Jeremia 43:10 - MUMA MALER 2015

¹⁰ Bang’e inyisgi ni Ruoth Nyasaye Manyalo Gik Moko Duto kendo ma Nyasach Israel owacho kama: ‘Abiro luongo Nebukadnezar ruodh Babulon ma jatichna, kendo obiro keto kom lochne ewi kite ma aseketo ka eri, mi ogur hembe e wigi.

Motingʼo Loko Manyien

¹⁰ Eka iwachnegi ni, ‘Ma e gima Jehova Nyasaye Maratego, ma Nyasach Israel, wacho: Analuong jatichna Nebukadneza ruodh Babulon, kendo anaket kom duongʼne ewi kitegi maseiko kae; mi ogur hembe e wigi.

Jeremia 43:10 ပူးပေါင်းရင်းမြစ်များ

1 Ruodhi 20:12

Ben-hadad nowinjo wachni kometho gi ruodhi kande e hembegi, mi nowacho ni joge niya, “Chanreuru ni lweny.” Mi ne giikore monjo dala Samaria.

1 Ruodhi 20:16

Ne giwuok odiechieng’,

Zaburi 18:11

Ne oimore e mudho mandiwa, kendo ne okawo rumbi mar koth moloko ka hembe.

Zaburi 27:5

E kinde mar chandruok to enopanda e ode. Ee, enokana maber e Hekalune, mi oketa ewi lwanda mabor mondo akwo.

Zaburi 31:20

Ipandogi kama intie mondo kik ji hinygi. Ee, ipandogi kama ogeng’ore, mondo kik wasikgi yanygi.

Isaya 44:28

To Kuros anyiso niya, ‘Ibiro bedo jakwadha, kendo ibiro timo gik moko duto ma adwaro, kigolo chik mondo ochak oger Jerusalem, mi chak ket mise mag Hekalu kendo.’ ”

Isaya 45:1

Ruoth Nyasaye wacho ni Kuros, ruoth moseyiero niya, “Asemako lweti ma korachwich mondo ilo ogendini manie nyimi, kendo iketh teko mag ruodhi, mi iyaw dhorangeye gi dhoudi ma onge kata achiel ma nodong’ ka ochiegi.

Jeremia 1:15

Aluongo ogendini duto man yo nyandwat mondo obi. Ruodhi maggi bende nobi, kendo norenj kombegi mag loch e dhorangeye Jerusalem, kendo e alwora mar ohinga Jerusalem, kendo e alwora mag mier moko duto mag Juda.

Jeremia 43:9

“Kaw kite moko madongo mondo ikuny e nyim dhoranga dala ruoth, ka jo-Juda moko neno.

Jeremia 46:13

E ndalo mane Nebukadnezar ruodh Babulon biro mondo omonj Misri, Ruoth Nyasaye nowuoyo gi Jeremia niya,

Jeremia 49:38

Anatiek ruodhi kod jotelo mag Elam, mi agur lochna kuno.

Ezekiel 5:12

Achiel kuom adek mar jou, tuo gi kech nonegi Jerusalem, to achiel kuom adek machielo ligangla ema nonegi e alwora mar dala. Achiel kuom adek modong’ to anake e tung’ piny gi tung’ piny, ka alawogi gi ligangla.

Daniel 2:21

En ema ochano ndalo kod chwiri gi opon, bende en ema oketo ruodhi e tich, kendo ogolo. Omiyo ji rieko kod ng’eyo.

Mathayo 22:7

Mirima nohewo ruodhno, omiyo nooro askechene, mi odhi otieko jonekgo, kendo owang’o dalagi.