misri kama:

Jeremia 44:25

‘Un kaachiel gi mondu, usetimo singruok ni ruoth madhako mar polo. To mano ber! Chopuru achopa singruokugo, kendo timuru atima gik ma usekuong’oru ni ubiro timo!

Jeremia 6:16

Ruoth Nyasaye wacho ni joge niya, “Chung’uru e akek yo, mondo urang wang’yore machon, kupenjo kuma yo maber nitie. Wuothuru e wang’yorno, mi unuyud kue.” To gidwoko niya, “Ok wanawuothi e wang’yorno.”

Jeremia 8:12

Bende uparo ni wigi okuot nikech timbe makuero mane gitimogo koso? Ooyo, wigi ok okuot kata matin, bende gionge gi wichkuot. Kuom mano, gibiro podho kaka ji mamoko osepodho, kendo ka akumogi to ginirum. An Ruoth Nyasaye ema awacho kamano.

Jeremia 8:6

Ne achiko ita mondo awinj wechegi, to ne ok giwacho adiera kata achiel. Onge kata ng’at achiel kuomgi moseloko chunye kuom timbegi maricho, kata moseywagore kuom richo mosetimo. Ng’ato ka ng’ato mwomore e timbene, mana ka faras lweny mochodo kochiko wasigu.

Daniel 3:15

Koro sani ka uwinjo tung’ gi thum nyatiti gi asili kod thumbe mamoko ka ywak, to nyaka ukulru piny kendo ulam kidono. To kudagi timo kamano, to ibiro witu e mach makakni, piyopiyo ma ok odeko. Koso uparo ni nitie Nyasaye moro manyalo resou?”

Luka 19:14

To jothurgi ng’atno ne osin kode, omiyo ne gioro joote kuma ne odhiyeno gi wach ni, ‘Ok wadwar mondo jalo obed ruodhwa.’

Luka 19:27

To wasika mane ok dwar ni mondo abed ruodhgi to keluru ka mondo uneg mana ka aneno.’ ”

1 Samuel 8:19

Kata kamano, ji nodagi winjo dwond Samuel, mi ne giwachone niya, “Ooyo, nyaka wabed gi ruoth ma ritowa,