Jeremia 42:5 - MUMA MALER 2015

⁵ Eka ne giwachone niya, “Ruoth Nyasaye ma Nyasachwa mondo obed janeno makare kendo maradiera ka ok warito chik duto ma omiyi mondo watigo. Wakuong’ore ni wabiro timo gimoro amora ma Ruoth Nyasaye ma Nyasachi owachoni mondo inyiswa,

Motingʼo Loko Manyien

⁵ Eka negiwachone Jeremia, “Mad Jehova Nyasaye bed ja-adiera kendo janeno makare kuomwa ka dipo ni timbewa ok oluwore gi gimoro ma Jehova Nyasaye ma Nyasachi ooroi godo irwa.

Jeremia 42:5 ပူးပေါင်းရင်းမြစ်များ

Chakruok 31:50

Laban nomedo wacho niya, “Kapo ni ithago nyiga, kata ka ikendo mon moko ka onge janeno, to ng’e ni Nyasaye e janeno e kindwa kodi.”

Wuok 20:19

Ne giwacho ni Musa niya, “In ema mondo iwuo kodwa, to wabiro winjo wachni. To ka Nyasaye ema owuoyo kodwa, to wabiro tho.”

Wuok 20:7

“Kik uluong nying Ruoth Nyasaye ma Nyasachu kayiem nono, nimar anakum ng’ato ka ng’ato mokonyore gi nyinga e yo ma ok ni kare.

Jeremia 42:20

mano dibed ketho maduong’! Ne uora ir Ruoth Nyasachwa kuwachona niya, ‘Lamnwa Ruoth Nyasachwa, kendo inyiswa weche duto mowacho mondo watigo.’

Jeremia 43:2

Azaria wuod Hoshaya kod Johanan wuod Karea, kaachiel gi ji mamoko duto ma wigi tek, ne jowacho ni Jeremia niya, “Iriambo! Ruoth Nyasachwa ok oseori mondo ikwerwa ni kik wadhi wadag Misri.

Jeremia 43:4

Kamano Johanan gi jotend lweny kod ji duto notamore winjo chik Ruoth Nyasaye mondo odong’ e piny Juda.

Jeremia 5:2

Kata ka ukuong’oru gi nying Ruoth Nyasaye, to ukuong’oru mana gi miriambo.

Mika 1:2

Winjuru un ogendini duto! Chikuru itu, un ji duto modak e piny! Ruoth Nyasaye nowuog e Hekalu maler, mondo onyis gik musetimo.

Malaki 2:14

To eka pod ng’ato ka ng’ato kuomu penjo gimomiyo otimo kamano. Ruoth Nyasaye dwoko ni mano timore nikech uketho singruok mane utimo gi mon mane ukendo ka pod un yawuowi. Ne gin mondeu, to useketho singruok mane utimonigi, kata obedo ni ne usingoru e nyim Nyasaye ni ok unuwegi.

Malaki 3:5

Ruoth Nyasaye Manyalo Gik Moko Duto owacho niya, “Abiro ng’adonu bura, kendo bedo janeno kuomu piyo piyo, ka ayalo ajuoke gi joma terore gi joma kuong’ore kayiem gi joma wuondo jotichgi e yor misara, kod joma ok oluora, ma timo marach ni mond liete gi nyithi kiye kod jopinje mamoko modak kuomu.”

Jo-Rumi 1:9

To Nyasaye ma atiyone gi chunya duto ka alando Wach Maber man kuom Wuode, ong’eyo kaka aparou e lemona kinde duto.

Fweny 1:5

kendo moa kuom Yesu Kristo ma janeno maradier, mane okwongo chier oa kuom joma otho, kendo ma jatend ruodhi mag piny. Oherowa kendo osegonyowa kuom richowa gi rembe,

Fweny 3:14

“Ndik ni malaika mar kanyakla mar jo-Kristo man Laodikia niya, ‘Jal miluongo ni Amin, ma en janeno migeno kendo maradier, kendo chuech duto mag Nyasaye noa kuome wacho kama:

Jong’ad Bura 11:10

Jodong Gilead nodwoke niya, “Wakuong’re gi nying Ruoth Nyasaye ma janeno e kindwa kodi, ni wanatim mana gima iwacho.”

1 Samuel 12:5

Samuel nowachonigi niya, “Tinende Ruoth Nyasaye obedo janeno kuomu, kendo ruoth moseyiero bende obedo janeno, ni pok amulo gimoro.” Mi ne gidwoke ni, “Ee, obedo janeno.”

1 Samuel 20:42

Jonathan nowacho ni Daudi niya, “Dhiyo gi kue. Wasesingore e nying Ruoth Nyasaye mobedo janeno e kindwa kodi, kendo e kind nyikwaya gi nyikwayi nyaka chieng’.” Eka Daudi nochung’, modhi, to Jonathan nodok dala.