Jeremia 44:10 - MUMA MALER 2015

¹⁰ To pok uboloru kata mana nyaka chil kawuono, kendo ok useluora kata rito chikena gi buchena mane amiyou gi kwereu.

Motingʼo Loko Manyien

¹⁰ Nyaka chil kawuono pod ok gibolore kata chiwo luor, bende pod ok girito chikena gi buchena mane amiyou kaachiel gi wuoneu.

Jeremia 44:10 ပူးပေါင်းရင်းမြစ်များ

1 Ruodhi 21:29

“Bende ineno kaka Ahab odembore e nyima? Ok abi kelo masira e ndalone, nikech osebedo modembore e nyima kamano, to abiro kelo masira e ode mana e ndalo wuode.”

2 Ruodhi 22:19

‘Kane iwinjo wechena mane awacho kuom pinyni kod joma odakie, ni ginibed joma okuong’ kendo okwedi, chunyi ne yom, kendo odembore, miyiecho lepi kendo iywak e nyima. Emomiyo an bende asewinjo ywakni.

2 Weche mag Ndalo 32:26

To Hezekia nobolore moweyo sunga. Jo-Jerusalem bende notimo kamano. Omiyo Ruoth Nyasaye ne ok osandogi e ndalo duto mag Hezekia.

2 Weche mag Ndalo 33:12

Koro kane en e thagruok, nohombo Ruoth Nyasaye ma Nyasache mondo ong’wonne.

2 Weche mag Ndalo 33:19

To lemone, kendo kaka Nyasaye nowinjo kwayone, kaachiel gi kethone gi richone duto, kod kuonde mane ogeroe hembko moketoe sirni milamo gi kido mag nyiseche manono, kane pok chunye olokore modembore kuom Ruoth Nyasaye, ondiki e Kitap Weche mag Ndalo mag Jonen.

2 Weche mag Ndalo 34:27

‘Asewinji nikech kane iwinjo wechena mane awacho kuom pinyni kod joma odakie, chunyi ne yom kendo odembore, miyiecho lepi, kendo iywak e nyima.

Zaburi 34:18

Ruoth Nyasaye chiegni gi joma chunygi onyosore, kendo owaro joma chunygi osea chuth.

Zaburi 51:17

A Nyasaye, misango midwaro en chuny mobolore, nikech ok nidagi chuny motur kendo mojok gi richo.

Zaburi 78:10

Ne ok girito singruok mane gisetimo gi Nyasaye. Kamano ne gitamore rito chikene.

Wuok 10:3

Kuom mano Musa gi Harun nodhi ir Farao, mowachone niya, “Ruoth Nyasaye ma Nyasach jo-Hibrania owacho kama: ‘Pod ibiro dagi bolori e nyima nyaka kar ang’o? We joga oa mondo odhi olama.

Wuok 9:17

To kaka pod ithago joga, kendo ok iyienigi mondo gia,

Wuok 9:30

To ang’eyo ni in kaachiel gi jodongi pod ok uluoro Ruoth Nyasaye.”

Ngeche 14:16

Ng’at mariek tang’, kendo loko dieng’eye ni richo. Ng’ama ofuwo to mwomore amwoma nikech ok oluoro gimoro.

Ngeche 16:6

Bed gi luor kod adiera, eka Ruoth Nyasaye noweni richoni.

Ngeche 28:14

Ng’at ma pile oluoro Ruoth Nyasaye en jahawi. Ng’ama wiye tek to masira mako.

Ngeche 8:13

Luoro Ruoth Nyasaye en bedo mamon gi richo. An amon gi sunga kod wang’teko, kaachiel gi timbe mamono kod weche mag miriambo.

Isaya 42:24

En ng’a, mane ochiwo jo-Israel ma nyikwa Jakobo e lwet joyeko? Donge en Ruoth Nyasaye? Ne giketho e nyime, mi gitamore luwo yorene, kendo gidagi rito chikne.

Isaya 57:15

Ng’ama Duong’ Moloyo, ma nyinge Ng’ama Ler, kendo mosiko nyaka chieng’ wacho kama: “Adak kama ler kendo man malo, gi joma chunygi obolore kendo muol, mondo aduog chuny joma muol, kendo ajiw teko mar joma obolore.

