Jeremia 44:1 - MUMA MALER 2015

¹ Ruoth Nyasaye Manyalo Gik Moko duto kendo ma Nyasach Israel nowuoyo ni Jeremia kuom jo-Yahudi mane oyudo odak e miech Misri ma Migdol gi Tapanhes kod Memfis, kendo e gweng’ milambo mar pinyno, kowacho niya,

Motingʼo Loko Manyien

¹ Wachni nobiro ne Jeremia kuom jo-Yahudi modak Misri Mamwalo man Migdol, Tapanhes gi Memfis kod Misri Mamalo:

Jeremia 44:1 ပူးပေါင်းရင်းမြစ်များ

Chakruok 10:14

gi jo-Pathrus gi jo-Kaslu kod jo-Kaftor ma jo-Filistia nowuok kuomgi.

Wuok 14:2

“Nyis jo-Israel mondo odog obwor e nyim Pihahiroth, e kind Migdol gi nam, yo wuok chieng’ mar Baal-zefon. Bworuru e dho nam, kama omanyore gi dalano.

Isaya 11:11

E kindego, Ruoth Nyasaye norie bade mondo odwok joge manok modong’ mapod Asuria gi Misri ma nyandwat kod ma milambo gi ma Ethiopia gi Elam, gi Babulon gi Hamath, kod mag pinje manie dhonam.

Isaya 19:13

Jotend Zoan ofuwo adier, kendo jodong Nof paro e chunygi giwegi ni giriek, to ok giriek. Kamano jotend dhout Misri osewito jogi.

Jeremia 2:16

Ee, jo-Memfis gi jo-Tapanes josetoyo pat wi jo-Israel.

Jeremia 24:8

“To Zedekia ruodh Juda gi jodonge kod jo-Jerusalem mamoko duto mosedong’ kae, kata mosedhi Misri, abiro kwano mana ka ng’owo maricho ma ok nyal chamgo!

Jeremia 43:13

Obiro turo sirni milamo man Heliopolis e piny Misri, kendo obiro wang’o hekalu mag nyiseche jo-Misri.’ ”

Jeremia 44:15

Bang’ wechego, ji duto mane ong’eyo ni mondgi timo misengni ni nyiseche mamoko, kaachiel gi mon mane oyudo ochung’ kanyo, kod jo-Juda mane oyudo odak e gweng’ Misri ma milambo, duto oganda maduong’ koriwore, nowacho ni Jeremia niya,

Jeremia 46:14

“Landuru wach e miech Misri ma Migdol gi Memfis kod Tapanhes, mondo giikre gisir wasikgi, nimar lweny oseketho kuonde machiegni kodu.

Jeremia 46:19

“Un jo-Misri, ikreuru mondo oteru e tuech! Memfis ibiro loko gunda, mi nobed thim ma onge ng’ama odakie.

Ezekiel 29:10

omiyo an jasiki, kendo amon gi Naelni nogo. Bende abiro miyo piny Misri duto doko piny mokethore kendo modong’ nono, chakre dala mar Migdol yo nyandwat, nyaka dala mar Saiyene yo milambo, kendo nyaka tong’ Ethiopia.

Ezekiel 29:14

mi anami gidag e piny Misri ma milambo, kuma ne giaye. Ginibed oganda mayomyomie moloyo ogendini mamoko duto,

Ezekiel 30:13

Ruoth Nyasaye wacho niya, “Abiro tieko nyiseche manono man Memfis, mi onge ng’ato ma nochak obed ruodh Misri kendo. Bende anago ji duto modak kuno gi kihondko.

Ezekiel 30:14

Yo milambo mar piny Misri abiro loko thim, to dala Zoan man yo nyandwat abiro wang’o gi mach. Anakum dala maduong’ mar Misri miluongo ni Thebes,

Ezekiel 30:16

kendo nawang’ Misri gi mach, mi Pelisium chandre malit. Ohinga mar Thebes ibiro muko, mi pi pong’ dala.

Ezekiel 30:18

Ka atieko teko ma jo-Misri sungorego, to mudho noim Tapanhes. Adier, rumbi noim piny Misri, mi ji duto manie mieche nomaki mi ter e tuech.

Hosea 9:6

Ka masira obiro, mi ji oringo, jo-Misri norwakgi, to noyikgi mana Memfis! Mwandugi kod miechgi ma giseweyo to yugi kod kudho ema nopong’.