Isaya 66:2

Gigi duto an ema achueyo, kendo an e wuon-gi. An Ruoth Nyasaye ema awacho kamano. Ng’at ma abiro konyo en ng’at mamuol, ma chunye otur, kendo ma tetni kowinjo wachna.

Jeremia 10:7

A Ruodh ogendini duto, ere ng’ama ok diluori, nikech in iwinjori gi luor. Kuom jorieko duto mag ogendini, kata kuom ruodhigi duto, onge ng’ato maromo kodi.

Jeremia 26:4

“Iniwachnigi ni, An Ruoth Nyasaye asewacho ni nyaka uluora, kuluwo chike mane anyisou.

Jeremia 32:23

To kane gidonjo e pinyni, mi gidakie, ne ok girito chikeni, bende ne ok giluori. Ne ok gitimo gimoro amora mane isechikogi mondo gitim. Mano emomiyo ne ikelo masirani duto kuomgi.

Jeremia 36:24

To ruoth, kata ng’ato ang’ata kuom jodonge ne ok obedo maluor, kata yiecho lepgi ma dinyis ni giloko chunygi.

Jeremia 44:23

Masirano nobiro kuomu kaka uneno kawuononi nimar ne utimo misengni ni nyiseche mamoko, mi utimo timbe maricho e nyim Ruoth Nyasaye. Ne ok uwinje, kata puonjne bende ne ok uluwo.”

Jeremia 5:3

Donge adiera ema Ruoth Nyasaye dwaro? Ne ogoyou piny, to ne ok udewo. Ne osandou malit, to ne utamoru winjo puonjne. Wiu tek ka lwanda, kendo udagi duogo ire,

Jeremia 6:15

Bende uparo ni wigi nokuot nikech gik makuero mane gitimogo koso? Ooyo, wigi ne ok okuot kata matin, to bende gionge gi wichkuot! Kuom mano, ginipodhi kaka jomoko osepodho, kendo ka akumogi to ginirum. An Ruoth Nyasaye ema awacho kamano.”

Jeremia 8:12

Bende uparo ni wigi okuot nikech timbe makuero mane gitimogo koso? Ooyo, wigi ok okuot kata matin, bende gionge gi wichkuot. Kuom mano, gibiro podho kaka ji mamoko osepodho, kendo ka akumogi to ginirum. An Ruoth Nyasaye ema awacho kamano.

Ezekiel 9:4

mowachone niya, “Dhiyo, iwuothi e Jerusalem duto, iket kido e lela wang’ ng’ato ka ng’ato ma chunye lit kendo maywagore nikech gik moko duto makuero matimore e dalani.”

Malaki 4:2

To un joma oluoro nyinga tekona nopilre kuomu ka wang’chieng’ ma kelo ler, mi noresu, kendo ler mare nobed gima changou. Unubed joma ni thuolo kendo mail ka nyiroye moyawnigi abila.

Mathayo 27:54

Kane jaduong’ lweny kod joma ne konye rito Yesu oneno kaka piny yiengni, kendo kaka gik moko timore, ne gibedo maluor ahinya, mi giwacho niya, “Adier, ng’atni ne en Wuod Nyasaye!”

Luka 23:40

To ng’at machielo nokwero jalo ni, “Ok iluoro kata mana Nyasaye? Donge ineno ka wanie kum achiel kode?

Jo-Rumi 11:20

to ne ong’adgi oko nikech ne ok giyie, to un koro usiko asika kuom yath nikech uyie. To mano kik mi usungru, to beduru gi luoro e nyim Nyasaye.

1 Petro 5:6

Omiyo beduru mamuol e bwo bad Nyasaye man gi teko, mondo obi oting’u malo e ndalo mowinjore.

Fweny 15:4

A Ruoth, en ng’ano ma ok nyal luori, kata ma ok nyal miyo nyingi duong’? In kendi ema iler! Ogendini duto nobi, mi kulre e nyimi, nikech timbeni makare osenenore ratiro.”